各位我好煩丫..唉!!!我阿哥21歲...上年岩岩撞完車..之後好返啦..佢個女朋友有左BB...仲話要生落黎!!屋企環境已經唔太好...經濟只係岩岩好(而家我阿哥又就黎冇開工+佢老婆冇做野了)姐係指意我屋企養埋..我有做野有比錢屋企,而我哥由頭到尾都冇比錢屋企..得我爸一個做野...唉....而且我覺得我阿哥都未玩夠..佢就生仔結婚...真係令我好震驚!!不過到而家..佢老婆(佢地結左婚了)個肚已經6個月了..我知道事實已成定局....不過我既心情都係好灰...我本身屋企有養2隻狗...一隻大(唐狗)一隻细 , 屋企好似已經多左2個小朋友咁..而家仲要整多一個!!!唉....同埋屋企好迫..得2間房..本身一間係我同我哥一齊訓..另一間係阿爸同阿媽..我阿哥又冇能力搬出去住...更加唔駛指意佢比家用屋企..本身我諗住間房的..但我媽爸唔肯..而家我同我阿哥一人一間房..我係细個間...迫到只可以容納2個人企係到..佢地係大個間房...而我爸媽就搬出張雙人床係廳到訓....我覺得我哥老婆真係好似破壞哂我屋企咁....本身好地地...而家攪到咁...其實仲有好多問題煩緊:例如如果個BB出左世..咁BB仔要訓教..但我的狗又嘈既話..咁我屋企人一定怪落我的狗身上..咁又話要掉走佢地...(但我哥答應過我唔會掉的)但萬一到時真係嘈到死...真係掉咁點算..我寧願我搬出去住..但我得17歲..而家有份固定既工作同收入..但不多..我搬出去會好難...問題2:將來BB出左世..就一定會喊..咁我晚上點訓好??我要點過我的日子??問題3:經濟都係一個好大既問題...我心痛我阿媽阿爸要拎錢出黎幫我阿哥養埋個仔..唉....好多野煩...我已經煩到成日頭暈..E生話係緊張焦慮所引致...咁我媽都有開解我...但係我仲係覺得好辛苦....唉........
其實我有2個想法:1是始終都係"一家人"就到就下啦...但係一諗到現實..我又失控了...
想法2是當BB出世後..我晚上去我男朋友到過...早上才回家...但我又唔捨得我的狗...
大家教教我..我可以怎樣??我做唔到安然接受..不過個肚都成6個月..唔接受都要接受架啦...
我應該點諗好..點先可以令自己冇咁痛苦.

PS:我好愛我屋企人的..我媽成日同我講:你呢世得一個阿哥!!.........我本身好鍾意我的家,,但而家好似一切都變了!
我唔鍾意我阿媽對我阿哥老婆咁好....我唔鍾意屋企突然有咩改動..呢個可能就係我幼稚既行為,,!!!

你大嫂本身有無職業？ 你阿哥又係咪可以再工作（傷後）？  有左頭家， 真係要生性做人， 無攞＄返屋企都起碼要攪店自己。

在你媽媽立場， 兩個都係自己生， 個囝攪大左人地個囡個肚， 佢作為阿媽， 都做唔出要人地個囡去落仔。  佢自己都已經覺得好對人地一家唔住。

屋企細， 又無能力搬， 你都要接受現實， 再安排一下狗狗既問題， 屋企有bb又有狗， 如果一定要取捨， 你都好明白人道方面會係點選。                                                                                                                                                                                                                                                                                               

叫你呀哥..申請公屋.......是但...叫個區議員.幫下手~~~~~~~~~

你直頭拎張表俾你阿哥申請啦
但係諗下點樣婉轉Ｄ囉
一係叫你阿媽開聲啦
因為真係好明顯佢地個BB唔夠地方養囉

其實真係冇辦法咖喎,
佢地而家即刻去排公屋,加埋BB個名,
唔搵議最快都要3年...
你黎緊D日子點過就真係冇人知....
之前我家姐有BB,佢本身住喺佢老爺度,
遇正沙士佢唯有同佢老公一齊搬返黎,
(因為佢老爺屋企一共有8個人+3隻狗........)
我冇遇到你呢D問題,因為嗰個係我家姐,
我讓左間房比佢地,我自己瞓廳,
不過慢慢變到我搬左去男朋友屋企住=.="
如果你仲要唔係咁鍾意你阿嫂嘅,
我諗你地日後實嘈交...............