慎防美股及美元同時下瀉
連月, 市場都係鼓吹避險情緒及避險貨幣(美元及日圓).
不過, 自日本數據轉壞, 日圓由90下瀉至接近100才有支持. 反彈上96再回落. 呢個顯示市場在驚嚇之後, 終於有理性以數據及經濟前景看日圓. 不過, 三月年結, 預期日圓都會在94-99之間走動. 方向不明朗. 日本央行干預機會極微. 因為, 87都不出來, 我想不出98出來把鬼? 所以, 干預之說都只係限制日圓升幅.
講番美元, 美股連日上升, 主要係避入美元區資金走入美股, 不過, 美股相信只係反彈, 真正既惡景, 連股神畢菲特都要避走債券市場, 可見反彈係最後機會走人. 至於會不會在美股下跌時, 美元再為避險貨幣. 就以日圓為先例. 為什麼先講日圓, 就係因為預期美元會如日圓一樣下跌, 而非成為避難貨幣.
支持論點有兩個:
一個係金價, 金價在1000美元下急瀉至890. 急瀉原因有兩個, 一係避險情緒下降, 一係美元上升. 事後睇番, 美元係滑落中. 所以, 金價下跌純為避險情緒改善. 而金價在美股上升時, 回升到920. 顯示美元有急瀉之危. 我相信, 金價下瀉既機會, 會被美股下跌或美元下跌壓制.
第二係美匯指數, 瑞士央行入市干預買入外幣, 時候正在美匯指數下跌時. 所以, 我相信瑞郎係最後一隻外幣兌美元下跌. 當然, 瑞郎不足以影響大局, 最大問題係, 點解唔係買入美元? 我相信, 係預視美元將會出事. 美元下跌既事實, 在眾央行及大國之間心知肚明. 昨天, 溫總竟然出口擔心美債資產. 呢個十分嚇人. 你不記得, 上次溫總不是叫停直通車嗎?
所以, 美股及美元同時下跌. 係一個奇景嗎?