若果女人既八字如下:

夫妻宮有吉利用神.......
丈夫星坐食神
丈夫星坐冠帶之地
丈夫星坐絕地

以上個幾句又係點解呢?

仲有.........

如果女人無事業線.......即係代表咩野?
1.無事業?做唔到職業女性?
2.做野唔固定?做邊一行都得?
3.結左婚....係唔係要做全職婦女?唔使出去工作?等老公去養?
4.一世好命?

冇事業線代表做野唔穩定我就知..
師奶仔的話..我見有好多有條又直又長事業線o既師奶仔..
有事業線=有事業, 冇事業線=冇事業呢個說法就唔知
真係好睇你點睇..在家主內都可以話係事業o既一種, 亦有人覺得打工先為之事業
以我上面所講~就算唔穩定o既工作都可以有事業女性呀

係咪一世好命..真係唔知..
諗起之前有個post, 係咪好命好主觀思想
該post當中有提及一個好命o既人, 點知2歲燒壞腦, 一生不愁食穿行感情事業..係咪又係我地心想中o既好命呢?

八字我就唔係好曉..丈夫星唔知係咩
唔知你係咪指夫妻宮坐食神星
不過記得楊x命講過, 夫妻宮坐食神星, 第時老公好鍾意食野, 婚後會發福

如果以夫妻宮坐咩星黎睇好唔好命..所謂唔駛做有人養
楊x命都講過夫妻宮坐正財星之人, 靚仔靚女, 嫁娶有錢人, 婚後旺夫旺妻, 男人有女人緣, 賺女人錢容易成功
我成日都話我快d 嫁..就算離婚都照嫁..我身邊個個正是正財星 點都拎下甜頭旺下我先嘛

有錯請指點

haha~~夫妻官坐正財星.....好似都幾難下啵......><~

唔知道呀..佢咁講我咁聽囉
我夫妻宮坐偏印星..佢話我份人古靈精怪, 都鍾意d 多計仔o既人
我就唔多覺我古靈精怪..我成日都覺得我諗o既野好多人都會諗架啦
去問我阿媽..佢又話覺得我絕對係古靈精怪o既人..
唯一唔覺我怪雞只有我男友

eee~我頭先睇你另一個post..你30歲後投機心比較重啵
而且頭腦線有支線向下...小賭好啦

佢咁樣講你既..哈哈!咁你認為佢準唔準啊?
我唔愛賭..因為我次次賭親都"書"既....所以我好少賭....新年啦...就會玩下囉。不過...我為人會適可而止既。
你話我投機心重...係好事定壞事呢?因為我諗定諗定....遇到好既機會我都想作出投資....
就算我宜家都算係做d小小小小小生意仔。
仲有咩野...你都可以試下講下.........^^~

都唔知佢算唔算準呀~
以我經歷..宜家個男友拍拖最耐..亦最鍾意..佢係我眼中都係個小主意多o既人..之前個d 男友都係大悶蛋
不過我覺得=.=係人都會想自己身邊o既人玩得..唔悶..所以都唔知點去界定

冇呀~我見你右手無名指比例上...長過你左手無名指好多嘛
所以話你30歲後會鍾意搏~
你2隻手頭腦線都向下~好鍾意諗d 靚野~幻想下
不過30歲後有改善~都開始諗d 現實野..coz你右手頭腦線有支線拉高返
我就唔同..我2隻手都係向下...成世都鍾意諗得d 野好美好
你感情路上唔算平坦呢..
睇你隻掌有肉~一生運程都唔錯呀
我只係識咁多咋

哈哈...你可以同我傾咁多計...都算係有緣人啦。^^~
1.你講得好岩。我好鐘意諗D好令既野.......。
2.我都一直發覺自已左手手指永遠都長過右手...就連成個手都係.......都唔知點解既?
可能我唔知將來既老公唔知可唔可以養得起我、養得起我當然係好啦。唔使諗咁多野。但目前我既心態就係...想宜家努力增值自已、努力工作..存錢...睇下將來有無機會做下投資、生意仔咁樣囉。可能到時手又會變得唔同D呢...
3.唉!感情路對我黎講..算係高難度既野囉...你可唔可以幫我講點唔平坦啊?

希望成世既幸運啦^^~

嘻嘻~有緣人
真係唔知整體手掌比另一隻手長係咩意思啵~
我都唔知自己有冇諗過俾人養o既問題
我好缺乏安全感架, 所以就算養我, 除非我自己係咁收埋d 私己錢啦

感情線我見到好多島紋囉~不過應該係小波折黎o既
可能多爭執~拍拖唔長..硬係覺得對方唔岩自己之類
我接觸我d 女性朋友..佢地大多數都係"心靈"上o既唔平坦
不過話實..我感情線冇島紋..我都經歷過呢d "唔平坦"
所以真係好睇個心點睇~宜家我覺得目前開心就夠~唔岩key咪放手囉

掌有肉o既人~唔駛愁o既

哈哈~你同我既心態都係一樣...就算佢養我都好...我都係想出黎做野...因為起碼咁樣我都有私已錢啊...
感情"唔平坦"既意思原來係咁.....你講得好岩。我對感情係咁既感受。但目前真係搵唔到一個男仔...可以係岩我既。不過...我會學識長大嫁啦...學識成熟同埋實際。其實一切平坦既關鍵都係個心而起既。
我都好同意你既拍拖心態....鐘意就係埋一齊..唔開心就放手囉...無咩大不了。

掌多肉就會好D?哈哈...........

就算賺錢買花帶都要搵多d 私己~
除非生bb啦~我就願意做師奶仔..
其實我都學習緊~慢慢將開心o既睇高d~唔開心o既睇低d..時間一過..望返轉頭..其實都係好小事