奇門遁甲中九遁之水遁法
以下是本人基於一些特殊身份經特別渠道獲得的資料, 發表此文後基於保密身份問題, 不會解答任何關於奇門遁甲的內情, 不便之處, 敬請原諒:
學奇門遁甲之同好一定知道奇門吉格中九遁是用不到的, 於是以為奇門某些部份失傳了, 或者乾脆以為奇門分開了法奇門及術奇門.
其實坊間所學的奇門遁甲只是皮毛, 充其量只能用作占卜及預測方位而已, 老實講, 比你搵到青龍返首都無用, 因為所有格局都要利用本身修為去行使, 閣下無修為的話, 比晒所有吉格數據, 點求都求唔到的, 因為只識計數不識方法係無用, 其實民間仍有一些懂奇門遁甲(是真正懂法數並用)的家族, 他們都是祖先學過奇門遁甲而世代流傳, 不過大部份都沒有做商業玄學家, 可惜能認識這種人是很難遇到, 況且他們更絕口不提法術部份, 有些更說是荒謬之事, 不過佢地私底下卻大用特用, 由於佢地由細到大都經父母接觸奇門遁甲, 所以他們對奇門遁甲已沒感覺, 不像我們那般熱誠去研究, 老實講, 佢地對祖先流傳既野已經麻目晒.
以下水遁法是經本人動用數十年交情, 經長期威迫利誘, 旁敲側擊, 要生要死刀仔拮大脾之下才攞到, 攞完仲要比人寸: "比你都無用, 這只是個形式, 你都無心法, 更加無傳承" 所以我不妨比大家參考一下, 因為任你奇門遁甲幾勁都無用, 欠缺佢講o既野一樣行不到法用不到格局, 所以唔好以為諸如青龍返首、玉女守門可以用到, 是一樣用不到:
在海及河旁, 用飛鳥跌穴格局, 用劍訣寫八陣圖經開門入陣中, 紙, 筆硯, 36塊石頭, 水遁符, 穿法衣用法劍行法, 念水遁咒, 入六合位吸玄武之氣三十六口吞下, 出陣步斗一次, 連練三十六日, 練成後水遁法便收於水遁手訣中, 往後每唸咒施手訣行法.
所有其他吉格大概如此, 例如青龍返首等, 是有一整套系統去先練法, 練成後才可在青龍返首格局中實行到青龍返首. 知道後我才真正領略到坊間數奇門的無知.
