頭先我同朋友一齊落樓下跑步..撞到我阿爸..
跑完番屋企後佢無啦啦話我:"你同隔黎果個差好遠..人地成碌蔗..你就成個足球咁"
我冇應佢..但個心好難受..好唔開心..我都知我肥..所以先去跑步..
結果跑完45mins,未夠一個鐘就食左野..真係好嬲..平時我同佢既relation已經唔好..而家仲話我踩我..

另外,我阿媽又日日話:"你自己睇下..真係肥到..仲係咁食..你想肥成點呀?"
[但我果時只係食緊正常3餐-.-]
轉個頭佢就話:"喂..整左xxx呀..過黎食啦..仲有xxx呀..快d過黎呀!!!"
(有時我唔想食唔行去食..佢就開始惡-.-食唔食呀你!!!!!)
跟住又買好多xxx番黎叫我食..我話唔食佢又嘈

我好矮153cm但約134磅..我朋友高我6,7cm..12x磅左右
真係蔗同足球既分別??
我爸媽都係矮的..我爸有個大肚腩..我媽身型同我差唔多.
點解都要話我!每次聽完佢地d說話..我真係好唔開心..我做咩仲要減..

你係男仔定女仔？

做父母既把口雖然係話你「肥」,
個心都知你要減肥先健康,
但係無父母鐘意睇住自己d仔女,
為左減肥既唔食野,
而且佢地見到你「瘦」左既時候,又會「心痛」。
依個係父母既矛盾之處,
想你好但又唔想你咁辛苦。
父母既關心,好多時令仔女覺得係「話」

為有自己係食野方便清淡d,
要比父母知,
自己減肥係為自己既健康著想,
唔係盲目咁節食減肥,
最緊要既係,
唔好唔食野,
樣樣有營養既野都要食,
煎炸油膩既都唔好食,
少鹽少糖。
可以既話同屋企人一齊減下個肚腩,
(因為你話你父母都係肥)
順便一齊健康飲食