同爸爸相處時間只有25年. 佢就走左.
印象中小朋友時期的日子都開心, 因為年幼時痴爸爸媽咪~
不過大左之後, 屋企人關係開始疏離.
一係出街, 係屋企就匿係房. 淨係食飯先出廳.
食飯時間半粒鐘, 爸爸問我d野, 我就厭煩十問九唔應.
爸爸走個時, 54歲, 就黎退休,
仔女又岩岩出身開始賺錢. 佢就走喇. 褔都無享過
佢臨走前講過, 最遺憾係就快挨完時就要走.

爸爸走左呢一年期間~
間唔中都會發夢夢見佢. 夢見佢走之前病重既時候~
夢裡面既我喊得好犀利, 會喊醒~
呢d我都只係擺係心,第二朝又好好地生活. 因為夢裡爸爸仲在生.
尋晚有d唔同, 發夢夢見我做一d儀式叫佢上來,
第一次唔係佢上黎, 我打走左佢~
我再叫,呢次係爸爸上黎, 見到佢唔開心, 覺得佢過得唔好. 好傷心, 勁喊~
喊醒左~ 醒左繼續喊~

夢見爸爸, 我完全無同媽咪講,
驚講起or提起佢會唔開心. 或者亂諗野.

讀書時學一句 "子欲養而親不在" 個種心情.
到而家先真正明白. 先真正體會到入心, 痛到入心.

難樓主 請節袞
我相信 在遠方的父親會知道
今日你的文章 他會很開心
厡來兒女 長大了
過去的  回不了頭
但好希望  相信你爸爸也希望

你堅強努力做人  並且替他好好照顧媽媽
在此事上希望你能珍惜眼前人。。

另樓主 父親去世一年了
如果 這事 深深影响你思緖 太長時間的話
你試試找社工  讓她們去幫助你去 面對!!!
她們可以幫你慢慢走出來
亦會教你如果去令未亡人釋懷
要去面對摯親去世 不是一件昜事
初初會無原無顧 想起 眼唳不受控的流下
有時一些舊有的片羖 不停出現  無法集中

心痛不停的心痛
很難真的很難受

但樓主假如你屈出病來
媽媽又如何呢???
其實不提 是逃避 這是必經經
多些留意媽媽的心理狀況!!!

樓主 不知你是男是女
不過想哭就哭 不要往肚裡吞
哭 也是一個好好宣洩的辦法

就正如現在一樣
我一面寫 淚也自自然然流了
不過每次哭過 就會舒服一些

希望你我可以快些 復原
共勉之

樓主可以試下問米招佢上來問下

唔好咁唔開心啦~我覺得你而家要珍惜同屋企人相處GE日子~我最近有位伯父過左身~佢更加令我更加明白到珍惜眼前GE重要~有時我會諗~如果親人一旦離自己而去~果時先黎後悔~自己從來無愛護過佢果時~就已經太遲架啦~諗~佢在世時~點解得閒唔同佢行下街~買D野氹下佢地開心.......留番多美好GE回憶~珍惜而家最重要~

我都係阿爺走左先好後悔佢在生時冇好好錫佢 (我細個係佢湊大), 原來佢走左真係唔會再返黎... 人生經歷第一次死別, 覺得好可怕...

我唔想再後悔, 我會好好珍惜身邊我愛既人

多謝各位既鼓~
大概兩三個月就會夢見爸爸.
岩岩夢醒個下真係好唔開心, 勁喊.
不過喊完就無事.
呢個post夜欄人靜,夢醒時候,略有所思,有感而發而寫~
寫的時候眼淚都控制唔住流落黎.
最後都好多謝各位既鼓勵! 共勉之!

尋晚都有夢見爸爸, 不過今次無喊~
夢裡面,爸爸活生活健健康康仲未發覺有病~
我見到佢好愕然...呆左..
「咦? 爸爸唔係有病架咩?」
「爸爸乜唔係走左架咩?」
「咦? 爸爸個骨灰唔係要等幾年先有得上位咩? 爸爸仲係到喎! 咁奇怪既?」
「死啦~ 遲d爸爸就有病~ 點算呀~」
跟住就醒左lu~ 唉~

我都有夢見我爸 ,多數係生活片段

樓主爸爸做咩行業架?
好辛苦?如果係的話的確幾可惜...
咁到樓主你知道爸爸有病時又有冇好好孝敬過呢?
記得唔開心,唔好屈住屈住,大哭一場,咁就好d架啦...