咁我出左黎做野幾個月..人工$8k..咁之前就買左份基金...每個月都要供$1500..
之後仲有供下其他野,助養,電話費,車費,等雜費 計埋食飯大約用4k(唔計玩或買野)...
屋企得阿媽同一個細佬.
阿媽有做野.(佢$7.xk人工) 細佬讀書.
屋企d日用品呢 就要自己買既...
e.g. 洗頭水 用完要我買(但我細佬同我都有份用,阿媽一時時會用) 但都會叫我買.
但佢一星期都有3-4日煮晚飯,有煮我都會有得帶飯返工食...
有時全家出去食飯都會佢比錢...一至兩星期一次...
住就住公屋...$8xx租一個月...

咁其實我比幾多先叫合理???

我就係唔知比幾多先好.....
早午晚三餐都係洗費....
同埋我想草下錢進修...(公司叫 同埋我自己都想)...
所以比3k...我諗我$1 都草唔到...@@"

我阿媽就冇叫我比幾多.....但係就成日話冇$洗...
不過就比開千八....@@"
有次比阿媽知道左我有助養小朋友(因為宣x會成日寄野黎)
阿媽叫我唔好助養....cut左佢比佢養細佬好過....

其實好多野都係支出....
再比多d..有d困難...都唔知點同阿媽開口講好...

你到底理唔理解屋企既經濟情況先?

屋企如果經濟都唔係好了 助養既事係唔係等真係有能力去幫人時先做呢?

幫人是好事 但都係自身攪得惦 先去幫人吧

家用無話比幾多先夠既 你自己覺得一個家庭開支是多少呢?

用品就萛自己買都唔係過份呀? 你真係呢......吃又屋企 住又屋企?

仲要屋企照顧到你幾時呢? 老實講句 你唔比錢屋企都無問題架

你自己良心過意得去嗎? 你媽都撐頭家應該唔少時侯吧

但作為一個有血有肉既人

係唔係盡返自己能力去維繫個家庭呢?

屋企得我,媽&細佬...細佬F.5...
阿媽有做野呀....
助養唔係好多$....2百幾....

樓主，你媽媽每個月賺7千幾，要交租、水、電、電話、煤氣、買餸、家中雜費、交通費、午膳、全家出街食飯.......細佬學費、書簿、午膳、零用、補習、考試費。

你媽媽想唔想儲錢？

媽媽搵錢仲少過你，不如掉轉媽媽每個月比三千蚊你做家用，然後你負責以上使費，你就會明白。

佢搵得少過我少少...比完家用已經多過我1K...(仲有爸爸會比膳養費)
其實我都有計過租加水電煤上網等...都係千幾...2千內...
什費如日用品都係我買....食飯唔係成日出去食...一個月最多最多都係6百到...
阿媽最大既開支就係我細佬果筆...
我自己洗錢...講真...叫我買$9.9一筒糖我都會覺得貴既人黎...
我每個月都係剩到1-2K到...
讀個課程都以萬計.都要草好耐.先讀到......再加的話我真係冇能力...
我今年19歲...得F.5 學歷...唔去進修 比人淘汰左...到時我$1 都比唔到屋企...

明白樓主想進修的道理，以你中五學歷，能找到搵8仟元的工作已好難得，開心見誠對媽媽說自己想進修，暫時只能比較少家用，她應該會明白。

我有講過...
但係佢話:讀咩丫...唔讀都做到我e份工都夠啦...
我都唔知點解釋比佢聽好