早前用15吋缸初學人養魚
乜都唔熟
結果令心愛ge三間鼠死於白點
我仲幫佢拍左遺照
醫白點我跟足指示用藥
七日療程完左都毫無進展
最後用埋落鹽呢招都唔得
痛定思痛
一心為三間鼠從整美好家園
我放棄左舊缸ge一切
專心煲熟各大小水族forum吸取各位魚友ge功力
好了
買左一個20吋缸70L容量
又水草又沉木(Ｄ水草同木只係用清水沖洗一下就放入缸)
咁之前舊缸遺臣有兩條螢光班馬同一條金清道夫
舊缸摺左之後就暫居一個12吋缸(住左14日了)
心血來潮諗住set好左個新缸
不如買d黑摩利返黎做下先頭部隊啦
去魚街買左幾條
返到屋企先發現"百萬軍中藏阿斗"
竟然有條 3mm咁大ge黑摩利BB
為此我又去買左個缸仔再加個生仔缸
暫放幾條黑摩利 同用生仔缸隔開條魚BB
班大黑摩利我屋企人唔like
第日就即送回俾魚街
條BB就留低養
如是者又過三日
擇好吉日
兩條螢光班馬同一條金清道夫+黑摩利BB(用BB缸吸住係大缸養) 就20吋新缸入伙啦
如是者過左幾日
我又買左七條螢光班馬
新魚穩陣計 我做足對水對溫 一邊滲大缸水(舊水)一邊隔離養左三日
觀察過一切正常
再滴一滴甲基藍浸 再換大缸水(舊水)再養一陣
就放入大缸
一切都似乎好順利
兩日後
我就去買左三條三間鼠
諗住睇四、五日
狀態OK就入缸啦
殊不知
三間鼠一返黎第二朝早上
黑摩利BB驚見左側魚鰭現一白點
初時仲妥慰自己--魚仔係痴左D污糟野姐
誰知今早驚見佢條魚尾同個身都有白點
天呀
點解要咁對我
我又要翻缸？？？？
又要一切從新黎過？？？？
