個日我係街到做左個問卷調查,之後佢又話比d紀念品我 所以我跟左佢地落去佢地間鋪啦, 點知係到sell我基金,果時又冇野做 所以聽下佢講,個條友話自己係"英國保誠", 話我每個月供100蚊美金(hk$780), 話有5~10%回報, 跟住仲話 : 其實我地係幫你地d 懶人 每個月存錢, 同埋好過你放係銀行到, 放係我地到起碼筆錢會多d。  之後仲同叫我選擇將幾多% 放落咩野股票(佢好似有中國石油等 ) 仲叫我比兩個月的錢(hk$1560)  我覺得有d唔對路 所以話有事閃左人~~~   各位大佬 我想知 信唔信得過= = 講真 我睇過你地d post/回覆  邊到有一定賺的投資   呢樣野我明 但係我只係想 每個月供500 ~ 700蚊  一年供大約 6000 ~ 8400, 有返5~10%回報 以加夠做  因為本人剛剛18歲 又冇咩專業人士提供意見比我  但係我又想 20歲之前最少存返10000 ~ 50000 , 比少少意見我 thx / . \

算你醒目
唔會信晒agent講既野
識得上黎了解基金既另一面


多既唔講 只講重點︰
1.　回報無保證。開口埋口話每年10%，牛市好景時3,5年就有機會，10年都得就只有巴菲特同馬多夫。
2.　收費過高。有年期既儲蓄人壽相連101就一定貴，就算普通基金既5%認購費和1.5%行政費，都會蠺食你既回報。
3.　靈活性低。有年期既計劃一定要完結後先可以拎番全部本金，agent話隨時拎錢走只係部份本金。而普通基金買賣要幾個交易日，部份仲要蝕買賣差價。
4.　可投資海外不同市場。分散風險。
5.　平均成本法。可減少價格下跌的風險，長遠地增加回報。


總結及建議︰
1.　你既兩年目標屬短期，買基金起碼要睇5年，加上你資金少，唔需要分散去投資海外市場，所以基金唔岩你。
2.　呢幾年經濟唔好，如果你只想穩陣既就唔好期望5-10%，高風險既迷債都一樣係5-10%
3.　資金太少，好難月供股票或盈富基金，暫時還是放在銀行。黎緊呢6-12個月了解多d投資既野，到時再每月1000蚊月供吧。