((^*^~@)) 呢個男仔得唔得...12-3-2009 9:00 鹹魚白菜也好好味...花花小妹努力呀!!!!
27歲 178 cm高
無不良嗜好
有樓, 有車, 勁靚仔, 眼大大水汪汪, 瘦
不過佢同屋企人住
無錢, 不過有學歷 (first hon 學士, 碩士)
平日鐘意去運動
識彈琴同結他
對女仔好好, 超細心 (幫我開門又對我笑)
好辛苦先識到佢
我地第一次遇上
================================================
第一次見佢係大學見到
我係有朋友畢業一齊去
見佢都畢業, 人地話佢 First hon 係勁人仲要無女朋友
我一早見到已經留意佢
見佢眼大大水汪汪真係電死人
我見周圍D女仔都有來來回回咁望佢真係勁靚仔
我企係佢同屋企人側邊, 佢竟然同我講野
....不過係請我幫佢同佢屋企人影相 ....佢仲好有禮貌
我不知所操又唔敢望佢...
佢俾左4個相機我, 我一個一個影,
我好細膽, 不過我突然想到好計 .... 用自己個機影埋佢地(扮唔小心)..
之後真係做左.... 佢仲話我好搞笑, 話我係影相高手
我就話不如我send 返相俾你呀, 佢就留左email俾我
我個心快到就要死咁呀 ．．．．
12-3-2009 我今晚竟然去上堂!!
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
朋友話我知道原來佢畢業之後仲讀緊博士, 會係大學教學士學生
四個之後, 我晒埋佢D相, 終於聯絡佢話不如我交d相俾佢 (我朋友唔知道)
佢一個鐘之內就覆左我....
原來佢會上堂, 佢話唔駛令俾佢不過我話唔緊要
其實我話我都要去睇下有無課程啱我
佢唔好意思咁
我今晚就會去俾相佢...
我揀左最靚o既三,
化完妝, 就會去啦
我係佢相後面寫左句 : " I happy know you."
會唔會太糖突呢
我仲晒多份無寫字...以防萬一
我用 藍色包住應該都幾靚好似小禮物咁
死啦好驚呀, 如果俾左佢之後無下文點萛呀
12-3-2009 8:10 浪漫的酒渦...
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
今日成7:00先化好妝, 太濃又唔好, 太淡又唔夠專重
好在有人提我 "I happy know you" 好樣衰....
改左 " I am happy to meet you"
著三換左5次....
最後都係深牛仔褲加貼身粉色T-shirt, 再加黑色中boot, 放長頭髮 淡妝, 老媽話夠斯文又幾young
好出門口去到金鐘之後已經7:45, 約好8:00係唔知咩東東地方等..
即刻上taxi 上山10分鐘已到, 不過搵到去已經係8:10pm...
我又stupid 無問佢電話
一睇原來佢就係門入面, 好似有學生問佢野
我見到佢好緊張又唔知過去叫佢好定係等佢發現我好...
仲有個人走來走去好熱...我怕有汗好樣衰:Q
唔知點好時佢已經發現我, 仲認得我!!!!!
佢見到我就say hi 叫我等一等....
佢身邊d同學眼超超望我 我好驚佢地知我唔係呢度學生..
佢用英文同D學生講野...
呢一刻人地一定以為我係佢女朋友...好開心呀
我望住佢, 原來佢有酒粒架, 隻眼好大閃閃下咁, 不過有D紅
雙眼皮電力十足, 我懷疑問佢野個班女仔都對佢有野啦
之後....佢答完問題就好有禮貌咁同我講 "你好, 多謝你專登來俾相我哇, 辛苦晒你"
我即時唔知點...好驚好緊張...
"唔緊要!我好鐘意呢度架" (我講緊咩呀:Q)
"妳係唔係呢度Alumni呀? "
(死啦咩係Alumni呀?:Q) <---之後問返人先知
"呀...一定要俾你先...我驚我唔記得..." 俾左份好似禮物o既相佢
"哇咁靚! ” 佢酒粒好深呀．．．勁靚仔:Q
佢望住份似禮物o既相個樣好天真咁
俾左佢之後我都唔知點不知所措...
佢好有禮貌雙手接．．．睇左一陣, 佢見到我係包paper後面寫 : 加油~
佢話我D字好靚呀
"加油? 哈哈... Thank you~ 妳都好好人wor......呀．．．我銀包係Office, 我宜家上去拎, 妳晒左幾多$呀?"
"無問題啦....好少$ja...”
”唔得...男仔唔可以咁架, 要妳咁辛苦過來呢度俾我"
之後佢就請我係一面坐，佢返office....
"5 mins"...
我個心跳好快呀， 連我自己都feel到有聲．．．
我之前個樣不停係度笑．．．係緊張o個隻笑．．．成個人梗晒....
我見佢行開就即刻去洗手間睇下有無走樣....
好緊張呀．．．:Q
點知道一出洗手間佢已經返
"哈哈我仲以為妳走左"
”唔係! 唔好意思呀 (Sales 病=3=) ... 我啱啱去左washroom (<---係唔係好有文化呀 ^0^ )"
"Oh...拿呢度$xx.xx, 真係唔該晒妳呀"
”你鐘唔鐘意d相呀?"
”我未開呀, 妳包到咁靚．．．”
”呀．．．唔好意思呀...(我做咩呀>~<) .. 呀唔係... 我係想話你想拆就拆啦 (＜－我好失禮呀 ~0~)"
．．．
”妳而家去邊?"
”我．．．（死啦我仲有咩好做)...我走啦" （＜－唔好呀...)"
”我都走架啦， 我去o個面..."
"我都係呀 @0@~ ... 一齊行啦 " (其實我唔識點走架!)
我地慢慢行，我唔敢望佢...
不過我叻女問 "你去邊度呀?"
”我去旺角呀，妳呢?"
”哈哈， 我都係呀 " (<---好假)
”970啦"
我地一齊坐巴士呀
不過我地分開左右２張坐...我坐入一格先，佢無坐過來,係平排另一面坐...
好在佢係我左面， 我覺得我左邊面靚D架
12-3-2009 9:00 鹹魚白菜也好好味
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
花小妹鼓起勇氣問 "你返屋企食飯呀?"
"我...返去煮飯食啦, 妳都未食飯???"
(下!?男仔識煮飯!? 唔係化... >w<)
"我未呀...好肚餓呀:P" (<--我覺得我好大膽:P)
"妳介唔介意我請妳係旺角食D野? 當多謝妳唔食飯令相俾我啦, 同埋...我都唔想洗碗...哈哈"
(洗碗!??做家務?!? >v<)
"我...等我打電話返屋企先" (<---死啦...我扮乖女呀 >.<...好假呀 )
一間嘈雜o既十幾蚊麵店
從來無發現原來可以咁浪漫
雖然係平平百幾蚊o既一餐
但原來一個人o既魅力可以令一碗魚旦河變成珍參百味
因為人太多, 要排排坐
當然我就坐右面
花小妹認為我地o既認識唔可以用大話開始
"其實我係做緊野, 我係sale屎"
"原來妳做sales, 唔怪之得妳咁talkative 啦...我估妳係sale服飾o既! 因為妳行過賣服飾舖頭都會望一望入面D sales, 係唔係?我估下架ja"
(嘩...果然係博士生...好勁呀...花小妹個心震晒咁一種好特別o既傾慕感覺
突如其來的一下攻擊, 如何抵擋得住)
"係呀...你好勁呀...大學生真係唔同D"
"哈真係中左 ^0^...不過...我唔覺得大學生一定唔同, 其實人人都有自己專長,唔可以用一個呎去量所有人"
"我...其實我中五畢業架ja"
"有咩問題呢? 中五畢業都係一個achivement, 只要妳知道妳行緊自己想行o既路, 我就覺得係一個成功呀.我覺得社會經驗同學歷同樣重要, 只要妳努力就問心無愧"
"嘻嘻又係wor..."
唔知道點解... 同佢傾下計我覺得同佢o既距離拉近左
食完飯之後我地行去火車站就分手啦...
花小妹係火車上面不停回味之前o既畫面
細味之中, 再想想有無留下壞印象...
收唔住o既微笑...
小妹竟然無發覺....
原來佢無問我令電話...我亦唔敢開口問...
