星期一放假, 同男友一齊去左大澳閑遊, 11點多就入到大澳, 未見有太多遊客, 可能仲早喇.....
以下, 就係當日既行程相片記錄:
當日我地係東涌乖搭11號大嶼山巴士到達大澳
朝早每個人都懶洋洋, 沒特別的推銷, 大家都在閒聊...那種感覺,很悠閒
步過悠閒的海味店後, 黎到大橋, 有一些人開始出海捕魚, 也有人開始在船上賣魚..對城市人來說, 既新鮮又加新奇
在橋上, 見到大澳特色 - 棚屋, 對於我來說, 棚屋有著一種獨特的味道...
係石屎森林內,沒有人會這麼閒情逸緻地曬海產,沒有人會這麼有耐心地挑選修剪
大澳正街, 開滿大小商店, 外國人到來, 也都覺得新奇
大澳居民近水而居, 所以賣的大多數都是曬乾的海產,出名的莫過於咸魚...
咸魚之外, 大澳亦都盛產海鮮, 賣魚嬸嬸每日都會推住一車車新鮮海產等待顧客
我從未於城市裡見過這一些咁硬既草帽...也可能是大澳的特色之一
經過正街, 轉一個彎位, 就會見到關帝古廟, 大家記住, 影廟最好不要正面已拍~這是一個尊重
細心看看,關帝古廟樓頂,有不少細工精細既浮雕,我想, 古時人一定用了不少心機去創作
關帝古廟旁, 有天后古廟, 大澳居民以海為家, 所以天后於各人心中, 都係好重要
也都不知自己行到那一條小街, 新屋舊屋同時在同一個時空出現...
這是一個賣魚婆婆的家門, 每一天,婆婆都會好早起身曬魚乾, 下午就會帶去正街擺車仔賣
大澳居民,大部份都會種植花及植物係門口, 大膽的說, 一定漂亮過花展那一些
退休後,居於大澳, 水為床,天為被,係幾好呢
行過好多間棚屋之後...就到達楊候古廟,每一間廟都有自己既特色
去完古廟, 行出正街, 就有指示牌, 教你點去新基大橋
走完大街小路, 我地就出發去搭快艇, 向白海豚之旅進發係船上看棚屋,從另一角度, 感覺也都不同
熱烈歡迎~中華白海豚...當日好幸運, 見到白海豚, 我對上一次去, 係完全睇唔到...
睇完白海豚,我地就會去到一個地方觀賞一個叫將軍岩既岩石
上岸後, 就去食個午飯先~之後就行另一面地方, 我地試下入唔入到大澳舊差館這個是消防局牌, 依家都仲有消防員係入面居住架~
有無見過咁簡單既大會堂呢?
呢個唔係大陸傳說中既少林寺, 只係一個推廣武術既地方....
這就是傳說中的舊大澳差館, 可惜, 我入唔到去, 大門是用鐵練鎖住的, 我男友就入到去...
行完一大輪,午餐都消化得七七八八, 出返大街, 已經人頭湧湧, 嘩~旅行團黎到喇~突然眼角一閃, 咁多人排隊既,咩事呢???
入去望一望~~~~
原來係炭燒雞蛋仔伯伯~好...等我又排先~
制成品~好好味架~大家唔好以為, 雞蛋仔一定要熱喇喇先好食bo, 伯伯既係要凍返少少先好食架~
又夠鐘同大澳講拜拜喇~~離開前,見到2隻出世應該得幾個月既小貓咪~
拜拜喇, 大澳, 下次再會喇~
後記:
在大澳之行入面, 睇現了好多事, 我想於七、八十年代, 大澳居民生活一定好滿足, 但時代進步,有很多歷史也都可能被淹沒下來, 見到有很多好舊既屋, 有破廢左既茶樓、大屋...當年大澳居民生活是如何...我想從一點點的歷史會看得見~
今次大澳行程完畢, 多謝收看