我係女仔~岩岩識左個男仔~同佢出街個日好開心~但係個日佢要返工~之後佢放左工就同我去街~好開心
~但係個日5點幾出到黎~佢9點幾就話要走~我自己緊係有d唔開心~
之後好好笑~我話想睇戲(個時6點幾)~之後咁岩有戲係上7點~我話唔睇~
之後我地去左行下啦~到左佢差唔多走既時間~我就話要睇戲啦~
佢都話唔得啦~我一陣約左人9點幾...~之後我就好唔開心~一直都冇咩點同佢講野(覺得自己好衰 )~
去到地鐵站我就差唔多落車~佢又叫我笑下啦~我都冇咩理佢....
講真~我都好想同佢一齊去~但係唔知佢介唔介意~
最後我都係唔開心咁就落左車...

我上黎開呢個post係想同大家傾下計同可以比d意見我~
呢個男仔我同佢有冇機會呢??
但係個日我都好開心~唔知係咪因為太小同佢去街...今次係第3次咋!!
佢平時都唔會打電話比我~msn都好小傾計~

希望有人比到真心既意見我!多謝!!

你冧人冧到出晒面，女追男隔層紗，一齊機會好大

如果佢都有d鐘意你既話
自然佢會何你表示
唔需要太過心急既

你發完脾4,仲敢問呢個問題
BB係男事主的話,絕對唔會再搵你第二次

都係個句  樓主唔死心ge米繼續lor

引用:

你發完脾4,仲敢問呢個問題
BB係男事主的話,絕對唔會再搵你第二次

唔係好明你講咩呀~可唔可以講明d...

有d男仔會討厭女仔咁痴身
而且你都未算係佢正印
無理由跟埋佢去見Fd ga wor.

1)男事主係咪講到明九點零就要閃水??
2)七點零果陣你唔睇戲,OK,人地尊重左你了,到人地真係要閃你先NUR人睇戲,小姐,佢係你邊個呀??第日你溝到佢,可能係到男事主上黎嗌救命...........

男事主已經盡左人事,算係咁架啦

假如男事主係BB或者係一個唔憂冇女溝既玩家,你比佢收撚左皮啦,公主~~

相信樓主睇左呢個POST,可能會有逃跑,唔黎呢版的念頭