版主
|
8#
大 中
小 發表於 2009-3-17 01:47 只看該作者
DAY 1 27/12/2008 (Saturday) PART 2 東京羽田空港-->札幌新千歳空港
好啦, 各位繼續出發!!!
坐Terminal之間既連絡巴士, 到左Terminal 1之後 (因為小弟搭JAL), 就去North Wing度再寄過行李, 唔使再check in架啦, 因為之前我o係香港機場已經收到去札幌既boarding pass架啦, 呢度係Terminal 1既North Wing
影o下航班既資料啦, 我會坐9:45既JL 515
因為寄完行李之後仲好早, 8點幾, 所以去左一間cafe度食早餐啦, 叫Royal Cafe, 呢個就係我去到左日本既第一餐啦, BLT SANDWICH(唔知BLT係咩), 仲有沙律, 洋蔥圈, 同生果, 1200円, 三文治好鬼正同鬆脆
嘩! 一望後面個窗, 見到富士山o係遠處喎, 真係好開心呀, 因為未試過見到佢, 人地話見到富士山係好好彩架, 好靚呀!!!
再影一張跑道既情況啦
食飽之後, 就慢慢行去17號閘啦
沿途既商店, 我買左kit kat strawberry chesscake味
到閘口啦, 嘩! 札幌得零下9度?? 死啦, 凍僵都似啦!! 好擔心.....
JL 515 to 札幌 9:45 am発
今次班機係747, 無PTV, 但係我又坐上層economy啦, 上年暑假由東京返香港又係坐上層架, 有D high class既感覺...哈哈, 就到札幌啦, 望出去真係白茫茫一片, 我諗之前果日真係超大雪
到左, 行緊去攞行李, 我班機
ようこそ 北海道へ (歡迎來臨北海道!)
去C行李帶度攞番行李啦
之後落地庫搭JR快速Airport列車入札幌市中心
新千歳空港月台
我搭12:19 pm既列車, 佢話停幾個站(中途停南千歳、恵庭、北広島、新札幌), 點知去到恵庭駅就停左足足9個字!!!! 好似話條路軌俾積雪阻住要清理喎, 終於成2點先去到酒店
就係呢架列車啦, 講樣令人為之側目既野, 我排隊上車果陣, 突然有一對香港男女打尖喎!! 咁我梗係唔俾佢地上先啦, 但係佢地都成功左, o係我後面, 我無話佢, 費時影衰晒! 仲有, 上到車之後, 佢地坐o係我隔離果行, 仲用好串既眼神好話我個喼阻到佢, 佢無出聲, 不過之後聽到佢地講野就知係香港人啦!(其實係佢個喼都阻住晒囉)
各位, 大家去旅行要做好自己先唔會俾人話架....仲有, 大家下次坐呢架列車一定要坐指定席, 因為如果無位要企足8個字好慘(P.S. 我坐自由席, 好彩有位)
好啦, 唔好意思要各位聽我發牢騷添, 第1日PART 2完啦, 多謝收看!!!
|