03-03-2009
受騙個案內容：
客戶去年底收到電訊盈科寄出的推廣優惠宣傳單張 ，當中提供的 PPS 優惠，利用電訊盈科 eye 多媒體服務或新世代固網短訊電話附設的 PPS 功能，成功繳交賬單滿 6 張( 新賬單作 2 張計算 )，即可獲贈 OK 便利店 $20 購物券！( 圖 1 )
獎賞優惠推廣期至 2008 年 12 月 31 日止，得獎客戶將於 2009 年 2 月 15 日前獲個別通知，但客戶直到 2009 年 3 月仍未收到任何有關得獎通知，故致電電訊盈科綜合熱線 1000 查詢。
客戶分別於 2009 年 3 月 2 日 17XX 及 21XX 時致電 1000 留言，在 2009 年 3 月 3 日得到的回覆如下：
職員表示有關推廣僅限於過去 6 個月未曾使用 PPS 繳交有關賬單，客戶要求當值主管跟進，職員拒絕轉交當值主管跟進，指並非職級方面的問題，職員指可以向繳費靈方面投訴，並且辯稱此推廣並非由電訊盈科負責，對此只會記錄後反映，而沒有作出任何跟進行動。
公司機構：電訊盈科 家居電話 帳單部
客戶服務熱線：周小姐 TOXX S/N：802209XX
對話內容記錄：
職：呢個推廣係針對返當期時，頭半年係冇用過PPS去做交費嘅客戶，先至會有呢個優惠！
職：即係例如話如果一直都有用PPS交費就冇呢個優惠嘞！
客：吓！我喺條款度睇唔到嘅！？條款冇寫喎！
職：我哋 BRITFING 有講過呢個情況囉
客：妳有 BRITFING 係同妳講，唔係同我講喎！妳唔係咁攪笑吖嘛！
職：我知道！了解............
客：妳了解啫，我唔了解喎！我喺條款細則度睇唔到任何關於呢樣嘢喎！
職：針對返呢個情況嚟講，係頭半年冇用過 PPS 交過任何費用嘅客戶，之後喺推廣期內交賬單滿 6 次就有 $20 OK禮券
( 第 2 次重複優惠內容 )
客：我知！嗰度淨係寫住交滿 6 次之嘛，同埋新登記賬單就當 2 次，但係冇妳所講嘅嗰張單之前未用過繳費靈交過賬單嘅嘢
職：但係據我所了解就係有呢樣嘢囉會係，一定係頭半年冇用過繳費靈交過
客：呢樣嘢妳知個客唔係喎！
職：你唔清楚嘅情況下可以打電話上嚟問一問先嘛，我哋都有個聯絡電話 1000 (推卸責任)
客：搵妳主管聽！我唔想同妳講！
職：呢個唔係職級嘅問題呀！
客：我要投訴妳呀！
職：咁請問返係關於邊方面嘅事呢？
客：如果妳咁講，一係妳嘅資料有問題，一係公司有問題
職：咁我知道個優惠係由繳費靈方面推廣做出嚟，咁所以嚟講呢，咁嘅情況下我哋只係收到個訊息係有呢點，可以同你講囉！
客：我唔滿意，我要投訴！
職：咁你係關於呢方面嘅投訴，你可以去繳費靈嗰邊去投訴返囉！因為呢個推廣係繳費靈做架嘛
客：咩呀！呢個推廣係妳哋做，妳而家用呢招嚟同我講呀！妳有冇天真啲呀？
客：繳費靈嗰邊話係妳哋做推廣喎，妳而家就將個波交咗去繳費靈嗰度！
職：我就知道呢個推廣除咗 eye 多媒體服務之外呢，新世代固網電話都可以做！
(講嘢開始九唔搭八)
客：我同妳講！繳費靈方面已經同我講呢個推廣係電盈妳哋攪嘅！
職：但我就知道係頭半年冇做過繳費靈，登記及處理........
( 第 3 次重複優惠內容 )
客：我喺個條款度睇唔到喎！咁即係妳哋誤導啦！
職：咁如果係咁我哋有個熱線可以畀你查詢返
客：邊個熱線呀？
職：1000 囉！
( 當時語氣極之惡劣 )
客：我而家咪打 1000 囉
職：咁當期時你可以打電話上嚟查詢返架嘛
客：即係個客用乜嘢服務都要打電話上嚟問咗先？
( 即係唔駛睇條款啦！ )
職：......................... ( 無言 )
客：咁你知唔知妳哋 1000 個電話幾難打？尋日打兩次上嚟，留咗言又冇人覆
職：咁可能同時間好多人打電話上嚟！
幫你了解過應該係營業部負責，但係對於返呢個個案，我哋只可以記錄返反映畀佢哋知，因為呢個都係佢哋提出嚟嘅推廣
( 痴線！)
客：反映乜嘢呢？
職：反映返你嘅意見囉！呢度以暫時嚟講呢個優惠......
( 第 4 次重複優惠內容 )
客：你當我傻仔呀？吓！咁得啦妳咁答我！妳而家誤導呀！妳知唔知呀？
職：我哋都係針對返新客戶，當期時係冇用過............！
( 第 5 次重複優惠內容 )
客：我淨係知道條款度冇妳所講嘅嘢啫！
職：咁如果係關於呢個問題，好多謝你提出嘅意見，
客：寶咩貴呀？投訴得啦！誤導吖嘛，難聽啲講即係呃人！
客：妳話冇問題，妳話啱吖嘛！妳啲資料好準確吖嘛！妳嘅意思係！
職：係呀！咁我哋............
(態度敷衍兼第 6 次重複優惠內容 )
客：係吖嘛！OKAY！得！係咁！係咁！( 收佢線)
資 料 來 源：電訊盈科現有客戶提供
編 輯：雅虎聯盟『消費權益組』
************************************************************************************************
如遇到不公平的交易，例如貨不對辦、逾期不交貨或對服務不滿，與店方交涉不果。可向消費者委員會投訴
消費者委員會投訴部
郵遞：香港北角健康東街 39 號 柯達大廈二期 14樓1410室
電話：2929 2222 （服務時間 ： 星期一至星期五 上午九時至下午五時半）
傳真：2856 3611
網址：消費者投訴有門詳情
劉慧卿議員辦事處
郵遞：香港中環花園道花旗銀行大廈 602 室
電話：25090393
傳真：23321893
電郵：elau@frontier.org.hk
東方日報 投訴組
電話：3600 9988
電郵：soc.service@oriental.com.hk
蘋果日報 投訴組
電話：2990 8288
電郵：sservice@appledaily.com
明報 新聞部 (報料)
電話：2595 3111
傳真：2898 3783
電郵：inews@mingpao.com
頭條報料：
電話：2798 2665
