男朋友本身係大陸做嘢，撈唔點返咗香港，佢自己本身
有屋企，但係佢同佢阿姐唔啱，佢走咗來我屋企住，咁都無
咩所謂，依家經濟環璄唔好，我揾錢少咗，幾個月來佢一日
三餐都係我度食，佢又唔去揾嘢做，住咗幾個月唔好講話租，
飯錢都無比過，同佢嘈佢就話比揾我笨話比番電費我，電
費單到因為有補貼即係唔使比，試過叫佢返屋企，唔到兩日又
走返來，大家識咗咁耐我唔想為咗錢做到咁絕，但係我對這個
人好失望，我日捱夜捱，揾度都唔夠使，佢就訓到日上三竿都唔
使驚，好似等我養咁，我又試過唔買餸，唔煮飯，佢就係我屋企
揾所有可以食的嘢揾出來食哂佢，其實我要求唔多，每個月佢唔使
比租我，返正租我自己點都要交，比番伙食就可以了，我要求好過份咩?
我都唔明點解我要養埋佢，同佢講佢就會話自己好快返大陸，我真係
好激氣。

没用的男人。。。。。

useless than me.....

好一個軟飯王, 太過份了 , 連一 d 基本既責任心都冇.....

引用:

男朋友本身係大陸做嘢，撈唔點返咗香港，佢自己本身有屋企，但係佢同佢阿姐唔啱，佢走咗來我屋企住，咁都無咩所謂，依家經濟環璄唔好，我揾錢少咗，幾個月來佢一日 ...

好厚面皮既男人，（無差用）

你屋企有垃圾如何處理啦！

他怎麼可以這麼厚面皮
還一D責任心都無
你屋企唔好放任何食得既野
你日日響出面食完先返屋企
睇佢餓起上來會唔會知錯啦

搵門鎖啦..  再唔係報警得都既
而家搵工我知係難..  但點都唔係好似佢咁日日訓到隻豬咁
一d都唔積極..  M記都可以做住先架

佢咁樣做同食軟飯有咩分別?你地拍左幾多年啦?其實你自己心中有個答案只

係想人地同意姐,既然你都知道呢個男人係靠唔住既,一味淨係懶,你地有冇大

家坐底傾清楚個問題呢?

我想問   你依家對佢失望  
個心 仲係咪鐘意佢呢???佢依家咁既行為  係咪你對佢已經失望  唔想見到佢呢?  其實你係佢女友    佢比佢入黎屋企住  已經當自已屋企咁架啦
佢個心 都當自已係   而係你又無乜所謂
只係佢無工作做姐   其實  你個心   只係唔想佢痴飲痴食姐

我唔可以報警做到咁絕，因為當年我屋企有事，佢屋企人幫過我屋企忙，
如果做到報警，佢阿媽會好唔高興，你問我仲鍾唔鍾意佢，我可以講話
對佢無咩感覺，好似一份責任咁，但係我無責任要養佢，最慘係同佢訓
埋同一將床，有時我會避開等佢訓著先訓，但係有時佢會發脾氣突登同我
嘈整到我無得訓，過後佢會講對唔住，但係已經令我覺得好煩，同佢講過
分手，佢就話有咩都唔好講住比佢休息下，遲D先講，比D 時間佢，我個人
係好心軟，明知佢呃飲呃食，同佢阿媽講過，講唔埋兩句就話唔理個衰仔，
但係講多兩句佢又話叫我忍下佢，依家佢失意你再走埋驚佢無哂意志，其實
佢阿媽都唔了解佢，佢所謂意志唔會係因為我囉!唔通我問佢老人家攞返佢個
仔生活費咩，想當年唔係因為佢屋企幫我屋企，我阿媽有病都醫唔到，雖然還
番哂比佢地，但係對佢地我永遠都有一份感激心。

已經去到大家淨係得"錢"既地步, 仲可以有d咩?

樓主只係感恩先仲忍住同個軟飯王一齊,你可以做嘅就係要讓自己狠心一d,恩還完就同佢講清楚,唔好再俾呢舊蘇州屎痴住自己成世~
其實你不妨出去搵個肯幫手的男仔黎扮你男友(最好就真係你出去搵個真正愛你嘅男友啦),睇下佢係咪仲咁厚面皮賴死都唔走!

頭先佢自己話比番條key我，佢搬走，
點知講講下佢又係坐番係度睇電視，當
無事發生過咁，救命，點解佢可以咁厚
面皮