我一向都冇乜話鐘意同唔鐘意邊個女星，不過以前一直都覺得Twins有一種帶比人開心的感覺，可能係因為佢地兩個成日笑掛，而一向大家都覺得阿嬌係無阿ｓａ咁醒架啦，佢會做出呢ｄ事係一ｄ都唔出奇，所以佢一開始既一個回應
我天真，我傻 ，我係接受的．唔係話我容易相人，咁都信佢，而係好簡單咁以一個普通女仔的心態去理解佢諗法．大家依家阿嬌出黎講乜都聽唔入耳，講乜都話佢錯，話佢假．比著你鐘意左一個好似陳生ｄ咁既質素既男仔，有錢，靚仔，又一樣係娛樂圈既人，最慘既係陳生超叻女仔，而且仲可以１００％肯定男方一定唔會比人睇，為左唔想失去，會答應拍呢ｄ野係一ｄ都唔出奇的。我覺得阿嬌既一句（天真同傻）係想講自己天真到以為可以同陳生有結果，而乜都答應人拍，係相度，阿嬌會表現出平時大家都睇唔到既一面，即係大家口中的”姣”，我想問一問，有邊個對住自己鐘意既人既時候係一面正經？會小朋友ｄ，會姣ｄ係好正常架喎．大家唔係佢男朋友，佢唔會唔著衫我地睇亦係好正常唔係咩？
1) 話阿嬌之前比人拍到換衫d相,喊晒口,自己又拍d咁既野，好假既人：
自願拍比人睇同比人偷拍係兩回事，而且人地唔係想比大家睇架ｏｋ？佢只係想比陳生一個人睇，而係大家 自己走去係咁搵人地ｄ相黎睇，睇完又係咁向外話人地Cheap ，自己反醒下啦．比著你呀，比人偷拍ｄ咁既 相，唔係自願架喎，你都會驚啦下ｍａ，會喊係正常架喎，就算係三級女星，都會驚啦．呢ｄ係一個正常的心理反應，唔明可以去讀下心理，了解下人，了解下自已，放低偏見，為人地想下．
2) 話阿嬌係志雲xx上講想過自殺,教壞d小朋友既人:
阿嬌係想話有想過,但期間想一想家人,想一想朋友,做錯事唔應該只想去死而將問題留比家人,人地意思就係想話比d人知,千其唔好想係去死,要想一想身邊所有既人,好啦,又比你地唔鐘意佢既人想埋一邊來話佢.
3) 作為一個小朋友的偶像, 竟做d咁既事:
好老實講,作為小朋友的偶像,佢做得好好,如果唔係呢一件事比人知道,邊個會話佢唔好? 佢有心拍出黎叫人學佢咩? 無! 係無呀!各位家長,醒一醒啦, 唔好永遠將d責任推比人啦. 我相信阿嬌並唔係一個壞既女仔,只係一個冇乜腦走去信一個咁既人,最后搞到自己乜都冇晒,佢係有錯,但唔至於得唔到大家願諒下ma? 有信仰既人都會知道乜叫做寬恕啦,講到好似阿嬌殺左人咁?? 係咁,請問坐過監d人係咪冇重新做人既机會,點解我睇到既係人人都覺得自已唔會做錯野既?
如果呢件事既女主角係你身邊既一個好朋友,家人,子女,我好相信你地唔用同一種想法/做法去對佢囉,公平咩? 有d人可能會話,咁我知我朋友為人唔係咁,一定係個男人呃佢架, 咁請問你地又係阿嬌邊一位? 你地又好了解阿嬌咩? 佢又唔可以係一個易比人呃既女仔咩? 大家公平d啦.
有無想過阿嬌點解想死呀?
比著係你啦, 原來乜都有,有好多人支持自己,一夜之間就因為同男朋友親密既相比人send晒出去乜都無晒, 比人睇晒自己全相心理上已唔易接受架啦, 仲要比人鬧比人話,工作又停晒,比你都會想死啦下ma. 一年後,出番黎工作,大家仲可以一直講落去? 乜香港人平時唔係做好多善事架咩? 心地唔係好好架咩? 乜原來係假架? 我覺得依家仲講緊阿嬌不是,又叫佢收山的,先令我真正覺得可怕....你地既心係用咩做架? 得閒照下鏡,睇下自己個心似唔似惡魔? 因為你地係真係想一個一死, 記住! 如果有一日阿嬌真係自殺,凶手就係你.
芝講得好岩: 人地都有亞媽生架!
我覺得唔可以要求人地去鐘意佢, 但只少大家唔好做一個無品格既人一直向外去批評同傷害人, 阿嬌並無傷害你,但為何你要去傷害佢呢?
