我同男友拍左差唔多八年拖la...佢岩岩求左婚..
本身唸住2010年6月結婚ga..
但係因為住既問題..唸住年底買左樓先決定婚期..
其實我地只夠俾一成首期..
但我爸爸希望同男友屋企人借夠少少錢..希望我地可以有三成首期
好過俾銀行做二按..因為借屋企好過借出面ar ma...
甘如果我地買樓既問題解決到既話..
我地下年年初先開始計劃擺酒個d野..
可否可以趕得到6月份結婚呢??
有沒經驗人士俾到意見我地呢兩個沒經驗既人呢?thx~~

你要快d決定喇,而家好多酒樓,酒店已經book到2011年6月....

睇你有乜要求同有幾多圍囉!

我覺得你最好係依1,2個星期去行定心儀的場地, 順便問下佢o地booking的情況. 你就知道家陣d人有幾癲. 今日睇到個post就有間場地10年年尾的weekend已經俾人book晒.

你再行埋下2個禮拜的expo (13/3-15/3)就知有好多o野要攪. 半年其實有d泯.

如果你唔係咁全統的話......唔一定要有樓先之後先結婚
而家社會D人結婚同買樓都可能分開

我地都係2010年11月結婚.
上個月一睇, 就發現心水場地同日子都比人落左訂了.
所以真係要快. 唔想快都唔得.
我地擺尖咀彩福. 11月既星期6好似得返月尾果日. 唔係好日黎咖.
我地最後只好o向星期日擺.

如果你諗住閒日結婚, 又唔一定要好日, 唔介意地方, 圍數又唔多, 或者選酒店, 其實又唔洗咁急搵酒席.
我之前聽d人話要一年前book酒席, 但而家發現年半前都已經遲, 好似鬥早咁.....