真人真事.........超感人
我唔識得拍拖,我應該點做...我真的愛佢.. 我咸左好多次,我唔知點算...好傷心...原來拍拖係咁辛苦...
可能係自己一向成日睇電視劇,小說,d男朋友好好,
所以一直有憧憬...覺得佢會對自己好好,令我對男朋友限定左,一定要點要點..
令我唔成孰,唔識體諒人,遷就人..
我同佢係2007年10月16日開始,一齊左5個月零3日....
呢個故事有小小長,有心人請看...
我同佢讀同一間學校(ive),一開始覺得佢份人好自大...話自己媽咪做教書,好似副校,
人工高...我起初對佢無好感,仲有小小憎佢,
後來因為諗住大家同班,而且自己成績唔好,可以多個人問下,
傾下計,比左msn佢,
後來慢慢傾下先知佢先前原來拍左四次拖...每次都係女朋友有第三者.....
佢係msn度打[還能找到愛侶嗎?]
睇到個陣覺得有小小心酸,後來聽同學講佢想追我,
我覺得好怪,我地識左唔耐,又唔係好孰,點解會鐘意我?
心諗一定係講笑..d男仔係咁...無理會,之後我同佢講唔好亂講野,
搞到同學誤會,跟住距同我講話係真...我個下好無耐..
真係唔明佢鐘意我d咩,你同我識左唔耐,又唔了解我,
所以我拒絕左佢,後來佢無放棄,我有小小厭,好認真問佢
[你鐘意我d咩,諗清楚,我唔想玩玩下,我同你之前既女朋友唔同]!
無幾耐佢同我講佢林清楚係真心鐘意我...
我唔知佢係咪口花花,所以唔信佢,後來為左
唔洗煩,令佢憎我,我同佢講[你到底點先明?你係想人愛你,想拍拖,你唔係鍾意我]..
根住佢摺左一個用一百蚊整既心心比我,我無要...
佢話會好鍚我...
最後我有小小心軟,加上自己無拍過拖,
想試下,終於係10月16號零晨3點一齊左...
呢個係開始...
一路打字,一路喊...
開始左無幾耐,我發覺佢講既同做既有出入,
佢亦唔係佢講到咁有錢,只係佢屋企人有..
呢樣無所謂,錢可以搵,我願意捱,而且而家只係學生...第時既野無人知...
最重要既係對我係點...但我發現佢係一個自私既人...由一d細微既事可以知...
佢覺得我係唔係處女,唔重要,但,就算點都應該有小小介意掛...令我覺得佢唔夠緊我..
我話我唔贊成婚前性行為,佢雖然成日提,但有尊重我...
佢會唔想送我返屋企,但我地住得唔遠...
係多人既地方,我見其他男朋友會唔比個女仔撞到,好溫馨...連袋都唔想幫我?...
佢唔會...可能佢唔夠細心,我應該體諒,但我唔識,仲成日發佢脾氣,
我有一次去佢屋企,佢唔落黎接我,我覺得好唔開心,一次過爆發..
第一次同佢講分手,佢話唔會為一個女人改,
但後來佢有改...
佢有時又好浪漫...
有時上堂會唱一d情歌,寫一d有意思既歌詞,仲好識簡時侯,
我真係好感動...雖然我知係口花花,但我都係好感動...
有一次嘈..唔知點解我地成日嘈,可能係我要求高,覺得男朋友應該係點..
無林過女朋友都要體諒男朋友,我真係唔識拍拖..個次我同佢嘈,
我叫佢返去先,佢真係自己走先,我又一次頂唔順講分手...
有一次佢話累,唔送我返屋企...其實我知全部野都係我叫佢先做,
無一樣例外,從來無驚喜...每次我唔開心,
需要佢係我身邊既時侯,佢都唔會係度...
我只係想要佢好緊我,只係咁...
每次講完分手,後悔既一定係我...
我地成日都會講好多比喻,例如我鐘意紫色,
佢就話,佢會由一條蟲,變成我想要既紫色蝴蝶,
又會話...好多好多,甜言密語...
有時佢又會講一d自私既說話,講完之後,我個樣都唔知點,又唔知點答,
心諗[你係我男朋友黎架,點會講埋d咁既野...]
佢話自己亂講野,叫我體諒下...無下次...但唔只一次了,成日都係咁...
佢每次講既野,應丞我既野都做唔到...
如果真係對我好,點會咁講,點會做唔到....佢話愛佢就會體諒...
可能我真係唔識體諒人,唔佩有人鍚...
又有一次,佢話無錢,
講笑話星期一食雪芳蛋糕,我話好,唔介意一齊食..佢感動到喊,
之後再同佢嘈交...唔記得嘈咩啦...星期一無一齊食,
佢同左其他同學食,我食唔落,
去買左兩個雪芳蛋糕,叫佢唔好食咁飽,佢唔明點解...後來佢見到..
話無林過食雪芳蛋糕都要我比錢,
我喊住咁話,又係你話一齊食,你唔守諾言...
佢屋企人唔鐘意我同佢傾電話傾咁晏,加上佢依家要返工,
每次一齊都係我唔捨得佢多過佢唔捨得我..
佢話雖要私人時間,我地相處得太多...
佢無時間同佢屋企人相處..
我屋企人又唔比我拍拖,話同佢一齊學費都唔幫我交...又話我地仲未成孰...
仲有好多好多...
我係咪好唔體諒....?我知我第一次拍拖唔識愛人....
我應唔應該再一次挽留?
佢話我令佢好辛苦,我係咪真係要求好高?
我覺得自己好緊佢,我愛佢多過佢愛我...
我應該點算?係咪我肯改就得?點先可以忘記佢,我仲應唔應該同佢一齊?
好多朋友話我地唔適合...係兩個世界既人..
但我依家真係好愛佢...
唉...原來拍拖係咁辛苦...我只係想有個人鍚下我...好緊好緊我...
轉貼FDZone Forum.....萬寧
