我成日見人地話一鼠一籠,但我見寵物店果d 一埋鼠鼠, 佢地好似好好感情咁wo
有時我都諗係唔係應該俾佢地一齊住? 見佢地好似好鍾意黏埋一堆咁

你地既睇法係點?? 冇呢個疑問??
我既鼠鼠分開住, 感覺佢地好悶咁, 反而少左活力咁...

因為寵物店果d鼠仲係bb,所以唔會打交~ 但倉鼠一但有左生殖能力,佢地就會有霸地盤既意識,同性就會打到另一隻死為止,一男一女既就會不斷生bb,唔洗幾耐就會搞到好似寵物店咁多鼠,多到你唔會有能力養! 所以要一鼠一籠! 明唔明?
你鍾意睇佢地一埋咁,你咪去寵物店睇到夠~ 但如果你要晌屋企一籠養一大埋鼠,你最後只會睇到佢地不斷撕殺既埸面!!
倉鼠係唔會知咩叫悶架!你有野俾佢食,有野玩,已經會滿足,你怕佢悶咪多d同佢傾計,多d摸下佢,多d親手餵佢囉~ 倉鼠d活力係晌你訓左既時候先會出黎架! 你搵日半夜3點幾起身睇下佢,你就會知!!