開班授徙--鋼琴


本人今年18歲 (8級), 今屆會考生, 女仔, 未有教學經驗, 所以先收甘平! 因為本人未有經驗, 有自知自明, 廢時教得唔好,又收甘貴
幾歲都教
教得好唔好, 好主觀既姐! 講多無謂, 大家可以選擇試堂! ((試堂唔洗$呀各位))
(每堂既$, 每個月四堂)

級數\min	45min	60min
初級	100	$120
一級	$100	$120
二級	$120	$140
三級	$140	$160
四級	$160	$180
五級	$180	$200
六級	$200	$220
七級	$220	$240
八級	$240	$280

我學琴個間, 8級 1個鐘 $1650/month
而對番我個價$表係 $1120/month

我既教學方針係跟我學緊個間既宗旨, 活動一樣
點解我學緊個間甘貴架!? 第一係因為有搞活動去train 我地出黎面對甘多人都唔會怯場! 練膽量!! 第二係佢地請既老師教得好! 教到我有甘好既水準(自己讚自己中^^)我都好中意教我個個miss 既教學方法

由於我覺得我個間training 好,教學方式好, 所以我都以呢d 活動去提升各位既膽量!
點解李雲迪上台彈琴,面對幾十萬觀眾, 都仲可以神若自如甘彈琴呢!
點解李雲迪彈得甘好聽既?! 我得唔得呢?! 但我甘蠢實唔得啦!
拿~~~!!! 唔好甘好就標籤左自己實唔得呢d 說話先! 收番你頭先講個句先啦!
無野係無可能! 只要你有付出過, 必定能夠得到你所付出過既相對結果!
付出幾多同你所得到既結果/成績係成正比的! 如果你係個d想唔練琴就好似李雲迪甘甘勁,, 你要記住! 李雲迪唔係天生就識彈琴! 唔練就咩都唔識! 現實d 啦各位! 唔好再發夢自己可以唔練琴就可以好似李雲迪甘! 你唔係唔知李雲迪一日練幾多個鐘吧! 你依家呢一刻可能會覺得佢係crazy, 但當你真正愛上了音樂, 投入落個樂章, 你會發現好好玩! 想唔想試下!?
                                                                                                                                                                                                                                                                                               

但我收生好嚴謹! 你如果衰左, 我就唔會教你! 有$都唔賺! 我教得你地唔係為左賺$ 如果係為左賺$ 既,就唔會甘平啦! 雖然我唔知出面其他琴行收幾$ ,都知有好多私人既都可能收得仲平過我! 價錢貴唔貴,呢個唔係一個問題! 你學得琴既即係你有興趣啦! 你無興趣邊會走去學琴姐! 送$俾人洗咩! 學琴最緊要係跟個好miss, 一個教到你既miss! 我唔敢講我係, 但我最起碼唔會係個d 無良既所謂miss, 得個樣, 乜都教唔到d 學生! 錢就照收!
   可能你會話: 你收甘平, 都係想吸引更多人去跟你教姐! 你賺得仲多添啦! 如果真係好似你所講係個好miss, 點解唔索性做義工姐! 做義工教人彈琴!

係! 我承認! 我教琴既原因除左我上面所提及既教學宗旨之外, 我收甘平, 吸引多d 人黎做我學生, 搵多d $, 去做咩? 去供我自己去學自己想學既野!! 我諗住4,5月考完個8級之後, 學埋個演奏級繼續上架! 同埋同下其他野囉…

試堂
只限試1堂! (如果你試堂後覺得ok, 甘你個試堂就會計埋落你個個月度)
做我學生既指標:
1.      彈琴必須剪指甲
2.      學完琴後一定要練琴! 如果日日有練琴既, 就會有獎! 當然, 有獎必有罰! 經常唔練琴者, 一律被判每個星期六/日黎練琴2個鐘(視乎級數而定)
3.      如果成日唔練琴,又要繼續學落去, 我會講叫你停左唔好學! 你要繼續學就另搵人教你啦, 唔好我時間!! 我會寧願教個有心去學, 有興趣學既學生!
4.      係上堂期間, 一定要將熄手機/調校至無聲