{轉}點解佢地俾人稱為牲畜.但會咁重情義?`
啱啱今朝收到個舊同事電話,一聽到佢講嘅事,真係火都黎埋!!!
我舊同事尋日上班途中..(2009年2月28日)約下午5點零鐘.當時佢搭緊小巴,車駛至於沙頭角公路之粉嶺菜市場近工業邨,佢見到一隻黃色大唐狗,另尾隨一隻黑色小唐狗,係馬路上橫衝直撞,險象環生,於是,佢就好奇咁諗究竟發生咩事?
當時佢搭嘅小巴已經經過咗兩隻唐狗,當車停係燈位嘅時候,佢回頭一望~見到兩隻狗起勢咁追住一架藍色私家車,而隻小唐狗已經跑到腳軟...當架私家車停係燈位時.隻大狗就對住藍色私家車搖頭擺尾,又雙腳企起咁攀扶住私家車個窗口.而隻狗當時就好似對住自己主人一樣咁擺尾,車入面嘅人亦都搞低窗,好似主人咁摸摸隻狗,當時隻狗好想跳入去車廂,但唔成功....
到咗轉燈嘅時候,就係私家車開果一剎那,果個人竟然好大力咁將隻狗推開,然後絕塵而去........
當時隻狗愕一愕然.不知所措.繼續追住架車,但係已經追唔到喇.....
但佢都冇忘記果隻狗仔回頭搵返佢....,但佢又一路回頭搵,一邊回頭望住架車...最可憐係佢地唔知道自己已經被人遺棄咗.....
而且當時馬路上嘅車都開始啟動.但呢對忠心嘅狗母子仲不惜一切向住私家車開走嘅方向咁博命追車...我朋友都心諗叫佢地唔好再追,真係好驚佢地會被車車死...佢好想好想落車搵佢地,但奈何小巴已經開走咗......
於是,我朋友即刻打電話叫佢先生去果度睇下搵唔搵得返狗母子.佢先生即刻去搵,但係....搵咗個幾鐘頭都唔見佢地......
究竟佢地而家點呢?
我聽朋友講,果度附近有好多好惡嘅流浪狗....真係好驚佢地會比其他D流浪狗咬...
我地成班朋友都係愛狗之人~
我地聽人講過,有D人如果要遺棄狗狗,會開車送佢地去好遠嘅地方,然後推佢地落車,等佢地認唔到路返屋企.....唔通今次真係比我地遇到呢D事??
我地聽到咁嘅事都好心痛,好唔安樂~~
佢地嘅命運將會點呢??
佢嘅主人點解要咁狠心做出呢D事呀??
佢嘅良心會好過咩?
雖然狗係動物,但佢地都有尊嚴架~
佢地對"你"忠心,但你又當佢地係咩呀?!
我地而家都好擔心,唔知點算好,所以將呢件事擺上網,
希望當時見到同一情況而又見到呢個POST嘅朋友會睇到.
更加希望知道呢對狗母子下落嘅朋友,係度作個回應吖~
雖然知道機會會好渺茫,但都想一試!!
如果狗主睇到呢個POST的話~唔該你反省下自己嘅行為!!!!!{完}
