坐Business Class？？ 　　　　　　　10月23日


晚上七時搵左維珍航空送我到澳洲，當我走到我的坐位時見到一個維修人員按我坐位前的電視，佢按左一陣就走左，係準備起飛時我見係我部電視無畫面wor ? 便向靚女金髮空姐示意求援 ，點知佢話準備起飛不能走開，要稍後才可來幫忙，但等左成15分鐘都未起飛，正無聊之中就留意到原來個個空姐都好正（失敗在無留意有冇空中少爺 ）．
開始沮喪啦，諗緊無電視睇點過8個幾鐘，唔係一開始就甘黑仔嘛
？無耐好彩Ｄ啊Ｑ精神又嚟，或者可以調去坐Business Class呢（Check in 時話班機幾滿架)?甘啱有個香港的靚空姐經過便話部電視壞左，佢話如起飛時仍無畫面便調你去前面坐(前幾行便是Business Class)．哇
，發達啦果然心想事成，希望部電視要繼續壞啊．無耐，靚姐姐走過來話調我去前面便即刻走左，我即刻好開心甘急急取回隨行物品去調位．敝！幾個空姐企埋一齊唔認得邊個靚空姐tim，正唔知點算，其中一個靚空姐便指住叫我坐中間位的第二行，係失望之際又見到全部4個位係無人坐架
，正！可以打橫瞓都得，即刻好開心甘坐擁5個枕頭坐定定等享受飛機起飛的一刻（每次坐飛機最想攞5-8個枕頭圍住周圍）．但唔知點解一直到落機都瞓唔到  
．第一日就係甘過去啦




我的所有






10月24日


在飛機準備降落時空姐要先在機內噴殺蟲劑，真奇怪（但我問過由其他國家飛來的人說他們沒有噴）！終於在澳洲時間上午7:30分(快香港3小時)到達Sydney機場，到排隊過關檢查行李時因太多人ｄ關員便抽人要照X-ray, 我發覺所有黑鬉的都要檢查，金髪的一定免 ，係甘由落機到檢查完用左1個多小時．
推住行李一路搵都唔見有巴士出Central Station，問人後原來在Meeting Point買車票（AUS$13/票），約半小時便落車，在搵巴士站時見到7-11就去買電話咭，店內只有2個疑似中國人，其中較高級的叫我買張收費較平但後來為我帶來不少誤會的Hello phone card．跟住順便問埋邊度有428號巴士搭，因為要11時前抵達Conservation Volunteers Australia (CVA)的Office報到．
上巴士後向司機哥哥話要去Marrickville的Community Centre佢就會話收($3.8)並禁機俾收據你，我順便請他如到站通知我落車．
去到Office,已有一個英國女教師及一個後來我想同佢開火叫Brecht的比利時仔 坐係度，填完表再來了2個日本女仔及一個叫Tess的New York女仔（黑白混血兒），跟住聽完一輪我半明半唔明的講解及安排後 ，女職員便揸車送我地返去Central Station，去到火車站女職員分別為我們買了巴士票及火車票，因英國女教師及2個日本女仔只參加1星期所以去的地方和我們不同，之後就一齊買包醫肚跟住便兵分兩路，我同Tess及Brecht一齊要搭3小時火車再轉1小時巴士去一撻叫Bathrust的Town．約6:30pm到達後等了一陣CVA的職員便來到接我們去住的地方，到達宿舍後已有一個叫Peter的韓國人係度．當晚Peter好好甘話煮台灣的Green Curry及飯俾我地食，但因為無椰汁的關係d咖哩太辣，無電飯煲d飯又生又燶，但因為太肚餓都要食d落肚 ．
間宿舍有2個連埋的房間，內各有多張碌架床，女職員叫我地用同一間房，甘就4人同房啦!



買車票的counter




往Central Station 的車上



Marrickville的Community Centre Bus Station


CVA在Sydney的Office


Office內有趣的句子


先搭這架有上下層的火車


再轉搭巴士


在Bathurst宿舍的外貌


宿舍外小花園棄置馬桶內的黃玫瑰


我發夢的地方


客飯廳



其中的一個清洗罪過的地方


執拾過後的廚房


兩間打通的睡房之一



我地的睡房

我4/12到Sydney,可以參加環保義工計劃嗎?怎樣連絡?

你可以直接上網報名交費, 我係經學聯報名買package的, 但我其他team mate都係直接上網報名, 佢地個website係
www.conservationvolunteers.com.au 我建議你先報1至2星期,如ok再續.試吓啦,我寫甘多野係希望盡量提供詳盡資料,等d人去試吓...

是否要付款?My English is poor,

10月25日

早上十時多起身後就自己整花生醬三文治(基本上我每天都係食花生醬三文治, 其他人多數食cereal & milk, 可惜我不可以飲鮮奶 ), 閒聊一陣又到Lunch time, Lunch我基本上食Cheese & ham sandwich, 其他人都差不多), 之後的早午餐都係自己準備, 晚餐就要預埋其他人, 睇吓邊個想煮. After lunch, Peter 先好急甘起身及出街,原來瞓過龍唔記得去巴士站接girl friend, 要女友打電話來先起身 . 而我就同Tess & Brecht 去library 因為有1 hr 免費上網. 途中發現不用行5分鐘便有一個大公園,草地好靚d樹又大,有d families 向公園內野餐,或坐在草地上閑聊, d會飛的鴨就係度踱步而d剛識行的小朋友就追d鴨,好得意, 在公園中間的涼亭有隊老人band係度表演,當地興每逢Saturday都有band係大型即公園表演免費娛樂大眾.


去到library當時只剩2部腦(共有10部),甘我就先行去打電話,在澳洲用公共電話係要先入Aus$0.5再按號碼, 甘我跟住我先前買的phone card 打IDD, 先要打Sydney的接線電話再輸入一輪密碼後到聽到對方回應好彩的可講真係兩句便自動Cut線, 跟住我又入錢再禁password, 一共如是者5,6次, 激死我又唔知點解, 電話都差d俾我拍爛, 跟住走去一間士多, 問個女職員知唔知點解, 佢話唔知, 甘我問佢這裡是不是Sydney, 佢話係, 甘我就唯有請她換10用5毫硬幣給我繼續打.激死後就回library check email.


我地check 完email後就去揾Supermarket, 好大wor, 無幫襯後就周圍逛吓然後返宿舍,同Peter女友打完招呼便齊齊在大廳睇TV及書.


到晚上Peter話等佢同女友煮飯, 佢地忙完一輪後就煮左好好味的韓國餸及無燶的飯, 佢好客氣甘話昨天哀左今日補翻, 我食完一大碟後叫佢女友下星期五再來,但Peter下星期五就要走了,並再過3日便回韓國因Working Visa到期,佢女友就年尾先走, Peter係韓國讀完Master再參埋軍後便申請Working Visa到澳洲一年. 因為大家都係亞洲人及我的港式英文同佢即韓式英文更易溝通, 所以都會好d, 有事我都會第一個搵佢幫手, 佢係好樂意幫人及好大力的人,做義工時也好勤力,不停甘做,每次搵完佢幫手佢一定會講”Ah, its very easy to me, because I am strong.”個死人Brecht每次扭完的所有蓋我都係唔夠力開.食完飯後我同Tess又負責洗碗.







入去的左邊係一個畫廊,今次主要展出鉛筆晝,搞到我又想再學





Library內







無人的街



喂....有無人啊呀!!!!!!



Peter & His Girl Friend





美味的韓餐, 我食晒整碟

再續......


是晚終於摷均所有係確定忘記帶nigh cream即,而澳洲天氣比較干燥,甘視容貌如浮雲的我就用Boot’s 的aloe vera body lotion充當以後28日的nigh cream, ok wor, 因為係supermarket只係得d O’lay or Nivea牌子的cream, 我相信Boot’s好d…如果香港都可以用就真係慳唔少, 等我遲d試吓.



到晚上差不多十時正準備瞓覺時來了一個法國仔叫Roman, 佢同Tess一樣會逗留2星期,佢係剛從坎培拉做完義工過來Join我地.

當然, 用信用卡交, 因為係做義工, d費用已包三餐及住宿, 我去的其中一個主要目的就係迫自己講英文,唔得就用世界語言--即身體語言, 好彩一路都無中國人,唔係就唔講架啦..唔駛驚, 我得你都得, 唔試點知唔得  去啦!!!!

                      10月26日    人物介紹


同昨日早上做的一樣, Lunch後因此town有間大學,我地除左Peter&佢女友外便想去遊覽吓, 星期日條街又係鬼影都唔多隻,只得3,4架汽車行駛,我地唔知大學係左邊定右邊,甘就向似d的左邊行,行左約半小時見前面仍是一大幅田地,甘岩見有人就問吓,當然我地係行錯方向要調頭,在路上我就取出See’s的Coffee Candies及日本的果汁糖請佢地食,佢地全部攞左Coffee Candies,但又唔係好覺佢地有開來食,當時我想可能佢地唔鍾意食,但又唔好意思唔攞,都係唔好好心做壞事晒左我d糖,以後都係獨食啦(我當時忘記了毒奶事件,過幾日先醒起,可能我d野佢地唔敢食).最後終於行了個多小時先搵到間大學, 大學內一樣係一大片草地又一大片草地, 遠遠先見一坐小小的樓, 我地見到main building 後影相即走, 因為無野睇, 但原來遲d Peter同佢女友撞見到一群袋鼠.


回宿舍後又坐係大廳, 甘我就自己去公園坐下草地, 香港難得有甘即機會, 去到公園有隻衰蚊係甘係黐住叮我d衫褲及鞋,我不嬲唔野蚊的特登捲起衫袖佢都唔要我d血….


一個鍾後返宿舍Peter 已去了送女友搭車出Sydney, Brecht話今晚佢煮,終於個多小時後我地就食左茄汁磨姑意粉,因為雪櫃無物食物, 我地又要等明天早上才見到Group Leader.跟住我同Tess又走去洗碗啦(通常都係一人負責洗一人負責抺).


食完飯後又閒聊及睇書, Tess就開始查家宅, 問人幾多歲,家有什麼人,有幾多兄弟姐妹, 父母職業…..甘Brecht話佢盛年18,家有1妹14歲剛讀完High School,玩完一年後再返去讀大學,有時似細路但後期對住我鍾意扮大人及做我的管家,與Tess幾夾, Tess未離隊時佢會大聲放屁,去開大時又宣佈去開大, 工作時只掛住同Tess傾計及左顧右盼,周圍行,不會日日沖涼,總之就係污喿的人.
而Roman則盛年22大學讀Bio,已在澳洲玩了差不多半年,下一站去埋Melbourne就回法國搵錢明年4月再去日本玩, 佢又係一個好勤力的人,少說話, 我地成日叫佢唔好甘cool, 但佢講野又幾優默wor. 跟住就問我啦, 我話我行年35歲, 佢地當然碌大對眼望住我,問我係米真架, 我話當然係啦而且下個月就36歲la(我個心就係度計我可以做Roman & Brecht的mama,差d可以做埋Brecht的grandma), 佢地話估我24歲,後來仲多之問我係米35…理d就係中國人的優勝之處啦…Tess就26歲仲係twin來的,媽係白人爸係黑人,現在係Holiday Inn做Part-time,個人感覺上佢做野很求其及不太認真, 洗碗經常d刀叉常黐住食物,我抺時常常要俾返佢重洗, 加上擁有美國人民主自由的性格每次打呵欠或反胃或咳嗽時都不會把音量收細, 不太注重衛生, 但有日日沖涼.
Peter行年28歲但係韓國也好似中國甘加埋係肚裹面個一歲.

再續......


跟住Tess又問最後一次喊係幾時, Roman就講埋2004年幾月幾日,我地就好奇怪啦,跟住佢就話當日係佢mama死的日子,原來佢mama係自殺死的,可能甘樣佢先甘cool, 後來佢都話之後未曾大笑過,不過佢話唔開心的野都要過去, 要生活得開心d, 如你樓佢講野佢都會微笑住又有d怕羞甘細細聲答你, 希望我即神都眷顧埋佢啦,Roman做野又係埋頭苦幹,同Peter一樣都係真係好盡力及有心的, 壞處是不會日日沖涼. 又到我啦, 我話我唔記得幾時無喊過, 我係個個星期都會喊, Tess都話佢都係成日喊, 佢地覺得我好怪, 經常飲佢地絕對不會飲的暖開水, 太注意衛生及含蓄(我覺得只是相比他們), 做野方面我因自覺不能掉中國人的架,都好勤力無偷懶仲經常主動洗杯碗,所以洗野最多係我,仲加埋香港人做野唧速度當然快過佢地,但食野及行路唔及佢地快.


跟住我就將我帶去的小小見面禮 - 中式剪紙貼紙給他們揀及從香港旅遊局取的香港guide book(香港旅遊局應該請我做旅遊大使),甘又差不多十點啦夠鐘上床,因為明天要帶齊所有物品去Blue Mountain 開始環保義工的工作,要待星期五才再回來.



往大學的路...如搵人問路相信最快係拍門問人



行行複行行..终於已在大學範圍內,但仍未見校舍wor....仲要一路向前行


只此一張大學主樓的相,要犧牲色相俾你地見吓我唧靚樣 ..真係偉大



大公園的一角...d鴨會飛架...已下午4時多無物人



見到唔要我d血的蚊嗎???????褲腳邊........好無聊呢




味道ok的晚餐



我的小小見面禮, 怱忙中係花園街搵到...男仔只會揀福字, 女仔通常兩個都要

大舊雲好野 ，不過少D相喎，努力呀

我打到好辛苦gar lar(又打得慢wor, 依家發覺d廣東話d字難打同唔識  ), 都係想你地睇多d, 又等多d想去又驚的人了解多d, 我影左唔少架但有我靚樣ma 同有d差不多的, d 鬼唔係好影相架, 好少停下, 我都係邊行邊好急甘影, 所以效果又唔好.
我會寄個Sydney俾你, 係米好感動呢 (係有限行裝內竟然預埋你wor), 如果收唔到就問郵差叔叔攞啦

10月27日           豬嘴賀開工


一早起身個唐老鴨嘴從未如此利害過的一夜突然爛晒變左豬嘴, 可能因為連續多晚瞓得唔好,但又無帶葯膏(好耐未試過, 不過可能澳洲天氣干燥, d水泡都干得好快, 只須2星期便回覆靚靚, 但覺得個爛嘴可以令人身更安全) 食完早餐及用保先紙打包埋中午唧三文治便等Group Leader來, Group Leader來後打完招呼,他便走去廚房執我們要用的物品, 因為我們不知要帶什麼,結果他執左洗砲布, 洗結精, 水杯, 水壺, 雪櫃剩下的食物(例如:鮮奶, 面包, 薯仔, butter, cheese), 胡椒粉, salt, oil, tissue, coffee, toilet paper, shower gel…)跟住就把所有行裝搬上車, 於8:30便準時出發.但同時我發覺我好多都唔知佢講物,本身英文唔係好再聽埋d澳洲音真係暈(雖然以前讀書d澳洲tutor來教書時已領教過), 好彩連Tess都話唔係好明(可能佢係第一次聽唔慣,後來佢好快已經掌握到), 但奇怪Brecht即時聽得明wor, 所以有一半時間我要他們向我再講一次.


坐左約一小時去到一間屋停下(其實係一間住宅,但佈置好特別),但原來只係中途站,我們下車入屋飲完茶(約20分鐘)後便要到間屋旁的樹林掹大樹與大樹之間d可以拔得出較細小的樹,特別係其中有一種有小黃花的樹(有d已生長至如成人高度).


起初好唔慣, 心諗我唔係做環保工作咩, 唔係要種樹唔係掹樹架, 心裡不太接受,初初一邊掹一邊心講對唔住, 終於去問Group Leader甘做係米為防火,我聽到佢即意思話係同埋d小樹阻住大樹生長. 但我又覺得好似現實世界,強者生存, 弱小的一群都係犧牲品, 始終不太喜歡, 但又諗唔掹佢地萬一有山火又好易漫延就全 軍覆沒, 無得剩, 真係同人類世界一樣都唔知邊樣啱.
到12:30又返回小屋食lunch, 大約45分鐘後又去掹過, 約莫再掹一小時便又出發到Blue Mountain的宿舍. 因中途迷路要約兩個小時後才到達, 此宿舍係在一座山腳下(不是藍山)周圍也有很多樹, 今次我可以有自己的一間房仲有露台,好正, 瀉下行裝後Group Leader便車我們去Supermarket shopping, 通常都係佢諗買物但也有徵詢我地意見, 但即然來到,米你買物我米試物囉, 所以我都無加意見, 收穫豐富後便回宿舍(通常如車程在半小時內的通常只買2-3天的食物之後再買).


我掹樹的後遺症係就黎到宿舍途中, 見到d細棵的黃花樹我個心就諗”唔, 厘棵要掹, 咦個棵都要掹” 唔知係米病厘?




是晚由Group Leader煮, 通常佢係度佢都負責煮食, 跟住又係無人執碗, 又要記住出外要唔怕蝕底即中國名言, 就去洗碗了Tess便過來幫手抺碗, 不久又到九時便要上床瞓, 通常星期一至四都係九時瞓, 七時起床,八時半前出發, 但當Peter走後便改了八時出發, 因為佢話俾我地知係八時半先會出發(係守則上係印明每天8時出發,我地以為通融到8:30)而佢永遠係最遲一個搞掂, 係佢離隊當日Group Leader才同佢講你成日最遲, 我地先知正確都係8時出發的.





一早搬行裝上車





中途在一個細鎮停車買報紙





咖啡店旁的公眾告示牌





中途站小屋的其中一個入口