年青人做項莊
早前有前評馬人及前馬會僱員夜闖快活谷馬場而被捕,之後再有人上載灑水片上Youtube,更從一兩個種子在多個討論區撒開,再通知報館驚死人唔知。
兩樁事情都涉及前馬會僱員,而且都是十分年青,但背後隱藏著些甚麼,明眼人都會明白。
有人告訴我踏入○九年不少只靠數據,從不看馬的職業大戶都輸到一仆一碌,我不知這個消息是否真確,但有一點可以肯定,就是這些大戶養了一些表示識某一瓣研究賽馬工夫的人。如大戶輸錢,壓力自然會加諸此等人身上,而為保他們的「專業」眼光,自然要有所「行動」,告訴大戶可能是馬會整古做怪。
有無人會咁無聊走去谷中「捕」人灑水灑幾耐,灑在邊度?而且仲「影到人手灑內圈」?我不打算就此話題作任何評語,只不過再一次告訴各位精明的讀者,項莊舞劍,志在沛公,我相信馬會並無整古做怪,可能是有人想做場戲俾第二個人甚至老細睇,間接話俾老細知自己清白。不過咁就擺了馬會上檯,令不明馬圈運作的香港市民怪罪於馬會。