大家有無留意身邊仲有無舊式既屋村公園呢？
而家有好多屋村公園都已經改裝成為新既"膠"公園，咩都
係膠.....
香港仲有無屋村公園仍然保留住"鐵"公園呢？
如果大家發現到仲有哩Ｄ舊式屋村公園存在，歡迎大家係到
講底個地址！
一齊討論下.......
因為我想搵個地方影相...影相既內容可以睇下以下網址=]
希望大家可以幫幫手，留意下有無哩Ｄ地方

thx，記得小時候我在公園玩的都是鐵架 ，現在剩下太少了！

依家仲邊有鐵架,香港D小朋友越黎越京貴,
系公園整親政府比人告到暈,
你估我地細個時,去完公園玩就損手爛腳番屋企,
阿媽都慣

係呀，所以好懷念，係一個好好既回憶！所以我好想搵哩Ｄ公園影相

係呀，而家想搵Ｄ咁既木／鐵既公園，但好多地方都無

鐵/木/車輪的公園而家得返好少,同好散,
即一個屋邨先得果一兩個係鐵/木/車輪  
以我所知應該仲o係度ge
美林邨近美楓樓



長發邨海傍



顯徑邨近警署

新田圍近富圍樓

新田圍商場內

沙角邨近銀鷗樓

友愛邨近愛義樓

記得細個果時都係玩呢d,
好玩過而家膠造果d

以前牛頭角下邨係有條鐵的梯勁長又好玩..e+變哂膠都唔同哂><

細個果陣玩哩Ｄ真係好開心，夏天去玩個滑梯熱到辣patpat都要去玩

屯門蝴蝶邨都有好幾個!!!!!

蝴蝶邨而家仲有？係咪同上面圖果Ｄ差唔多樣嫁？