前言

我叫阿怡,其實好多朋友都係叫我做IVY(宜家都好多朋友都係叫IVY,因為習慣左)。
不過自從識左佢之後就改左叫阿怡。
我並唔係樣靚身材正果D,又唔係有好多男仔溝果D。
我係人地眼中只係一個”肥妹仔”或者…”有錢女”。
我講ge全部都係事實,本人ge真人真事。
希望大家會鐘以~
仲有,我只有香港中一中文水平,如果有D咩錯字,請各位唔好見怪。
如果大家鐘以我ge故仔,我每日會post一個Chapter。

好多人都話,
異地戀唔會有好結果。
竹門對竹門,木門對木門。
但係我覺得,凡事都有例外。

Chapter 1

係2006年6月13日之前,
我有一個都唔知算唔算係男朋友GE男朋友,佢叫Eric。
點解話唔知算唔算係?
因為我只係見過佢兩次,拖過一次手,仲要唔夠一分鐘。
我係喺online game到識佢。
我識佢果時只有12歲,仲係香港讀緊書。
係2003年6月11日,我同埋成家人移民到加拿大。
去到加拿大我同Eric都仲有E-mail,間中打下電話。
但係Eric並唔會成日online,或者覆E-mail比我。

呢段日子,我日日就係到online, check E-mail。
有時一個星期一封E-mail,有時一個月先一封E-mail。
但係我依然好傻咁等佢。
有一日,Eric同我講話佢住係溫哥華ge媽咪想申請佢過去讀書。
結果佢真係去左溫哥華讀書,但係我住係Calgary,仍然都係有一段距離。
但係Eric online ge次數比以前多左,我仲有時同佢web-cam。
我記得有日同Eric MSN,傾傾下佢冇啦啦唔覆我。
我講咩佢都唔應我。
過左四個鐘之後,佢終於覆我。
我好心急咁問佢去左邊,佢話佢去左個朋友屋企玩。
當時ge我係好唔開心,但係冇鬧佢,亦都冇嬲佢。
過左一個月,Eric同我講,佢個step-father唔想佢留係到。
因為support唔到佢讀書,結果佢就返左香港做野。
而我又回復返以前日日等ge日子。


                                                                                                                                                                                                                                                                                                                               

直到2006年6月13日,我等ge日子暫時停左。
我當時有個朋友叫Chloe,幾friend,不過宜家唔係。
佢係香港人,不過黎左加拿大9年。
係果日,Chloe同我講話佢一陣放學返屋企會上XXzone到post張相。
叫我上去support下佢。
我返到屋企上網,真係見到Chloe post左張相。
咁我就係咁同佢傾計,傾傾下見到有個叫勇少ge人留言。
果時香港應該係morning,勇少話佢上緊電腦堂。
無無聊聊咁XXzone到睇,又見到Chloe個post,所以入黎睇下。
傾左一陣勇少話佢落堂,亦都留低個MSN叫我地加佢。
我好自然咁加左佢,但係唔見勇少覆我。
咁佢返緊學,又點會覆我。(白痴!)
我同Chloe係XXzone到傾多一陣就做功課,之後就訓覺。
(因為Eric ge關係,我已經慣左晚晚開住電腦,怕會miss左佢online。)
第二日我好似平時咁起身就開mon check MSN。
我見到有人叫我,原來係勇少。

[MSN]
勇: 哈佬
我: HIHI
勇: 做咩宜家先應我?
我: 我岩岩先起身ma…
勇: 下?岩岩先起身??訓晏覺呀?
我: 唔係, 我住係加拿大, 所以宜家先起身…
勇: 加拿大?我唔信囉!!
我: 咁你要點先信?一係我打過去,你見到係長途,咁信未??
勇: 好呀, XXXXXXXX

于是我就用屋企ge寬頻電話打比勇少。

[電話]
勇: 喂~
我: (有少少口震咁,因為係第一次咁主動打比陌生男仔)喂?
勇: 又話係長途?點解都係8個號碼?
我: 因..因為呢個係寬頻電話,所以係..係8個number。你睇清楚d,呢個電..電話號碼係3字頭。
勇: 係wor
我: er..其實我..我趕住返學,我..我唔同你講住啦。拜拜啦。
勇: 下?哦,拜拜。


-TO BE CONTINUE-

支持 ! 支持 !

支持支持
寫多d長d,

support

SuP  ^^

okok

sup=]

十卜!!!
PUSH!!!

支持!!
請繼續努力寫下去喔

支持呀!!!!!

Chapter2

收左線之後,我鬆左一口氣,因為我真係好緊張。
但係又好奇怪點解自己會咁大膽。
可能對其他人黎講係好小事,但係我已經緊張到面都紅曬。
返到學校,我同Chloe講左朝早發生ge事。

Chloe: 下,你真係加左佢呀?
我: 係呀, 覺得幾好傾呀ma。
Chloe: 你死啦,你唔好唔記得你仲有個譚生(Eric)。
我: 咩姐,做朋友咋ma,又唔係男朋友。
Chloe: 唔知你啦, 係wor, 今日last day of school,放學去邊?
我: 你都知我ga啦,放學就返屋企,仲會去邊?
Chloe: 咁又係,你咁幸福,放學有阿媽接,有車坐。點似我地要搭巴士。
我一邊汁野,一邊苦笑。
我真係想好似其他人咁,放學要搭巴士,或者同朋友出去玩下咁。
但係每次同媽咪講話想同朋友出去玩。
佢就會黑口黑面,但係唔會講d咩。
所以有時朋友問我出唔出去玩,我都唔會去。

我返到屋企,做自己平時d野,做功課溫下書咁。
但係我依然會開住電腦,開住mon。
過左冇幾耐,我見到勇少online, 佢又hi我。
我地兩個傾左好耐計,冇記錯因為香港好似係星期六,勇少唔駛返學。
我地兩個真係咩都傾,連收到好埋ge心事都會傾。
好似好耐冇見ge老朋友咁。
我知道勇少有個女朋友,而勇少都知道我有個”男朋友”。
我記得勇少問過我,點解仲要等一個唔值得你去等ge人。
但係我答佢: 因為我願意去等。
勇少知道我呢幾年係過得唔開心,勇少覺得Eric明知我日日係到等緊佢,點解佢會唔理我,咁對一個女仔。

過左幾日,到左21號晚,我好記得呢一日,因為之後果日係我生日。
勇少又on左line,我又係到同佢傾計。

[MSN]
勇: 我好唔開心呀..
我: 做咩事呀?
勇: 琴日,姐係我生日果日,我女朋友冇黎到..
我(懵懵地): 你前兩日生日呀?我22號生日呀~咁岩ge~
勇: 係咩?生日快樂..
我: 唔好咁啦,可能佢有事黎唔到姐。
勇: 唔至咁,我發現佢XXzone個名寫住”Mrs. Wong”,我姓李ga,點會係Wong..我好想喊..
我: 唔好咁啦…你知我唔識點哄人..一係咁,我有d咩幫到你?我幫到一定幫!!
勇: 我都唔知自己想點..又嬲..又傷心..
我: 唔好咁啦,你搞到我都唔知點..
勇: 算啦,呢d咁ge人唔值得我去喊,不如你借你個MSN比我,等我去鬧佢。
我: 嗯,好呀

我地兩個交換左MSN之後,等左好耐都唔見勇少ge女朋友online。
所以又交返換個MSN,跟住勇少又諗到話係XXzone到開個post,叫我扮佢新女朋友。
勇少叫我係佢個post到當佢係Eric講晒平時想同Eric講ge野。
係勇少個post到傾左一陣,真係見到佢女朋友留言。
跟住佢地就係咁嘈..由於我講野唔係好叻,所以就旁觀..
宜家諗起,我當時真係有份拆散佢地..
我一直係到睇佢地鬧交。
到左凌晨12點,我係MSN同勇少講,
我: 12點啦,到左22號啦~快d祝我生日快速啦。
勇: 生日快速!!~
我: 多謝~你係第一個同我講生日快速ge人..
勇: 唔好咁啦,可能你男朋友以為你訓緊覺,聽日先打比你呢。
我: 嗯,你果邊點呀?仲嘈緊?
勇: 係呀,佢講到我錯晒咁..
我: 算啦..

跟住我一直都係到睇勇少同佢女朋友嘈交,直到2:00。
我終於頂唔順,去左訓覺。
而且我希望第二日Eric會打電話黎同我講聲”Happy Birthday”
但係,結果過左22號,我都係收唔到Eric ge電話。
連E-mail都冇個,我開始問我自己:
究竟佢係唔係愛我??
定係只係自己傻,比人玩??

-TO BE CONTIUNE-