大家好！我係饒家輝。本人首度於此論壇發帖，是基於若干原因。


首先，我要就「打盹」這極不專業行為向各位致萬二分歉意，並對此十分自責。近日，我已就此嚴重問題求診，以杜絕此情況發生。萬望見諒！

其實，我一直定期瀏覽此論壇，從中更找到球迷對直播所提出之意見，並已對部份建議作出配合。但與其要「找」，倒不如誠心收集？我希望各桌球愛好者由此刻起能積極提供寶貴意見，如建設性及可行性俱備，我會努力將之實行，令往後的賽事直播能更盡善盡美。

另外，我心目中早有些構思，現列舉如下，請各位積極發表意見，讓我進一步掌握廣大球迷的需要及心態。
1.拍攝桌球技巧節目
2.特殊情況下的球例講解
3.於比賽的小休時間改設「吹水」環節，讓球迷來電講波經
4.增設有獎遊戲

希望各球迷在發表前能理解此次及往後的交流皆屬私人性質，所有意見能否付諸實行，皆視乎客觀條件能否配合。

最後，我再向各球迷講聲sorry，並祝各位身體健康，球技進步！

人誰無錯?! 肯改証明你有心做好la!! 支持你!! 你所講既第三點幾好,不過我相信phone in對貴台係有難度.....我當然希望可以實行la!! 繼續努力la!!!

連續十幾個鐘直播
總有疲倦時候
勿放在心

支持第一、二點！
（其實cable tv 之前都做過幾集，有興趣可於 youtube 睇睇）

師兄.d網吹你不必介意. 其實饒師兄你.閒時都會pop吓波 有無同大師兄(偉明)pop吓.你d波係高.中.低.high break是50-80
定過佰.me都見過你幾次.波樓.同大師兄等車..見到大師兄問他先. 逢有比賽這裡是非常熱鬧..多d上黎吹水.. 你同大師兄在這裡都好hit

其實我喺Cable做記者時都拍過一次，當時我係揾才叔同偉明兩份教。你所講嘅youtube片段點樣揾？用乜嘢keyword？請bearwaikin兄指教……

唔好意思，應該係P@Y兄至啱！請指教用乜嘢keyword。另外，我亦想問吓bearwaikin兄，如果真係有phone in，你有冇興趣？

應該係呢個

http://www.youtube.com/watch?v=362JOtPdR2M

呢個係第一集, 仲有3集都可以係入面搵到

用keyword search可以打snooker in cantonese

家輝 - 老實講, 連續10幾個鐘講波, 唔好話講, 睇既都覺得辛苦, 小小錯失在所難免

不過可以試下搵多幾個旁述一齊黎講, 唔洗淨係你兩個講晒咁辛苦, 以前都見過區志偉架, 或者其他港隊成員有無時間?

今年年尾有東亞運動會, 桌球一定係港隊爭金牌既希望, 襯而家多d介紹桌球, 提高下大家對呢個運動興趣都好, 我果一日朝早同阿媽一齊睇marco vs robertson, 佢老人家唔太識, 但一樣睇到好投入

Bio123兄，其實我嘅球技真係唔見得人，只過好鍾意打桌球。我都同偉明打過一兩次波，主要係揾佢教。我曾經試過開完波之後只係留低一隻遠枱就俾偉明打Q七十幾，深深體會到職業手所俾嘅壓力。各位師兄，如果下次見倒我就打聲招呼吖，我好高興隱身咁耐之後正式同大家交流。

遲d世界桌球錦標賽, 場場都係長途賽, 有無考慮用埋636台同時直播唔同賽事?  一場波打太耐, 中間都有悶局, 可以俾球迷多個選擇禁過去隔離睇其他賽事嘛

同埋唔知有無可能係電視畫面上, 用d電腦筆圈住旁述員想講果一隻波?

有時聽陳偉明用好多字句去形容緊枱面上某一粒波, 例如"黑波點上左上角近pink波果隻", 如果有得即時係畫面圈一圈出黎, 講又容易, 睇又容易

唔該晒GrantNicolas！另外，好多謝大家原諒，但呢個錯誤連我自己都不能接受，我道歉係因為覺得要有個交代。

GrantNicolas，你嘅意見好有point，我會同公司反映，亦希望各師兄可踴躍發言。我太太啱啱返屋企，我要煮飯喇！食完飯我會喺返呢張帖回覆其他留言。另外，日後有乜嘢想揾我交流，大家可以發張新帖（帖名有now sports或家輝等字眼以兹識別更佳）。

人誰無錯?! 肯改証明你有心做好la!! 支持你!! 你所講既第三點幾好,不過我相信phone in對貴台係有難度.....我當然希望可以實行la!! 繼續努力la!!!

連續十幾個鐘直播
總有疲倦時候
勿放在心

支持第一、二點！
（其實cable tv 之前都做過幾集，有興趣可於 youtube 睇睇）