初九去了仙湖拜神和食齋!
十二點半三島旺嫂集合!對面車站搭220巴士直達仙湖
到步入場費二十元,學生有半價,試下博大霧拎阿女張香港中學學生証比佢睇,原來得架!收阿女十元
第一站坐佢地既小型巴士上山頂先!拜完菩薩先慢慢玩落下面!
到了山頂先去齋菜館祭五藏廟!當日只提供套餐,無散叫!四人盛惠240元!味道還可以
呢兩個茂利就係我個女和我個fd!
食飽飽行過隔離拜神!祈求牛年事事順景!裡面好大好多間廟,走勻晒咁多位菩薩最少要半個鐘!
下一站沿路下山,週圍遊下
落到湖邊見有艇仔租,用腳自己踏就五十元,電動既就六十元,咁梗係比多十元電動啦!
坐呢兩條茂利駕駛既船真係要食驚風散,半個鐘內隊埋人地架艇度兩次!
好彩無沈船,即刻買番個風車轉下大運!十蚊雞!
呢度游下果度遊下就五點了,下山回程往晚餐!
晚餐於國貿天虹三樓既九十度!又係拾味館和中信香辣蟹既姊妹店!新店優惠食100送120
黑醋海哲頭,呢個好正,爽鮮既海哲頭切薄片配酸咪咪既黑醋,開胃菜,28元!
咸雞半隻,35元,普通
清蒸武昌魚,魚肉鮮甜嫩滑,但好多骨!38元
清炒萵荀絲,不錯!22元
香辣蟹兩斤四,中辣!呢個炒得好好味!辣得來仍能吃到蟹的鮮味,比一品正好多!215元
晚飯後落下面天虹超市掃了一中袋貨,其中既福健小雲吞,唔知系咪V仔講果隻!
經福田口岸回港,返到元朗九點!一早一晚都同飛鷹yee好接近,但又同個衰婆緣慳一面!