Day 1 - Part 2 (原宿)

今日行程 : 羽田機場 --> 增上寺 --> 東京鐵塔 --> 六本木 --> 原宿 --> 新宿 (返酒店 Check-In) --> 新宿 Shopping ---> 涉谷 Dinner -->  返酒店

由於時間尚早, 二等兵仲未有心情放血, 於是我哋首先嚟到明治神宮影下相先 ~


太陽開始出來喇, 終於都冇咁凍了 !!


這條路兩旁放了兩種不同種類嘅酒酲, 這面放了日本清酒, 而對面就放了外國的葡萄酒。
二等兵 : "隊長行開啦...我要影單人照呀 !!!"






等隊長同二等兵响度潔淨一下先 ~






行左大約 1 hr 左右, 就離開明治神宮了, 我哋去竹下通途中見到杜小姐 (杜如風) 極力推介既 Choco Cho, 二等兵即刻要買嚟食 !!! 真係超勁好味, 同 M 記果個朱古力批真係冇得比 !!!


呢個就係好出名嘅原宿駅 ~


嚟到竹下通真係估佢唔到, 因為之前見到網友 d 相真係好多人, 但今次嚟到條街都算冇乜人 !!


見到各方推介嘅 Angels Heart, 梗係要買嚟試吓啦 !!!


真係好吸引呀 !!!

二等兵 : "隊長, 我哋買邊件好呢 ?? 真係花多眼亂 !!"


隊長 : "咁不如試吓期間限定新出品吖 --- Strawberry Cheesecake~"




真係超正, d cream 勁滑, cheese cake 勁重芝士味, 粒士多啤梨又甜, 正呀 !!
隊長心諗 : "乜二等兵唔怕肥咩 ~~~"

行行吓我哋又嚟到原宿通 ~ 經過 Head Porter, 但真係不感興趣, 入去兜咗個圈就走 lu ~



見到呢 d 電線就會諗起小時候睇叮噹嘅畫面 ~


鳥巢屋 ~ 好攪笑........其實佢係一件藝術品 ~~~


行完鳥巢屋, 隊長就帶二等兵嚟到 Agnes' B 血拼喇 !!! 好嘢 !!! 二等兵一入到去, 即刻鎖定目標, 睇睇吓, 見到一個好靚嘅袋,原來呢個係東京嘅 Limited Edition, 只係得三間 Agnes' B 先有得賣0架咋 !!! 呵呵呵, 二等兵入咗去唔使 15 mins,即刻放低咗 9975 yen, 真係勁抵呀 !!! 日本嘅 Agnes'B 真係超好服務, 俾完錢佢哋會送埋你出門口同你講 "aligadou"0架 !!!



買完袋, 都行到有d 攰喇, 不如坐低食嘢先 ~
呢餐係我哋响東京嘅第一餐, 梗係要留下好印象, hehe ..... 二等兵一直話想食和牛, 於是我哋就揀咗呢間餐廳 ~ 又係杜小姐嘅極力推介.....



隊長揀咗呢份 "當店人氣 No. 1" 嘅 100% 黑毛和牛餐 ~ 有圖教你點食0架 ~


先嚟 2 個洋葱湯先 !!!




隊長嗰個 set 跟飯0架 !!!!



而二等兵就揀咗呢份玉子煮牛肉 ....(估計)....兩個餐都超正 !!!


呢餐盛惠......2060 yen, 抵呀 !!!!


食飽飽又繼續行過, 响 Kiddy Land 撞見二等兵喜愛嘅 Relaxing Bear ~~~


我哋一直沿表參道行到去南青山附近, 之後就返轉頭喇 !!! 先後去 Crystall Ball, 表參道 Hills 等, 但二等兵都再冇進帳 !!!!


沿途見到好多廣告, d 海報真係好靚0架 ~ 二等兵尖叫 : "木村呀 !!!!"


嘩......隊長偶像 - 中田英寿呀.......


二等兵團火仲未息, 再同隊長嚟到 Mimo 繼續血拼, 呵呵..... 今次又俾二等兵睇中咗個袋, 諗左一陣, 二等兵又放低11340 yen 喇 !!!! 呵呵呵.... 今次大收穫, 可憐嘅隊長想搵 Book-Off 又搵唔到, 唯有睇住二等兵好開心咁成功侵略咗 Agnes' B 同Mimo 喇。

不過真係估唔到一個 Mimo 係貴過一個 Agnes' B 嘅 Limited Edition 囉 ~~




Detail (more pics) pls visit our BLOG :

Day 1 - Part 2 (原宿) : http://hk.myblog.yahoo.com/keroroxtamama/article?mid=239

Day 1 - Part 3 (新宿 & 涉谷 Dinner)

今日行程: 羽田機場 --> 增上寺 --> 東京鐵塔 --> 六本木 --> 原宿 --> 新宿 (返酒店 Check-in) --> 新宿 Shopping ---> 涉谷 Dinner -->  返酒店

玩咗成大半日, 等到 4:30 pm 返酒店 check in 喇 ~

坐 JR 山手線由原宿去新宿, 再轉中央線去大久保。酒店在 JR 大久保站步行約 10 分鐘, 其實話近唔近, 話遠唔遠,但如果每日都帶著疲累嘅身軀返酒店就會覺得十分之遠。不過相對地, 比起歌舞伎町附近的酒店是比較靜的, 同埋酒店附近有很多食肆, 例如 : 松屋,吉野家之類的快餐店, 又有 7-11 & 99 yen Shop 的便利店, 都尚算方便。

响 JR 大久保站南出口出閘, 向西新宿方向行 !!!



住過日本嘅酒店都唔 expect 間房會好大, 這間房是正常日本 size 的房間, 但都足夠擺行李。


房間都算設備齊全, 有電視, 雪櫃, 分体式冷氣 !!!


而各方便都算乾淨, OK 啦 ~ 又唔係成日 stay 响酒店, 又有乜嘢要求呢 ???


而今朝响机場經宅急便寄嘅行李亦而安全送達 ~~~~


今日真係勁攰, 頭先特登响藥房買包休足今晚出去果陣用。塊休足貼下面有一粒粒嘅薄荷成份, 但對於二等兵今日行咗平時一個月行嘅路嚟講, 好似作用不大.......


响酒店 settle down 後, 我哋又向新宿進發 !!!

首站係去大黑屋買 "迪迪尼" 飛 ~~~ 果度前後有幾間唔同嘅賣飛舖0架, 間間都唔同價錢, 真係要慢慢睇, 本來見到最平係 5600yen 一張, 同佢講話要兩張, 佢就問我哋去唔去埋 Sea, 我哋話只係去 "迪迪尼" 咋, 於是佢拎咗張 2009.11.17到期嘅飛俾我哋, 5500 yen 一張, 俾原價平咗 300 yen, 我哋其實好疑惑, 究竟呢張飛用唔用得0架呢 ?? 不過我哋講明係... tomorrow, "Disney 爛多" only  我諗佢應該明我哋講乜啩 ?? 於是就照買喇 !!
响大黑屋買完飛後, 二等兵就同隊長分開 shopping, 隊長自己去行書局 (纪伊国屋書店),二等兵就行小田急百貨。二等兵响表參道已經血拼完一輪, 於是响小田急就

冇收穫喇, 而呢個時候隊長終於出手喇, 冇咗二等兵响身邊,梗係非常之放肆啦, 收穫非常之豐富 ...買到一袋二袋 !!!

Shopping 完一輪, 我哋都見餓喇, 隊長話不如去 Dinner, 就去咗涉谷喇。


隊長提議食一蘭拉麵, 相信好多朋友都會知道呢度嘅特式係點架喇, 所以我都唔多講喇, 呢度係一人一格坐响度食, 唔會同人同枱,亦唔會俾人搔擾, 我反而有個好得意嘅感覺, 就係覺得好似响 HK "投票" 時咁, 一人一格, 好秘密咁。如果當時我坐隊長隔離就好啦,可惜我地要分開坐 ............

呢隻蛋真係好正, 只係加 100 yen 咋, 仲有張圖文並茂嘅紙教你點剝殼 tim !!!






二等兵同隊長分開坐就出事喇 !! 大家見唔見到隊長有塊叉燒呢 ?? 唔識日文嘅二等兵唔知果度問我要唔要叉燒, 求其圈咗左手邊嗰個日文, 點知原來係 "不要" 咁解 .......好彩加咗 100yen 要隻蛋咋, 如果唔係真係淨拉麵一碗吖唔該。


食完拉麵暖完肚, 我哋又四圍行, 終於見到傳聞中既ハ千公狗像 ~~


二等兵 : "隊長如果我哋走散咗, 你記住响呢個位等我喎.....!!"
隊長 : "二等兵, 乜我哋走散咗, 你識返嚟呢度咩 ??"
二等兵 : "咦 ......... 又係喎 ~_~"  "

區區一碗拉麵點夠隊長飽吖, 我哋返到酒店附近嘅松屋嚟多個宵夜先 ~
隊長 : "牛肉飯一碗吖唔該......"
二等兵 : "係要自已買飛0架 !! "




返酒店食返頭先响小田急買嘅士多啤梨, 勁甜好好味, 認住呢個牌子 (博多縣出產), 因為之後食過第二個縣出產嘅士多啤梨係冇咁甜 ~~ ^^




今日真係超攰.......各位團友早抖啦, 我哋聽日要侵略迪士尼呀..... !!! Bye Bye


Detail (more pics) pls visit our BLOG :

Day 1 - Part 3 (新宿 & 涉谷 Dinner) : http://hk.myblog.yahoo.com/keroroxtamama/article?new=1&mid=604

Day 2 - Part 1 (Disneyland I)

原本行程 : 迪士尼 --> Tokyo Dome (東京巨蛋) --> 新宿都庁 --> 新宿 Dinner


實際行程 : 迪士尼 --> 東京地下街 --> 皇居 --> Tokyo Dome (東京巨蛋) --> 新宿都庁 --> 返 Hotel 小休 --> 新宿 Dinner


噚日去到酒店 check-in 時已經天黑, 所以今天特登補番一張日間的酒店相 ~
出發時的感覺好似仲未天光 ....


我哋今日嘅行程係去迪士尼侵略, 去果程打算坐巴士 (800 yen 一個) , 回程就坐 JR。

由酒店行去巴士站大約 20 mins, 沿途經過歌舞伎町, 果然日間嘅紅燈區係靜過鬼。


明明 7:40 am 有一班車0架, 但係唔知點解我哋好似 miss 咗班車咁 .... 所以唯有等 8:10am 呢班車, 不過都唔緊要啦, 坐呢班車會响 8:55 am 去到迪士尼。


等開車期間, 二等兵買咗支暖暖綠茶暖下肚先, 再食多個飯團做早餐 ....件飯團食晒先記得要影相 .... 噢.... sorry..... 响我個肚度喇 .......


二等兵响坐車期間瞓到成隻豬咁....... ZZZZZZZZzzzzzzzz, 隊長突然叫醒二等兵, 原來我哋0架車响彩虹橋上面行緊 ~~~


好嘢, 嚟到 "Disney 爛多" 啦 !!! 不過今日陰天, 仲好凍 tim.........

嘩..... 勁多人排隊買飛, 好彩我哋預先買咗飛咋, 於是我哋响度排隊等開門 !!! 但係等果陣真係勁凍..............


今日係隊長嘅正日生日, 好開心呀, 我哋一入到去, 即刻搵個 staff 俾個 passport 同佢講我哋嘅隊長生日,個姐姐仔好開心咁同隊長講 Happy Birthday 呀 !!! 然後佢就拎張 sticker 出來寫低隊長個名, 仲劃左個老鼠"25週年" 嘅公仔俾隊長 !!! 哈哈哈.... 好開心呀 !!! 貼住呢張 sticker 係人都知隊長生日啦, 我哋行行吓,成日都無啦啦有 d 職員同隊長講 Happy Birthday 0架, 佢哋仲拍晒手咁0架, 好開心呀 !!!


攞完張 sticker 我哋第一件事就衝去 Space Mountain !!!
嘩, 唔知點解咁小人嘅 ??? 排左 15 mins 就可以玩啦 !!!!


二等兵 : "隊長, 好驚呀 !!!"
之後就不停聽到二等兵嘅尖叫聲 !!! 真係好鬼刺激0架, 乜鬼都睇唔到........嚇得人吖><"


玩完 Space Mountain, 梗係唔好俾佢停啦, 即刻衝去玩巴斯光年 !!! ^^
呵呵.....好開心呀, 排左 15 mins 就可以坐低玩喇 !!! 今日真係順利 ~~~




坐低喇 !!! 我哋就係坐咗呢架列車上射呀射 ~~~ 二等兵仲高分過隊長 tim !!!


好 !!! 咁開心梗係唔好俾佢停啦 !!! 我哋嚟到下一個 game ~~~ "馳車天地" !!!
冇乜人排隊 ~~ yeah !!! 我地又用左 15mins 就排到喇 !!!


話咁快又兜咗一個圈, 又要落車喇 ~~~~~~

二等兵 : "隊長, 乜咁快侵略完馳車天地0架哪 ?? 好彩唔使排隊乜濟0架啫~~"


玩左 3 個 game 之後, 係時候去影下相喇 ~~~

二等兵 : "隊長, 我哋去邊間屋先呢 ???"隊長望一望, 不如去探米奇先啦 ?!




排我哋前面嘅係一班好得意嘅日本小學生, 佢哋好得意0架, 前面個小朋友仲著住對車厘子白飯魚0架 ~~~


排左大約 20 mins 就入到去影相喇 ~~~ d 擺設好得意呀 !!! 二等兵响度係咁影呀影, 影呀影 .......



影完一輪相, 睇完片之後, 終於可以同米奇合照啦 !!! 好野好野好野 !!!
米奇見到隊長生日, 仲主動同隊長攬攬 ~~~~~



探完米奇之後, 見美妮間屋冇乜人, 我哋又走去探美妮 ~~~ 間屋好靚呀 !!!






影完一輪相之後, 二等兵同隊長就嚟到侵略 "小熊維尼採蜜記" ~~~


呢個 game 真係好玩 ~~ 本來想臨尾玩多次先走, 但果陣要排 30mins, 所以我哋冇排到 ~~~ (後悔中)


咁小人排隊, 梗係唔好俾佢停啦 !!! 下一站係 "小小世界" !!! 其實二等兵覺得呢個 game 幾悶0架, 不過 OK 啦, d 公仔都做得好靚 !!!




玩完之後又再週圍影相 ~~~~
                                       


Detail (more pics) pls visit our BLOG :

Day 2 - Part 1 (Disneyland I) : http://hk.myblog.yahoo.com/keroroxtamama/article?new=1&mid=605

Day 2 - Part 2 (Disneyland II)


玩到呢個時候, 二等兵都覺得好滿足喇 !!! 因為而家只係 1:30 pm, 已經玩咗 5個 games, 又同米奇影過相,二等兵就同隊長商量一吓之後嘅行程。我哋打算早一點離開迪士尼, 將第 5 日去東京地下街 & 皇居改為今日去。雖然後咁,但係行行吓我地又見到有新嘢玩, 梗係玩埋先走啦 !!!　
我哋見到好大隻船呀, 二等兵又好興奮咁走過去 ~~ 呵呵, 原來係 "Mark Twain Riverboat" , 真係好好彩, 等左一陣咁啱0架船就埋岸接我哋喇 ~~~

0架船好美国 feel 呀 ~~~~~

遊船河時嘅沿途風景, 遠睇 d 人都做得好真0架 ~~


遊咗大約 10 mins 就埋岸喇 ~~~


遊船河嘅時候, 二等兵見到有架火車駛過又話要去玩, 落船之後隊長就搵下邊到搭火車 ~~~

行行吓, 竟然見到有個許願池, 無聊嘅二等兵問隊長攞咗 1 yen 之後就掉咗落池喥許願啦~~~ 唔好以為淨係二等兵咁無聊, 其實隊長都有攞 1 yen 嚟許願0架 ~~~ hehehe~~~

終於知道邊度坐火車喇, 沿路行去坐火車嘅途中就見到城堡 ~~ 好開心呀, 影相怪二等兵又發作喇..............喺度影咗不知幾多張相.................



有相為證, 今日個迪士尼真係冇乜人, 點解呢 ?? 點解都好, 總之冇乜人排隊就 very good 喇 !!!




二等兵 : "好攰呀...... 隊長, 我要坐低抖吓喇 !!!"


終於都嚟到 Adventureland 啦 !!! 實在太開心喇, 一嚟到架火車又埋站喇 !!!


d 印第安人真係做到好真0架 ~~~


喺火車上遇見剛才坐的 Riverboat ~~~~


坐完火車大約 2:30 pm, 我哋打算行返出市集離開迪士尼, 咁啱遇到巡遊隊伍, 好嘢, 我哋睇咗一陣先閃 ^^
真係好有氣氛, 見到佢哋又唱又跳, 好開心 !!!





呢幅圖畫係由 million smiles 組成0架 ~~~

大家近 d 睇吓 ~~~

嚟到市集, 見到好多可愛嘅精品, 真係好有衝動想買, 但係一來 d 嘢唔平, 二來買咗返 HK 都冇乜用, 所以二等兵都係忍忍手 ~~~ 不過隊長响度買咗一樣好有意思嘅禮物俾二等兵, 份禮物係乜 ?? 留返聽晚先開估 !!!




見到呢張相即刻諗起二等兵嗰 friend "小小" ~~~





行返出正門, 見到唐老鴨, 二等兵即刻衝埋去同唐老鴨合照, 好開心 !!!

之但係松鼠小姐唔肯同二等兵合照..........><


今年係廸士尼 25 週年纪念, 所以週圍都係 25 週年嘅佈置 !!!



各位團友, 我哋行返去舞浜站返東京喇 !!! 走果陣都只係 3:00 pm ~ very good !!!

經過今日成功侵略迪士尼之後, 迪士尼樂園將會變為 Keroro 樂園 !!! 呢本 Passport 將會過時0架啦 ~~~ 呵呵呵 !!!

取而代之就 ....................等隊長打個印先 ~

二等兵又要打印 !!

今日响迪士尼真係滿足, 一張 fast pass 都冇攞過就可以玩咗咁多個 game !!! 仲可以去埋第 5 日先去既東京地下街 & 皇居 tim !!!


Detail (more pics) pls visit our BLOG :

Day 2 - Part 2 (Disneyland II) : http://hk.myblog.yahoo.com/keror ... e?new=1&mid=608

Day 2 - Part 3 (東京地下街, 皇居, Tokyo Dome, 新宿都廳 & 新宿 Dinner)

原本行程: 迪士尼 --> Tokyo Dome (東京巨蛋) --> 新宿都庁 --> 新宿 Dinner
實際行程: 迪士尼 --> 東京地下街 --> 皇居 --> Tokyo Dome (東京巨蛋) --> 新宿都庁 --> 返 Hotel 小休 --> 新宿 Dinner

去到舞浜站, 我哋就搭返 JR 去東京地下街 ~~

真係好喇, 咁啱有架快速列車, 响車上都未休息夠就要落車啦 ~~~

未夠 4:00 pm 就已經去到東京站 !!!
呢個站果然名不虛傳, d 線真係複雜到吖............人又多, 出口又多, 如果要轉車真係唔好嚟呢個站, 盡量都揀第二個站轉車。
响隊長好忙咁搵出口嘅時候, 為食嘅二等兵買咗罐熱紅豆湯飲 ~~~ 好濃嘅紅豆味, 但係甜咗 d d。


終於揾到東京地下街嘅出口喇, 但我哋去咗另一邊嘅八重洲地下街醫下肚先 ^^
呢次揀咗好多人都話好食嘅和幸~

坐低嘅時候已經 4:00 pm 了, 所以都唔係太多人~

隊長叫呢個 set 係........ (日文字)....不過看圖識字啦~~ 估計係芝士豬扒, 蝦, 及芝士薯仔 ^^
唔怪得咁多人讚好味啦!! 因為真係炸得好鬆, 又好脆, 真係幾好味, 而左手邊係芝士豬扒, d 芝士勁好味!!!
另外, 跟餐的麵豉湯及飯可以無限量任添, 隊長好鐘意呢個麵豉湯, 入面好多蜆肉, 而二等兵就好鐘意藍色碗的前菜 !!!
不過因為二等兵只係食咗半碗飯, 所以隊長唔使添飯喇, hehehehe ....... !!!

二等兵想食蝦, 就來了一客 "海老御飯" ^^ ^^

食飽飽, 响八重洲地下街兜咗個圈, 竟然又俾二等兵睇中咗個袋, 呵呵呵 !!!

終於搵到隊長要去嘅地方 -- 東京駅一番街, 但係一心嚟 shopping 嘅隊長再次冇收穫 !!! 只係買咗一條軍曹電話繩 ~~~ 呵呵呵 ^^ 二等兵再次 KO 隊長 !!!!

噢, 我哋掛住買野, 行返出地面嘅時候已經天黑了............呢個就係東京駅地標之一 ~ 你睇下古老嘅建築同後面嘅高樓大廈, 形成一個強烈嘅對比。

隊長, 我哋向皇居進發 !!! 由 JR 站慢慢行去皇居都行咗接近 30mins, 去到因天已黑齊, 只可以隱約見到二重橋, 所以唯有在附近影夜景, 真係估唔到 d 相影出來會咁靚呢 !!!

都話東京鐵塔成日都會出現响附近0架啦..........夜晚嘅鐵塔真係好靚好靚 !!!

好喇, 各位團友, 我哋而家去下一站 --- 東京巨蛋 (Tokyo Dome) !!!
撘丸の內線去到後樂園駅落車 ~~~~


响巨蛋附近的 LaQua 有一個穿過商場的過山車, 真係好型0架, 响大廈之中穿插, 玩嘅人一定好剌激 !!! 二等兵就冇呢個膽量喇.......因為見到架過山車嘅車速真係好快 !!!

呢個就係 Big-O ~ 一個冇軸心嘅摩天輪 !!!


身在巨蛋之下 ~~ 好靚 ~~~


呢度真係好靚, 好浪漫, 最啱係同隊長嚟漫步 !!!

仲有個心心0架, 係咪好浪漫呢 ~~~

夜晚真係靚好多 ~~~


仲有個旋轉木馬0架 ~~~


見到傳聞中嘅姆明餐廳, 好得意0架, 姆明會搭枱一齊食0架, 相信大家都會好歡迎呢個不速之客 ~~~ (唔知埋單嘅時候係咪姆明找數呢 ??? 呵呵呵 ~~~)


玩得咁開心, 梗係唔好俾佢停啦 !!! 我地搭車返新宿, 去新宿都廳睇吓夜景先 ~~~
呢支檸蜜勁好味 !!!

終於嚟到都廳喇 !!! 我哋向北展望室 45/F 進發 !!! GO.....GO.....GO........!!!

好靚啊 !!!


喺都廳同隊長談完心, 我哋就返酒店小休一下 ^^ 然後就向夜晚嘅歌舞伎町進發 !!!

夜晚嘅歌舞伎町同日間簡直係兩個世界 ><

拉麵怪隊長提議食博多天神, 好好好 !!! 認住呢隻豬 !!!

呢碗拉麵真係好味, 湯底好豬骨 !! 同响 HK 食嘅簡直係兩回事 !!!

二等兵就叫了紫菜叉燒拉麵, yummy yummy !!!

仲有呢 d 調味料任君選擇 !!!  個老闆仲好好人, 主動幫我哋影相添 !!!

食得咁開心, 梗係唔好俾佢停啦, 在附近揀了 "若狹家" 食魚生飯 ~~

隊長叫了 (日文字)..... 三款餸.....
嘩, d 海膽真係好味到丫....................."先呼" (國語) 的感覺..............(真係難以形容), 難怪杜小姐食完都話揾到初恋的感覺 ~~~~


二等兵叫了這個 "六角丼", 真係超好味 !!! 其實我諗呢間舖頭對於日本人來說是好渣的, 但係我哋反而覺得去呢 d 餐廳先可以試到真正的日本風味 !!! 呢兩個飯真係呢個 trip 裡的頭 3 位 !!!

玩咗成日真係勁攰, 今晚經過藥房終於買咗浴鹽啦 ~~~ 不過好似冇乜效用咁..........可能真係太攰喇 !!!

仲有响酒店樓下的 7-11 買了宵夜 ~~~
有氣的士多啤梨梳打及周打蜆湯, 下面就係蘆薈乳酪, 三樣都好好味 !!!


都夜喇, 好攰好攰.......明天仲要一早出發去侵略淺草, 各位團友早抖啦 !!!


Detail (more pics) pls visit our BLOG :

Day 2 - Part 3 (東京地下街, 皇居, Tokyo Dome, 新宿都廳 & 新宿 Dinner) : http://hk.myblog.yahoo.com/keroroxtamama/article?new=1&mid=611

                                                                                                                                                                                                                       

Day 3 - Part 1 (淺草 - 雷門寺)

今日行程: 淺草 --> 台場 --> 汐留 --> 涉谷 Dinner
今天 6:15 am 就起身啦, 攪完一輪大約 7:00 am 出門口, 點解要咁早呢 ? 咪為咗响淺草避開 d 人潮, 加上預計 10:10 am 坐船到台場。

今日好凍呀 ..............所以一出酒店就在 7-11 買咗個早餐。其實呢個高梅飯團好酸, 不過唔知點解好想試一次, 但試完之後下次都係食返明太子 / 吞拿魚果類飯團會好味 d。 但係支紅茶好有茶味, 隊長話好正 !!! (二等兵按 : 紅茶梗係有紅茶味0架啦 ~_~")


唔使半小時就來到淺草橋站, 因為太早的關係, 都係冇乜人。



跟住我地轉都營淺草線去淺草站 !!!

見到呢度就快到雷門寺喇 ~~

到喇到喇 !!! 呵呵 ....... 隊長你睇一個人都冇, 快 d 嚟張合照先 !!!

早到 d 舖頭都未開門 -_-" 不過其實都 OK 0架, 因為我哋影完晒相, d 旅行團就黎到喇, 果陣就會覺得好嘈。而且 d 舖頭大约 9:00 am 都已經開門營業 !!!



d 舖頭未開門先知連 d 閘都靚過人 ~ 好有日本色彩 !!!



隊長呢度好靚呀 !!!



其實到來應該要俾煙薰一下, 據講會帶來好運的, 但係我哋早到連一支香都未有, 莫過話煙薰 ..............


入廟之前, 要先潔淨一吓雙手, 同埋要飲一啖水 ~~~






二等兵 : "隊長我要求簽 !!!"
隊長 : "都估到啦 !!!"



附近 d 風景真係好靚 ~~~


d 旅行團剛剛到埗, 我哋已經侵略完淺草雷門寺啦 !!!

好, the next station is 台場 !!! 隊長, 我地 GO GO GO !!!
因為隊長想坐呢架 "ヒミコ", 所以我哋特登趕喺 10:10 am 前去到乘船場 ~~~
坐呢0架船每人要加多 300 yen 0架 ~ Total 每人 1580 yen ~


呢條就係傳聞中嘅 "吾妻橋" 啦 ~~
二等兵就問隊長 : "Who is your 吾妻 ~~~ ??"


等上船的時候, 吃了剛才响淺草買的 "人形燒", 仲係暖暖的 ~~ 唔錯 !!


船來啦 !!! 0架船好得意, 好 cyber feel 呀 !!! 船裡面都好靚0架 ~




仲見到 "銀河鉄道 999" 嘅主角 tim !!!

沿途會經過 16 條橋, 船上會有廣播介紹每一條橋, 不過係用日文介紹0架喎 !!!
如果今日好天一定會好靚 ~~ 可惜今日下著毛毛雨呢......
二等兵 : "嘩.......... 彩虹橋呀 !!!"
之後心諗 : "唔知今晚有冇禮物收呢 ????"


經過 50 mins 就到達台場啦 ~~~



Detail (more pics) pls visit our BLOG :

Day 3 - Part 1 (淺草) : http://hk.myblog.yahoo.com/keroroxtamama/article?new=1&mid=612

Day 3 - Part 2 (台場)

今日行程: 淺草 --> 台場 --> 汐留 --> 涉谷 Dinner

嚟到台場, 唔知係咪空曠呢 ??? 好大風又落毛毛雨, 所以覺得好凍, 好在室內有暖氣啫。
我哋首先上咗 FUJI TV (富士電視台) 先, 日劇怪隊長梗係開心啦 !!! GO...GO...GO...

隊長話要上 25/F 球體展望室, 好啦我哋每人就俾 500 yen 上去, 望下成個台場係點先 ~
最衰係天陰陰啦, 如果唔係望落去一定會好靚 ~

見唔見到我哋頭先落船嘅碼頭呢 ??? 0架船仲喺度0架 ~~~

呢隻狗狗係富士電視台嘅吉祥物 !!
好得意, 有得吸印仔0架, 呢部蓋印機放咗响地下, 5/F, 7/F, 24/F, 25/F, 每層樓都只會有狗狗的其中一部份蓋印, 所以要集齊所有蓋印, 就要去晒咁多層喇 !!!


逗留了一會, 我哋就落去 24/F, 這裡放了一些今季日劇的 Poster。
在這個角度看這個球體好靚呢 ~

蓋了印, 我哋就搭 lift 往 7/F, 這一層是介紹電視節目的 ~

哈哈......俾我遇到車厘子 !!!

嘩, SMAP 呀 !!! 木村呀 !!!
隊長 : "唔知佢地幾時請隊長同二等兵上佢哋節目喥試食呢 ???"

見到狗狗同女朋友錫錫, 隊長又話要錫錫......

落返 5/F, 見到神探伽俐略 ~~
佢哋呢期好紅呀!!! 四圍都見到呢張 POSTER


好喇, 睇完一輪, 我哋落返地下先 ~

終於蓋晒 D 印仔啦 !!! 左邊嗰個係二等兵蓋的, 右邊嗰個係隊長, 你睇二等兵嗰個靚過隊長嗰個幾多 ~~~ hehehe ~~~


差不多 12:45 pm 啦, 二等兵都開始肚餓, 於是我哋嚟到 Aqua City 食 Lunch ~

隊長 10 年前食過 Apple Tree (ポムの樹) 嘅蛋包飯, 一試難忘, 佢話今次再嚟日本一定要再食 !!!

前菜都好味過人.........

呢度 D 蛋包飯分幾個 size 0架, LL, L, M , S , SS, 符合晒唔同人嘅需要
隊長叫了 SS size,  BBQ sauce 焗嘅蛋包飯, 你睇上面舖了一層厚厚嘅芝士, 下面就有 BBQ 汁, 真係好好好正 !!!


二等兵未試過, 就叫了一個 SS size, 最 basic 嘅蕃茄汁蛋包飯 ~~
真係超好味 !!!


點解連杯檸茶都好味過人 ??

你睇隊長又照鏡啦 !!! "先呼" (國語 : 幸福) 的感覺 !!!

食飽飽, 週圍行吓先 !!!

二等兵 : "彩虹橋呀 !!!"

二等兵 : "隊長乜我哋嚟到美國咩 ???"
其實係因為日本同美國建立邦交, 所以美國贈送了自由神像給日本 ~

嘩, 原來得 9'C 咋, 不過落住雨咁, 又大風喎, 所以份外覺得凍 tim.........

點解白雪熊會喊 ???  咪因為我哋答錯題目囉...........kakaka~

行完 Aqua City, 係時候行去 Mega Web 啦 !!! 行左大約 15 mins, 終於行到黎 Mega Web 喇 ~
嘩........ 好靚的Palette Town 摩天輪............二等兵覺得靚過倫敦嘅 London Eye

入到去 Mega Web, 首先係由二等兵揸車先 (E-com Ride), 每人 200yen, 兜咗一個圈大約 10 mins 左右, 架車全自動控制, 所以二等兵無車牌都可以無牌駕駛 !!! 好好玩呀 !!!


呢架車就係二等兵揸果架車嘅同一系列 ~

車迷嘅隊長梗係勁影相啦 ~ 二等兵行到好攰, 就坐低等隊長 ~~ 一等就等咗一個鐘 -_-"


4:40 pm, 到咗隊長予約揸車嘅時間 ~ 想予約揸車嘅朋友, 可以上網或即場予約, 但記住要攞國際牌同埋俾 300 yen 呀 !!!
呢架就係隊長予約咗想揸嘅車 ~~~~


GPRS 導航系統 ~ cool ~~~ 20mins 左右就揸咗兩個圈了, 隊長依依不捨地下車 !!!

揸完車見口渴, 又係時候買野飲 ~
左邊係士多啤梨味可可飲品, 右邊係二等兵至愛嘅士多啤梨乳酪 ~ yummy yummy ~

離開 Mega Web 時天已黑齊, 看到好靚嘅 Palette Town 摩天輪, 個摩天輪識變色0架 !!! 真係靚過 London Eye 好多 !!!

隊長, 好靚呀 !!!

我哋行返去 Decks 嚟到 Muscle Park, SEGA Joypolis &  台場小香港 !!

好攪笑, 原來日本人都鐘意 HK 文化 ?? 在台場有個 "台場小香港" ~~


仲見到一直好想去嘅姻緣石 tim.................hehehehehe ~~~

去到 4/F Platform, 隊長終於找到呢個心心啦 !!! 隊長搵咗好耐呢 !!!
雨越下越大, 越來越凍..........................但係隊長同二等兵錫得好開心 ~~~ hehehe ~~~

本來隊長今晚在彩虹橋下有份禮物送給二等兵的, 但係因為落雨嘅關係, 送禮儀式改為夜晚返酒店進行 .......


雨越落越大, 係時候要撤退啦 !!!
                                       


Detail (more pics) pls visit our BLOG :

Day 3 - Part 2 (台場) : http://hk.myblog.yahoo.com/keror ... e?new=1&mid=613

Day 3 - Part 3 (汐留 & 涉谷 Dinner)

今日行程: 淺草 --> 台場 --> 汐留 --> 涉谷 Dinner

從台場坐返無人駕駛列車返市區, 成程車 20 mins 都係無人駕駛, 去到彩虹橋嘅落橋位, 架車會 360度兜圈落橋, 可以睇晒四面既風景, cool !!! 好正 !!!



坐坐下車隊長見時間尚早, 突然話想去汐留兜一個圈, 於是就拖住二等兵落車啦 !!!
其實汐留係一個商業區, 高樓大廈林立, 但這正是隊長要來的原因, 因為隊長好鍾意日本現代化嘅建築 ~~~
就係呢 d 現代化嘅商業大廈吸引咗隊長嚟啦 !!


呢個就係好出名嘅宮崎駿大時計, 每逢以下嘅時間, 就會有公仔走出來 ~~~

但係我哋 7:30 pm 到逹, 所以冇得睇 ...>< 唯有影返張相補數啦 !!!


再行過少少就係日本電視台間 shop, 可惜去到已經收舖喇, 攪到隊長再次一無所穫.......
但係間 shop 隔離有好多日本明星打嘅手印, 面印同埋唇印 !!!

嘩, 藤原紀香個咀呀 !!!

行返去 JR 新橋站, 就坐山手線去涉谷食 Dinner ~
沿途見到好多日本電視台新一季日劇 poster 同埋好多廣告, d 廣告成幅牆咁大, 好正 !!!



GO.....GO....GO

呢張廣告係宣傳去北海道, 隊長, 你識做啦 !!! 呵呵呵 ~~~


去到涉谷, 又再食多一次朱古力牛角包, 真係好令人回味0架 !!! 杜小姐呢次真係好介紹, 响日本一共食咗 3 次 ~ kaka ~
隊長心諗 : "今次二等兵仲唔肥死 !!"

今晚我哋打算食 Shabu-shabu (しゃぶしゃぶ) , 揀了 Momo Paradise (涉谷牧場) ~~~

我哋選擇了吃 Buffet Set, 隊長點了牛肉 Buffet Set, 而二等兵就點了豬肉 Buffet Set,  90 mins 內無限量任食 ~ 每人都只係 $1890 yen 咋 !!!!
呢碟蔥啱晒蒽怪隊長啦 !!!

呢碟係蘿蔔蓉 ~


日本人真係好細心, 教埋你點食 ~~~

連菜都係無限量任添0架 !!! 呢幾日食咁少菜, 趁機食多 d 先 ~~~

d 牛肉切到紙咁薄, 真係一放入去灼一灼就食得 !!! 好正呀 !!! d 牛肉味好正 !!!

豬肉都切到紙咁薄 !!! d 肉味真係好新鮮, 好正 !!! 完全响 HK 係食唔到 ~~~ !!!

食飽飽之後, 去到隔離街嘅 Blue Seal 食雪糕 ~~ 呢間又係杜小姐推介0架 ~ (其實而家天寒地凍囉 -_-")
真係好多款揀呀, 仲有好多好特別嘅味, 例如海洋味, 苦瓜, 同蕃薯 ~ 又有得試咗味先買 ~

我地揀咗 Ube/ Potato 味雪糕, 其實唔肯定 Ube 係咩味, 開頭以為係蕃薯味, 但係食落似香芋~

食 cone 要加 55 yen ~ d 雪糕真係好滑 !!!

係咪好吸引呢 ~~~


行返去 JR 站搭車, 途中見到好吸引嘅士多啤梨同哈蜜瓜, 好正呀 !!! 可惜太夜關左門喇 !!!



本來隊長今日在台場的彩虹橋下有份禮物送給二等兵, 可惜因為下雨的關係, 所以呢個儀式改為晚上返酒店進行 ~~~
多謝你呀隊長 !!!




Detail (more pics) pls visit our BLOG :

Day 3 - Part 3 (汐留 & 涉谷 Dinner) : http://hk.myblog.yahoo.com/keror ... e?new=1&mid=615

Day 4 - Part 1 (築地)

今日行程 : 築地 --> 秋葉原 --> 上野 --> 池袋 Dinner

今日我哋倒塔咁早起身, 為乜 ??? 就係為咗去築地食壽司 !!!
7:06 am 已經嚟到車站啦, 其實都唔算太早 ~

坐都營大江戶線大約 30 mins 就嚟到築地市場駅啦 ~~~

二等兵 : "隊長, 我地 Go Go Go !!!"

今日又落雨 tim, 好凍呀 !!!

佢地好 busy 呀 !!!

呵呵, 裡面 d 魚生一定好正 !!!

佢地就係揸呢 d 石油氣車運送魚生0架啦 ~~~~

其實之前都有諗過食 "壽司大" 定 "大和壽司", 但係食過嘅朋友同我哋講 "係好好食, 但其實間間都差不多 ~"  而我哋嚟到壽司大都只係得大約十個人排 (預計只係排一個鐘), 但係大和壽司就一個人都冇~~ 點解今日又係咁少人既 ??? (二等兵按 : 之後大約 10:00 am 返嚟已經打晒蛇餅啦 !!!) 於是我哋就入咗去啦 ~~~

二等兵 : "好啦 .... 等我哋作下狀排下隊先 !!!"
隊長 : "我入去喇! 你慢慢排啦喎 !!!"


我哋嘅寿司就係由呢位老師傅負責 !!!! 唔講唔知, 原來呢位師傅叫入野信一, 佢率領住兩個兒子 (即係入面嗰兩位師傅) 整壽司俾客人食, 真係好彩, 我哋被安排坐門口呢邊咋, 咁先可以食到 "入野 san" 嘅手藝 !!!





我哋一人叫了一 set, 嘩 ... 3500 yen 一 set (約 HK$290), 呢餐真係咁大個女, 第一次食咁貴嘅早餐 !!! 人一世物一世, 點都要試下呀 !!!
吃的次序係要跟住師傅上壽司的次序吃的 ~~~~
第一件係 "中 Toro", 但係有筋, 二等兵有 d 失望~ 不過確實係好新鮮 ~~~

跟住係 "車海老" ~~~~

"先呼" (國語) 的海膽呀 !!! 係 "馬糞海膽" 呀 !!!! 你睇真係 "漲滿" 成件壽司0架 !!!

鉄火卷 !!!

"吞拿魚"

"厚燒玉子"

烤蟹腳一小件, 送嘅 ~~~

"鱿魚"

"油甘魚"

"鰻魚" (佢地叫 "穴子")


係咪流晒口水呢 !!! 真係好正呀 !!!!!!!!!!!!!!!!
set 裡面仲有麵豉湯0架 ~ 隊長的至愛 ~~~


一早食咗一個壽司 set, 真係飽到上心口, 但係個感覺好滿足 !!!
食得咁開心, 梗係唔好俾佢停啦 !!!
我哋向場外市場進發 !!! GO.....GO....GO.......!!!

天寒地凍, 買支豆漿 (野口屋) 暖下肚先 ~~~
呢支豆漿就貴 lu, 250 yen, 但係其實好細支 ~ 不過真係幾好飲, 好濃嘅豆味 ~~~

之後買件玉子燒食吓先 ~

好得意, 有好多種味揀, 我哋揀咗最 basic 嘅味 ~

除咗呢間之外, 仲有另一間食玉子都好出名, 不過要一大件咁買, 但我哋又勁飽喎, 所以就選擇咗呢間 ~~

試吓燒鳗魚 (にっしん太助) 先 ~~~ 100 yen 一串 ~

嘩.........好正呀 ~~ 燒得好好味 !!!!!!


真係飽到唔郁得, 所以响附近散吓步先 ~~
行行下就嚟到築地本願寺 ~
入去逗留咗一陣, 我哋又行返出去場外市場再食過 !!!!

行到場內市場, 買咗 pack 士多啤梨 ~~~ d 士多啤梨真係大大粒, 又超甜 !!!
見唔見到有 pack 士多啤梨冇咗? 咪响我哋個肚囉, 哈哈哈 !!!

再回到場外市場, 之前上網見到網友讚的帆立貝 (築地めし丸), 梗係要試吓啦 !!!! 今朝嚟到阿婆婆都未開舖, 於是我地响附近兜咗一輪返嚟先見佢開舖 ~~~

每隻 500 yen ~ 都好大隻 !!


好嘢食得喇 ~~~
其實唔係太好味的, 同上次在北海道吃的差很遠...........

呢 d 唔知係咩嚟0架呢 ???

食完帆立貝, 我地嚟到 "井上" 吃拉麵 !!
呢度啲拉麵好有風味, 因為是企响度吃的 ~~~


你睇佢地幾 pro !!!




食得啦 !!! 只此一款 --- 叉燒拉麵, 盛惠 680 yen !!!


10 mins 後, 隊長又 KO 咗碗拉面~~~



Detail (more pics) pls visit our BLOG :

Day 4 - Part 1 (築地) : http://hk.myblog.yahoo.com/keroroxtamama/article?new=1&mid=616

                                                                                                                                                                                                                       

Day 4 - Part 2 (秋葉原, 上野, 池袋 Dinner)

今日行程: 築地 --> 秋葉原 --> 上野 --> 池袋 Dinner

侵略完築地之後, 我哋就向隊長嘅至愛 --> 秋葉原進發 !!!

10 mins 嘅車程就嚟到秋葉原啦 ~


呢個時候, 電車男隊長就梗係要去放血啦 !!! 所以我唔跟隊長啦, 二等兵要離隊自由活動 !!! 去咗無印良品 shopping ~~ 呵呵呵~~~ 我哋約好咗12:15 pm 响 JR 站喥等, 但係隊長响 Book-Off 放血放到唔知時候, 二等兵呆等咗 10 mins ...........喺等隊長嘅時候, 二等兵到附近的便利店買了橙味乳酪 ~ 冇乜特別 ~~~
之前聽到網友說有生薑乳酪, 但係今次找極都找不到.......失望 !!!


嘩 !!! 木村呀 !!! SMAP 呀 !!!

之後去咗 UDX Building 4/F 嘅 Anime Center 參觀 ~


嘩, 秋葉原至出名嘅 Cosplay 呀 ><
大家見唔見枱上有好多宣傳小冊子呢 ??? 隊長每款攞左兩份......... ><"

叮噹, 小飛俠同 Pokemon 歡迎你 ~~~

遊覽完 Anime Center 後, 隊長見仲有時間, 再次離隊去放血, 今次目標係 Animate (宇宙船) !!! 日本嘅Animate 真係勁過 HK D shop 多多聲, 全幢 9 層, 分門別類, CD, DVD, 男 Comic, 女 Comic,Game 攻略, 玩具 figure, 精品 etc, 仲有佢哋可以 set 一個 counter 剩係買 Gundam 嘅書, 勁..................... !!!

由於二等兵唔响隊長身邊, 所以隊長就肆無忌憚咁响 Animate 放左一大攤血 ................><" ><" (詳情請看手信篇)...........
隊長放完一輪血之後, 我哋就向下一站 ~~ 上野進發 !!! GO...GO...GO...!!!
但係去搭車之前, 二等兵又忍唔住走去買多個朱古力牛角包食, 呢個係今個 trip 嘅第三個啦 !!! 真係好味吖嘛, HK 又未開分店 ~~ 好彩 HK 冇開分店, 如果唔係二等兵肯定肥死 -_-"


攪左一輪, 我地大約 3:00 pm 去到上野 ~~~


又見到好吸引嘅汽水機........點解 HK d 汽水機咁唔吸引0架 ???

响 JR 上野站, 突然見到一架去東京郊區嘅列車, 個外型好靚, 望落去好先進 !!!


行到出去車站大堂附近, 見到杜小姐推介過嘅麵包舖 ~~~上次在原宿飽得滯食唔落, 今次幾大都要買個嚟試吓 !!!!
不過呢間店舖同原宿果間有 d 唔同, 呢間淨係賣麵包, 而原宿果間就有餐廳 ~~~

二等兵 : "隊長, 揀邊款好呢 ??? 真係花多眼亂呀...."

價值 189 yen 一個細細的麵包 !!! (唔怪得 HK 嘅日式麵包舖 d 麵包會咁貴啦 !!!) 但真係好好味 ~~~ HK 嘅日式麵包舖點都食唔到 !!!


嚟到上野第一件事, 隊長就要侵略呢間 Yamashiroya 玩具舖 .......

哈哈 ..... 喺玩具舖又俾我見到 relaxing bear !!! 好可愛呀你 !!!

大家仲記唔記得呢套卡通片呢 ??? (二等兵按 : 完全唔知乜東東, 睇嚟我同隊長有代溝 tim........)
隊長 : "小雙俠都唔識, 二等兵真係落後喇 !!!"

終於嚟到上野嘅阿美橫丁喇 ~

百果園 d 菠蘿咁出名, 上次在新宿果間冇開門, 今次嚟到上野見到梗係要試啦 !!!


好喇, 嚟到二木の菓子, 各位團友係時候要買手信啦 !!! (請看手信篇~~)
其實而家只係 4:30 pm 左右, 但個天已經黑到咁........

買咗 4 包磯燒元貝, n 包小食, 小量茶包同埋零食之後, 我哋再四圍行吓, 俾二等兵見到好吸引嘅夾公仔機!!! 好可愛嘅鬆弛熊呀 !!!


二等兵 : "隊長我又要夾 !!!"
如是者, 隊長就從荷包找了一個 100 yen 出嚟俾二等兵, 但係二等兵又點會夾一次就滿足呢 ??
於是就同隊長講 : "隊長, 500 yen 6 次呀 !!!"
隊長就話 : "你唔係要夾 6 次先夾到呀 ???"
二等兵好快就答 : "夾到咪夾第二個囉 !!!"
於是隊長就好唔情願咁拎咗個 500 yen 出嚟俾二等兵搵 "新歡" 喇 !!!
哈哈哈, 阿哥哥仔見我夾一次唔得, 夾兩次唔得, 夾三次又唔得, 佢終於出手喇 !!!
幫我擺好隻鬆弛熊响個有利位置, 呵呵呵, 夾到第.......第.........第......6次, 終於可以將佢據為己有啦 !!!
鬆馳熊 ..... 我可以帶你出境返 HK 啦 !!!

唔知係咪因為好早天黑嘅關係呢 ??? 玩咗一大輪個感覺好似到了 8:00 pm, 但原來只係 5:40 pm...........
我哋向下一站 --- 池袋進發 !!! 所以要搭 JR 去池袋先 ~

嚟到池袋, 首先搵個 locker 放低晒今日嘅戰利品先 !!!
Locker 分三種價錢 : 300, 400, 500 yen, 我哋租 300 yen 都夠喇 !!!
d 戰利品咁鬼重, 呢 300 yen 真係值得 !!!

呵呵.......... 我地擺到成個 locker 都 full 晒 ........~~~

擺低晒 d 戰利品之後, 隊長話要有自由活動嘅時間, 就安排咗二等兵响西武百貨 (Seibu)shopping.......隊長就一支箭咁去咗 K-Book 同 Animate 再次放血.........><"而二等兵响西武行 supermarket, 仲試食咗一小塊蛋糕 tim ~~
隊長行咗成 1 個鐘, 終於嚟西武接返二等兵啦 !!! (乜隊長仲記得二等兵0架咩 ~~~ ><)
拉麵怪隊長開始見餓, 又想食拉麵 !!!!!! 所以就選擇咗無敵家喇 ~
雖然今日下著毛毛雨, 又天寒地凍, 但嚟到嘅時候已經有條短短的人龍, 我哋大約排左 20 mins 左右先可以入坐。

師傅忙著為我哋炮製拉麵  ~~~~

隊長覺得呢壺茶好好味, 但係飲咗咁多杯都唔知係咩茶 !!!

好多調味料可以選擇, 正 !!!


隊長點了濃豬骨湯底叉燒拉麵, 個湯底真係好濃味, 隻蛋都好好味 !!! 啱晒隊長 !!

二等兵點了麵豉湯底的叉燒拉麵 ~~~ d 麵豉湯底好好味呀 !!!

再要一客日式煎餃子先, 400 yen 5 隻 ~~~ 二等兵一直好想食0架 !!! 正呀 !!!

呢餐 2000 yen 唔使, 抵呀!!!
食飽飽响池袋行街 !!!!!! 呢度係出名嘅太陽城 60 通 ~~~~


又見到好多鬆弛熊, 二等兵呢個時候梗係有所舉動啦 !!! 點知隊長即刻出手制止................鳴鳴................



唔知鬆弛熊雪糕好唔好味呢 ??

返到酒店, 吃了剛才買的特價壽司做宵夜 ~~ 唔知係咪因為特價嘅關係, 所以食落真係唔多新鮮, d 飯又硬呢 ...........

嘩, 今晚係最後一晚, 趕緊將呢幾日放血嘅戰利品 pack 好先瞓得 ....................又要影相, 又要 pack 好, 結果攪咗兩粒鐘先有得瞓。唔緊要啦都最後一晚咯 ~~~ kakaka......



Detail (more pics) pls visit our BLOG :

Day 4 - Part 2 (秋葉原, 上野, 池袋 Dinner) : http://hk.myblog.yahoo.com/keror ... e?new=1&mid=620

Day 5 - Part 1 (吉祥寺)

原本行程 : 皇居 --> 東京地下街 --> 吉祥寺 --> 返酒店攞行李 --> 羽田機場

實際行程 : 新宿 --> 吉祥寺 --> 新宿 --> 羽田機場 --> HK

原本諗住今日一早去皇居 & 東京地下街, 但因為 Day 2 去迪士尼超順利, 果日已經去埋喇, 所以今日時間好鬆動, 終於可以瞓晏 d 啦 !!!
今朝大約 7 點幾 8 點先起身, 執好晒嘢就 check out 先 !!!! 原本諗住將 d 行李放低 响酒店,去完吉祥寺後返酒店取回行李,  但係諗諗下都係唔好, 因為好嘥時間, 於是我哋先將行李放在新宿 JR 站內的 Locker ,因為方便回程時往機場, 然後就在新宿站轉車到吉祥寺 !!! 果然呢個 plan 係非常之方便 !!!

好簡單, 可以入錢或用 Suica 付款的 !!! 我地總共有 1 個喼 + 3 個旅行袋, 所以要租個大Locker 了 !!!


攪掂 !!!!!!


响 JR 新宿站坐中央線 (快速) 嘅列車, 唔使半小時已經去到吉祥寺了 !!!

哈哈 ... 嚟到見到隊長張 poster, 原來隊長一早已經成功侵略咗吉祥寺啦 ?! gooooooooood!!!

開頭諗住吉祥寺是舊區, d 舖頭會好早開門的, 但原來這裡的店舖冇咁早開門, 我哋行這兩條街嘅時候, 好多商舖都未開.........

經過麥當當, 見到有個廣告賣呢款食物, 個樣幾吸引, 290 yen 就買嚟試下啦, 橫掂 HK 都冇 !!!

甜甜地, 幾好味, 但食完都唔知係乜東東, 請問有冇高人可以話俾二等兵知呢個究竟係乜東東呢 ?? 果種味真係似曾相識, 但講到口唇邊又講不出是什麼東西, 後來才知道這是玉桂味 ~~~

見到可愛的玉桂狗, 係咪趁番呢個玉桂味食物 ??

嚟到吉祥寺, 梗係要試下好出名嘅牛肉球啦 !!! 但我哋早到人哋都係先剛剛開門, 都仲未預備好, 所以兜咗個圈先返嚟買 ~~~

終於見到傳聞中的人龍啦 !!! 好啦, 隊長你快 d 去排隊啦 !!! hehehe~~~

排隊嘅時候見到呢 d 食物都好吸引, 算啦, 都係留肚食陣間果餐 !!! (陣間食乜 ??? 梗係正嘢啦 !!! )


好快就排到喇 !!!
為食嘅二等兵 : "好野, 又開餐 ~~~"

唔好睇佢咁細粒, 其實, 實物好大粒架 !!! 如果買 6 個我哋就食唔落陣間果餐, 所以一人買咗一個 (180 yen 一個) !!!
真係好有牛肉味同埋洋蔥味, 仲好 juicy tim !!! 唔知係咪鍾意食牛, 又鍾意食洋蔥, 所以覺得好正 !!!!!

食完好味嘅牛肉球, 我哋就週圍行下 ~~~

d 屋真係好有型0架啫........ ^^

嘩, 好吸引嘅蛋糕呀 !!! 可惜未開門啦, 如果唔係一定買件嚟食 !!!

仲有可愛嘅牛奶妹 tim ~~~

木村呀 !!! 我哋又見面喇 !!!

好傳統嘅店舖 ~~~

主角終於出場喇 !!! 我哋等咗成朝就係為咗呢餐 !!! 我哋實在太早嚟到喇, 但原來 Satou 嘅餐廳在 11:00am 先開門, 想吃的朋友要注意喇 !!!
其實呢間餐廳咪就係頭先吃牛肉球的店舖囉 !! 不過佢樓上有餐廳, 可以吃鐵板和牛 !!!! 一場嚟到梗係要試下和牛啦 !!!

上去嘅時候發現條樓梯勁斜 !!! 各位團友要小心 d 呀 !!!

本來我哋被安排到卡位坐, 但係二等兵想坐响鐵板前的坐位感受一下真正的風味, 所以隊長就同店員說想調位喇 ~~~ hehehe~~~

隊長至愛的麵豉湯 ~~~

前菜 ~~~

個沙律好好味 !!!

就係呢三個師傅好忙咁為我哋準備午餐喇 !!! 你睇佢哋幾專心 !!!

見唔見右手邊個師傅 ??? 佢就係將塊和牛拎去磅吓啦~~~ 真係冇多冇少, 話幾多 g 就幾多 g !!!

好嘢, 呢塊和牛就快响我個肚入面啦 !!!

呢個係隊長叫嘅 "國產黑毛和牛 [限定 10 食]" ~~ 每日只得 10 份, 都只係 840 yen, 抵 !!!

呢個係二等兵叫嘅 "國產和牛", 1260yen~~~ (各位團友有冇發現, 二等兵叫嘅食物通常都比隊長貴呢 ?? 哈哈哈哈~~~)

仲有任添嘅白飯, 啱晒隊長呀 !!!

我哋一致都覺得隊長嘅黑毛和牛好食 d, 滑過二等兵嘅國產和牛, 但二等兵嗰款就有肉味 d~~~
總之呢餐真係好滿足 !!!!!!!!!!!!!!!!!! "先呼" (國語 : 幸福) 的感覺 !!!
食完週圍行吓, 二等兵竟然又睇中咗個袋 !!! 呵呵呵~~~ 隊長都制止唔嚟, 呢個 trip 二等兵一共買咗 4 個袋 ~~~ 呵呵呵呵 !!!!!!!!!
都話日本 d 嘢乜都靚過人0架啦~~~ 連消火栓都靚過人嘅 ~~~


响 JR 吉祥寺站附近的百貨公司, 見到有個可愛的綿羊鐘 ~~~ 二等兵又俾佢吸引住, 拖住隊長入去行吓 ~~~



哈哈 ... 好得意嘅乳牛 ~~~

又俾我見到鬆弛熊呀 ~~~

仲有呢隻豬仔 tim ~~~ 乜原來佢哋識得0架 ?!


行完之後, 我哋就坐返 JR 中央線 (快速) 返新宿 hea 喇 !!!

第一次見到女性專用車卡 ~~

開頭二等兵諗住捨棄隊長, 自己一個人坐吓先, 但原來係限時間0架, 應該係返工的繁忙時間先係女性專用 ~~~ 所以呢次隊長可以入嚟坐喇 ~~~
隊長心諗 : "二等兵冇咁容易賣甩我....."


Detail (more pics) pls visit our BLOG :

Day 5 - Part 1 (吉祥寺) : http://hk.myblog.yahoo.com/keror ... e?new=1&mid=621