我都話UPLOAD 相係一件好可怕的事啦
辛辛苦苦UP完
竟然爆相簿
又要再黎過喇

第一次去日本就自由行
完全唔識日文既我地
因為貪吃
所以要食足十日

有個小心得
出發前要先搵晒點與點之間點樣坐車
如果去果D地方係大站
有得選就唔好坐各站停的
事先影低地圖再起地圖圈起想去既地方
食既野唔一定跟書
不過睇左書有印象
行到又肚餓或者個肚有位就食
影低地圖的話每次出去帶幾張紙就得
帶住本書好重的
酒店大堂有好多有用既資料要拎黎睇
去到一D觀光點會有遊客詢問處
又可以拎個觀光導讀地圖睇

出發 - 池袋防災博物館

下午6時放工，食過晚飯後，回家再收拾一下行李10時出發。
老公就剛做完兄弟，食了乳豬就沖沖去萬佳美1號家換過衫就去機場了。


我地係乘坐ANA機的



3點幾既早餐..太早喇..盒飯無乜點食..不過個餐ok的


我估佢係富士山


上午6點幾就到東京
火車同酒店一帶都好靜
我地係住池袋劇場的








因為太早喇..我地起MISTER DONUT到食個早餐先




早餐後開始有店鋪開門了


第二個早餐過後..我地就去了全日文既防災博物館
因為博物館其實同消防局係一齊的
所以見到消防車同救護車



防災博物館係要登記的
我地想玩地震體驗要BOOKING的
剛巧有一班約20多人的日本女士團去參觀
我地就JOIN佢地一齊睇
比佢地知我地係香港人
佢地即刻就大叫JACKY CHAN~
地震體驗前要先坐定定
聽佢地講一輪日文介紹(當然係原全唔明啦 )
再每4個人入去試地震的
原來7級地震真係幾可怕的

防災博物館附近街道


體驗地震果間屋仔無影到相=3=

去完防災博物館後
我地就去了後樂園
唔洗入場費的
想玩邊個機動遊戲就去買飛就得
不過因為好曬
我地咩機動遊戲都無玩
只係行下LaQua及Jamp Shop
同起一蘭食左個拉麵

Jamp Shop D野都唔齊既
想買既衫無果個碼
想買果款玩具又唔齊款

一蘭D拉麵唔錯
直得食

見到車站相入面個M22字樣嗎
這個對你睇地鐵圖搵站及轉線係超有幫助的



東京巨蛋
裡面做緊棒球比賽
過幾日就會有巨人隊對板神隊
不過我地無睇
三個男人話想睇的
不過我無興趣


好曬..咩機動遊戲都無玩


因為見到有一蘭食所以就食左先
因為見後樂園都無咩特別野食
又想食一蘭就食啦
要填表(問員工拎CHINESE FROM)及在自動售票機買飛
之後等位睇燈示入坐
再把手上的表格及票交到布簾後的店員
就好快有得食嫁喇








食完午餐起樂園周圍行下
想入鬼屋但搵到廣告..搵到賣飛..搵唔到間鬼屋..好彩未買飛
鬼屋最得人驚既地方就係我搵唔到佢

跟住食多個雪糕就返池袋check-in喇
食食下先記得影..其實我地都好多食食下先記得或者直頭唔記得影的
這個雪糕都幾重份量咩都有..好好味


D野唔齊既JUMP SHOP

約2點左右我地離開後樂園
回酒店check in
由於之前一日老公做兄弟
果晚佢都無洗白白
佢就起酒店洗個白白先
我就覺覺豬一陣
咁早機其實都幾眼訓的
約4點左右
我地就出發去新宿

酒店房間只貼到廁所相咋
床因為佢起我覺覺豬既時候影
所以我唔貼喇
訓到流晒口水既樣無謂比人睇啦
日本好多地方都用電動馬筒的
不過小心d制
有個會洗得好高整濕d衫的
我起西武中左招
酒店d野都幾齊的..基本上所有清潔用品及工具都唔洗帶


對面2個萬佳美的房間

跟住去新宿
經過百果園就食左個好好咪既蜜瓜
萬佳美2號既波羅

跟住行歌舞技町
諗住去搵金太郎丼
行行下有夾公仔機店佢地就入去玩(全個旅行一有夾公仔店佢地就會入去夾的..萬佳美2號夾左2急公仔 )
點知就落大大大雨
又無傘..旁邊又無得賣傘
最後濕晒咁去到金太郎丼(要搵..因為無地圖無確實地址)
搵到但佢無開門 (果條街有龜先生問老公佢地按唔按摩 )
最後我地去左SUZUYA食炸豬排
這間都好味的..亦都係試得過
睇杜如風介紹..這豬排店的漿..香港的日本餐廳會特登黎入貨回香港的






由於下大雨
都無乜心機行街
又累呢..咁就回池袋
在車站的西武買左消夜食



第一日再見喇
訓得好好..因為好眼訓

第二天日本時間6點就起身
落酒店食左個豐富既早餐就出發去築地
有d後悔第二日就食築地
因為實左太好食喇
之後食既壽司都覺得好普通

因為唔係一出車站就到壽司大
我地都起築地行左半個鐘發下脾氣先去到
去到大約係9點半左右
我地排壽司大(因為見門口少d人)
點知大和入人入得仲快
大約11點左右就可以入去坐低食
我地4個人都係食3670yen個餐
師傅們都好叻
問左你起邊黎
就會用廣東話同你打招呼
件壽司名佢都係用廣東話介紹嫁
因為唔知咩魚打咩魚
佢就比左個中文menu我地睇
食set係平d嫁
提一提大家
壽司大開到2點咋
又要排過幾2個鐘先入到
所以幾點到自己計下數喇


周圍行下搵下睇下

































食完壽司就繼續起築地市場周圍行
買野食買手信(如果可以..手信都係留返最尾一兩日行上野先買..因為平d)

成個築地..食咩都好好食的
燒海鮮個阿婆無乜野丫
佢仲同我地講le隻靚添(我估係咁上下啦 )








跟住就行去車站去幕張喇

坐咁貴車去到幕張打算行OUTLET
OH MY GOD~佢休息呀
咁影張相行下佢旁邊既商場囉
但有發現喎
個商場間100YEN店D野好正
係好過新宿同池袋果D的
我同老公都買左差唔多成3000YEN野
我地起裡面買左D 100YEN一盒既玩具
今日起沙田見到賣28蚊盒
我地抵左呀


之後就去湯巡萬華鄉溫泉
係要坐佢既專車去的
入到去就先除鞋
把鞋放LOCKER
跟住入場
之後係拎手帶,日式浴衣(和服咁嫁)
小心左右之分..唔係會變死人嫁
之後就去洗白白浸溫泉了
有光豬咁浸有著泳衣一齊浸的
浸到肚餓就食野
食完又浸
牛奶D人係光豬一隻咁企起牛奶機旁邊飲的
好似9點幾就坐車走LU

未上溫泉專車前先行下百貨公司












酒店樓下先超大粒八爪魚丸


影一下戰利品先


第二天完

本來第一日黎到日本就去大黑屋搵迪士尼飛的
點知佢得1DAY PASS
如果你地係去一日的話咁去大黑屋買啦
又平少少又唔洗起迪士尼門口排隊

我地就笨喇
諗住OK啦大黑屋無得賣2DAY PASS
咁我去便利店買囉
就算一樣咁多錢
都唔洗再起迪士尼門口排隊啦
點知
便利店都已經用左我地好多時間買
去到完來都係同比現金一樣排同一條隊換飛的
我估唯一既好處係可以SURE我地一定有飛入場囉
唔知係咪日本假期
好多日本人咩年紀既都有
FAST PASS都係用左一個就已經無得拎喇
在迪士尼見到有日本藝人拍片
有無好心人話我知佢地係邊個呀








D日本媽咪都好勁..入場幫個女買件公主衫即刻起公共地方光豬個女再變身做公主的














周圍都已經好多萬聖節既佈置

迪士尼真係好鬼大
我一格都放唔晒D相














9點幾就離開迪士尼
再起出門間SHOP最後努力



回池袋食無敵家
成晚上10點都要起門口排一陣隊
之前印定張送蛋券
所以有2隻蛋
我自己係食有5片叉燒的拉麵
不過唔記得影相



第三日完

又食過豐富既酒店早餐後出發
其實我地日日都有食
比左錢緊食啦
又好食喎

幾日行過都唔記得影下le隻貓頭鷹


迪士尼海洋係要坐迪士尼自動火車先到嫁




因為買左2DAYPASS
今次就唔洗排隊入場了
今日同尋日比呢
人真係少好多
但地方又大好多
都係一日玩唔晒的






我的背面


小心濕身





















我覺得最驚既跳樓機
你睇我地個樣








都係雪糕









離開迪士尼海洋回到池袋
晚餐係PAPPER LUNCH(我有無串錯字呀)
未食過食最貴果款就對嫁喇
我果個平100YEN的
貴D果個好食好多



第四日完

已經第五日喇
今日我地去橫濱
幕張無得行OUTLET
今日補番數

我地又係行過見到咩就食的










行完OUTLET出返車站已經好肚餓
就求其入左間迴轉壽司食
出事喇
唔好求其入
麻麻地咋




食完去搵麵包超人





















聽講麵包超人館對象係幼兒
所以我地無比錢入場睇
只係起外面影影相咋

跟住就回程
日語有時香港人睇黎都會覺得幾好笑的



跟住係去拉麵博物館

跟住去涉谷食晚飯







本來想食若狹家
不過無位
又見佢MAN DAY
都唔知女士入唔入得場
咁就食第2樣野啦


結果去食廣島燒
自己整嫁








又黎影下戰利品(部份重複的)


日日天氣都唔錯


第五天完

影下我地既酒店早餐先


今日去淺草我地由池袋坐巴士去













'












老公求左籤














太早..好多店都未開門...不過開左門又睇唔到佢地D閘既畫







咸片戲院POSTER完全無打格的





我地打棒球
LE個係我老公
第一次打好屎



打棒球要買飛的

午餐我地食大黑家的天富羅
我地食左2個2050yen的餐
好味






就係為左這公仔
某日晚上既消夜就係開心樂園餐了


本來打算由淺草肉科幻FEEL觀光船去台場的
點知...飛已經賣晒..所以大家如果都想咁去台場
應該一去到淺草就買定飛喇
結果我地轉坐鐵路過去囉



富士電視台
















一丁目商店街






裡面的鬼屋...膽少的我唔敢入


這個室內遊樂場我地5點先入場可以平D任玩
裡面幾好玩的




這個是使我驚到爆炸既機動遊戲
玩完好似食左白粉咁


筋肉擂台..只睇無玩





台場小香港
日本人D中文都係差D






玩完機動遊戲就落左沙灘燒煙花



回池袋時見到木村既POSTER影相時
有個日本叔叔用英文問我地木村起香港係咪好出名
仲問我地識唔識佢既日文全名既叫法
回到池袋去了食博多天神
中間見到海豚店打算最尾一日上機前食
點知無留意開放時間原來下午係唔開嫁


河豚呀河豚
我既笨令我食唔到你>.<
我下次一定要食你呀


博多天神拉麵
有個婆婆講國語的
LE碗老公的


LE碗我的...我貪心要食多料



第六日完

日本人真係得意
彈珠店都未開門就已經排晒隊等開門


今日去吉祥寺



為食既我地第一時間緊係去買牛肉球啦
要排隊嫁




可能因為夠熱
好好味


上午11點開始秋祭
經一個日本叔叔指示就行去個寺到喇
















日版可樂長長的


用100yen抽回來的


午餐都係在SATOU

街到好熱鬧


我地點左個高級松板牛餐
D牛肉入口即溶的


午飯後起車站旁的百貨超市內買雪米糍食..正~




我家有個精神病老公買D精神病玩具玩