本來想同老公去搞旅行,
老公話唔想搞咁貴,我就好努力去搵資料.
依家心水旅店係懷寧或者紅菱閣,已經決定係網上book,因為sunnycsl網大友話好d.
但心水既台灣民宿就膽戰心驚~
因為烏來鄉附近既民宿得個六至七個房,好驚book滿,想早d book.
依家二月,我想要四月尾.
奈何佢地無email,我又無fax.依家想搵台灣朋友幫手.佢地用atm入錢就ok.係香港訂要去銀行匯錢.
奈何個台灣朋友係老公既朋友,要叫得郁我懶懶閒既老公搵佢既朋友仲煩過自己book.
可能我太過緊張,我畀資料佢set晒priority,寫晒 123 choice, 同埋supply個人資料.
老公就話我好似監佢朋友做野咁.
我唔係無禮貌嘛,只係畀清楚資料人地易搞嘛,萬一人地搞唔到,盡快知道既話,都可以即刻自己再想法子嘛~
資料一來一回,時間浪費左,野又安排唔到....最後既結果就係要受貴囉~
我地上次去日本只有五日時間籌備,結果要六千元至可以搞掂機票酒店!仲未受到教訓?
又係老公佢想要平,依家佢懶懶閒咁,最後咪又係自己受貴.....
究竟佢知唔知老婆既一番苦心!

好盟憎呀!   :smile_22: :smile_22: :smile_22:

p.s.好彩我地唔係book北海道富良野個d民宿,兩個月book唔到呢!

我好同情你, 因為我都係搞呢D野搞到頭都痕埋, 而且23號我就出發, 但行程仲未整好.
不過去之前幾天先BOOK機票酒店就真係好'掹'.

我都試過一直搵上海d資料, 到出發前3天, 先至book機票, 點知見到高雄機票抵, 我地轉軑(事關上海去過,高雄就係新地方), 去左高雄+墾丁四天.... 係好急, 超急, 不過去到都好好玩呀, 放鬆d, 要享受旅行既樂趣嘛   加油啦

咁o既老公...咪鬼同佢去啦....
自己一個自由行唔使咁煩...

我係你會比貴d住間好d既溫泉酒店
始終唔鍾意求人地做野

好多男人都係咁, 冇fax機去文具舖fax比錢就得

我昨晚先同友人嘈完來

我都係諗住四月尾去墾丁, 高雄, 台北玩, 好彩我d朋友都冇乜所謂, 睇住本書plan行程, 大致上都plan左個大概, 而家仲book好晒d野添啦, 仲要好平, 所以d野早d book係會平d同可以揀d心水酒店~
d男人係咁架, 乜都唔理, 咁佢地唔理咪乜都自己整囉, 唔使煩佢地佢地就覺得最好添啦~

D男人好多都係咁..成個PLAN都係我自己搞曬...無聊死...

咪鬼理佢啫，如果旅費係佢俾嘅就一於住豪D﹗佢就係見你咁落力佢先至懶懶閒，總之book間貴一貴嘅酒店，咪等佢大安旨意，諗住你會攪掂晒﹗

哈哈哈，我都好明白!
算啦~咁咪唔好求人囉~book d又貴又靚既酒店，最後如果老公怨既，咪話：「咁我唔想麻煩你個fd嘛，咪唯有自己黎囉，點知原來如果自己黎只可以book到呢間喎，我都唔想架嘛」
實激死佢~

既然咩都要自己搞，最緊要當然係要自己開心~係咪先。