(一)Gps set 完電話號碼後會自動會選擇最快路線(通常行收費道路都幾貴，冇記錯由帶廣去小樽要6千幾)如果唔想行收費道路可選擇(一般道路)
時間長小小但冇收費。我自己全個行程都選擇(一般道路)佢顯示的預計到達時間通常會較實際時間長(不過都要睇你渣幾快)
(二)落大雪可不用水(砵)，我開頭唔知見落大雪，我開大水砵點知仲大劑，雪融立刻結冰攪到仲難睇，之後我試唔用就咩事都冇。
(三)記得去到機場取地圖。我第一日渣車預正封路，之後我就自己睇地圖由千歲去洞爺湖(不要信晒gps有時會老點)
(四)如果去船長之家個gps可能冇資料，你可搵定對面間酒店電話號碼(好似叫 鶴見xx 你可在gps找到，因我都係咁樣去的。
(五)如果想座破冰船，去到記得問佢有冇冰，如果冇我建議不用座，因完全冇睇。
(六)如玩流冰不用穿太多衫，因佢件防水衫好保暖，如果你穿得太多入水(一定有小小入，有個人同我一齊玩全身入水佢又得返件褸，好彩佢酒店係附近)，玩完之後你冇衫玩你就大大劑。另外襪就要超超超厚，我自己穿一對厚襪，點知隻腳凍到好痛好痛頂唔順，玩完隻腳趾都痛好耐。
(七)去到三角市場，食兩隻生蠔，隔冇耐個肚開始痛又想吐，要隔一晚先冇事。
