今次係我第一次自由行, 由安排到出發, 我用咗10個月時間, 朋友們都話有無搞錯, 洗唔洗咁早呀, 但係我可以好肯定咁話, 早有早好, 因為我係一個善忘嘅人, 唔一早搵定D資料, 到差不多出發時, 就會連一D豪不起眼嘅事都會遺忘, 而且呢10個月裡面, 我不停咁重覆睇個SCHEDULE有無問題, 無疑令我去到日本果邊唔多唔小有D幫助, 同時真係多謝呢度D有心人, 我同老公都出過D POST問過呢度D CHING, 多謝你哋解答一D問題, 所以我嚮度同D新手講, 睇下呢度D POST OR 搵下人哋D BLOG, 仲要睇天書呀, 唔好一開口就問, 有時睇到你哋D問題, 真係火都起, 難怪人哋串你, 睇多D對自己都有幫助.
講番今次行程, 我TOTAL去6D5N, 一行5人, 但係好唔好彩, 我去咁多次旅行, 今次係一落機就唔舒服, 由頭痛開始到作發燒, 留鼻水, 氣管唔掂, 好彩嚮果邊買成藥食頂住, 返到HK都睇咗3次醫生, 最近先好D, 所以搞到依家先開POST, HAHAHA..... 好喇去睇野......
日期: 2009年1月24日至29日
第一日: HK - 成田機埸 - 仙台
第二日: 仙台 - 藏王
第三日: 藏王 - 銀山莊
第四日: 銀山莊 - 淺草 - 新宿
第五日: 上野 - DISNEY
第六日: 築地 - 雷門
當日原本坐早上8:45機, 不過早咗起飛, 好呀... 到成田後仲可以坐NEX28到東京
原先安排由東京到仙台嘅JR都坐唔到, 因為班機早咗飛又早咗到, 好彩我之前做好功課, 前前後後嘅班次我都搵咗, 所以好放心咁去JR SERVICE CENTER度BOOK飛到仙台, 之前我都好怕搵唔到, 不過真係好EASY, 果度D指示好清楚, 所以未去過嘅可以放心, 唔會搵唔到, 仲有只要你肯問, D 工作人員一定會答你, 當然用簡單英文啦.
JR SERVICE CENTER
只要你拎完行李出關嚮右手邊, 就有自動電梯, 一落去你就會見到, 仲有CENTER嘅右手邊係買SUICA+NEX, 左手邊先係換JR PASS & BOOK 車飛, 唔好搞錯, 因為我排錯隊
出發到東京NEX嘅風景
於成田機場買上NEX嘅零食
到東京站後再轉東北新幹線上仙台, 時間係16:08, 到仙台係18:17
好彩之前做咗功課, 一落NEX後, 個JR東京MAP就好似嚮個腦到咁, 行行行就見到東北線, 同時佢D指示好清楚, 所以好快搵到.
到仙台喇
好喇, 餘下再遲D UPLOAD啦, 要瞓啦......待續
哈哈， 嚮公司無咩野做， 上黎又打小小野先， 唔好比人知我蛇王呀
到達仙台後, 第一時間去酒店check in, 我嚮hk果時係上樂天book嘅, 當然又係要looklook人哋d post先識book啦, 唔係太難, 不過都要用好多時間去choice邊間酒店, 而且我想搵5人一室, 所以比咗好多時間同心機, 如果你無耐性, 我就會叫你唔好自由行, 一係買package啦!
我所住嘅酒店係ドーミーイン仙台本館
http://web.travel.rakuten.co.jp/ ... de=G180081217153554
, 嚮JR仙台駅徒歩大約 10 mins, 唔係太難搵, 一出站就有天橋轉右手邊(當然又係事前要looklook日本地圖睇下要邊個出口出啦), 見到parco就向前行, 再落橋, 之後過3個街口就係酒店, 講好似好復雜, 不過有得去旅行, 就唔理得咁多 而酒店內有個浴場, 雖然唔大, 不過坐完飛機又坐車, 都唔錯架, 最勁嘅係, 佢間房竟然有一張osim嘅物體, 我哋5絛旦散玩咗好耐, 浸完個溫泉再用埋張椅, 簡直一流呀! 呢晚酒店每人4200YEN, 唔包朝食同夕食.
到酒店之後就開始我哋第一日嘅行程, 前菜去一番街行, 主菜要去高達酒吧, 甜品係便利店
我記得到一番街果時都差不多七點, 所以唔係行太耐就要去搵野食, 之後就搵高達酒吧, 其實由一番街過去, 話遠唔遠, 話近唔近, 可能自己都開始唔舒服, 所以都有d腳軟, 同行人仕就滿懷高漲情緒(係哥哥request要去, 所以係今次旅程其中一個團員要求, 呢次旅程係total有4個要求), 可能一d都唔覺遠 好喇又要去相喇
仙台街頭一攝
晚飯照
係一番街行咗一陣又夾咗一陣公仔見肚餓, 求其去咗一間食堂, 又求其叫咗5個野食(鬼識日文咩 ), 不過5個都好鬼正
食完之後決定去高達酒吧, 今次我兩間都有去, 不過就CHOOSE咗地球軍果間坐低, 因為呢間好似靚D, 而聯邦軍果間就只係入去LOOKLOOK無坐低DRINKING, 其實兩間SIZE差不多, 唔係好大, 同時佢哋會嚮入面播放高達TIM, 我見D日本人都會去果度坐低飲野&食D小吃, 而我哋只點咗野飲無食到, 唔知D野食得唔得, 不過入面好似全部都係酒精飲品(唔知係咪, 因為張MENU全部都係日文, 睇唔見有非酒精嘅野), 好喇去睇高達酒吧照啦, 男生至愛呀
去完高達之後就返酒店, 其實佢果頭都有間係依龍珠為题嘅酒吧, 叫武道館, 我哋上到去睇到一D龍珠嘅擺設又係有龍珠嘅影片播放, 不過就細間D, 我哋都無坐低就走咗.
好喇第一日報告完畢, 遲D先再講藏王, 多謝收睇 :smile_30:
跟住比小小藏王d相你哋睇(果日天氣超差, 遲d先講比你哋知, 嚮公司唔可以太揚打咁耐野 )
(你睇下, 拍到人都唔見, 天氣差到呀 )
