每次到日本，入境後護照上都會多了一張「上陸許可 短期滯在」的小貼紙，翻看已用了五年的護照，唔經唔覺呢五年已累積有十多張哩D貼紙。九月時又去了日本一趟，所以而家又多了一張貼紙了。今次7天行程用10,000円的JR EAST Special 3-day Flexible Pass加自駕遊東北，由於所有JR線包括新幹線同NEX都可用Pass，所以節省唔少車費。
01: 今次搭乘西北，佢地個Lounge同其他航空公司共用，果日係Lounge入面都唔少人又好嘈下，所以係果度食左D野就行去閘口。
02: 所搭既NW012係經東京去Detroit，所以有唔少鬼佬同機。
03: 因為西北的B747-400沒有設頭等位，所以全機最佳坐位在Upper Deck左手邊Bulkhead位，但係一早已經俾人揀左，只好退而求其次揀了左手邊Exit Row Window Seat，可惜只有一隻唔係好對位既窗。
04: Check-in時地勤姐姐話全機爆滿，雖然Upper Deck都係滿坐，但係始終比樓下寧靜得多。
05: 空姐（係經驗豐富、一把年紀果D）派餐前影多張自己個位。
06: 起飛前點左既Scrambled Egg早餐，因為之前係Lounge度已經食左D野，所以最終都係食唔晒。
07: 四個鐘話咁快就過，到成田後入境、取行李、過海關都好順利，去到JR Ticket Office亦唔駛點樣排隊就買到Special Pass同出埋三個唔同日子既新幹線+NEX車票。可能真係好多香港人幫襯，幫我出票個位JR日本姐姐仔已經識得同我講 "唔該"、"簽名"、"多謝"！最後兩點幾已經上左NEX，而且接駁到四點前由東京開出既秋田新幹線。
08: 可能係飛機同NEX度都無乜點訓過，所以上左新幹線無幾耐就已經訓着左，不過全程四個零鐘都係訓下醒下，影哩張相時已經差唔多到秋田。
09: 千秋公園外的夜景：抵達秋田時已經係八點幾，到酒店放低行李後仍然未覺得肚餓，于是諗著出去行下影下相先至去搵野食。
