Day 1
第一站：築地
搭完凌晨機，去到新宿酒店時只是朝早9點，放低行李於酒店大堂後，就立即啟程去築地魚市場，
由於此魚市場的鋪頭都是大約中午收鋪的，故此一定要早去．
雖然話係魚市場，感覺上似一個街市，極多新鮮的海鮮，冰鮮的海鮮，製作加工過的海產，
仲有好多生果菜檔，全部都可以用兩個字來形容：新鮮，色水好靚，價錢不太貴．
我們急步前行，要走進一個不像會有壽司鋪的街市小巷中，才會找到壽司鋪，
你是不會想像得到原來要走進這兒才找到的，幸好有我對方向的第6感覺才找到，
途中也見到有其他香港人拎著旅遊書，站在街角看似在尋路呢．
去到壽司鋪時，已見到很多人在門口排隊，日本人香港人也有，其中日本人佔大多數，
在門口食了大約20多分鐘的西北風，終於可以入內了，鋪頭細小得很，只可容納7-8人，
吱吱吱話點那個3500日元的個人Set比較化算，總共有7款壽司可以食，
一點了菜後師傅就立即係你面前動手整，每弄好一件就立即放在你面前的木製碟上，
那些魚生新鮮得不得了，我第一次食過這麼鮮甜的魷魚，吞拿魚(今次有兩種吞拿魚食，但我不識日文不識分)，
大蝦，鰻魚，帶子...仲有個不知是什麼的魚生．
樣樣都很新鮮，那種質素相信在香港是比較難找得到來吃的了，
食了多年日本野經驗的吱吱吱更話佢從唔鐘意食鰻魚及吞拿魚，
今次就是有史以來食得最好食既鰻魚及吞拿魚．
食完之後，在逛下街市，買左ｄ海產產品，見到有間關東煮都好似好美味，不過都係食唔落了．
就快要走時，見到有一檔寫住飲得既豆腐之類意思既字，見到有幾個日本人都買來飲，都買番樽試試，
開頭以為係豆漿，點知一飲之下，一陣陣香濃既豆腐味直達舌頭，原來唔係豆漿，係流質既豆腐，
真係好味～
不過行行下，因為凌晨機無乜訓過既關係，加上天氣比較凍，身體開始唔多舒服，於是就決定返酒店先休息一會．
原定的迪迪尼海洋一行就暫定....直至下年才可能會繼續了....
