打左成千字...無啦啦無哂...又要再打過...真係激x死我!!!

行程:
Day 1 香港機場→新宿酒店................................................P.1
Day 2 新宿→吉祥去→池袋→新宿....................................P.1
Day 3 新宿→涉谷→代官山→秋葉原→新宿....................P.2
Day 4 新宿→淺草→下北澤→新宿....................................P.2
Day 5 新宿→原宿→新宿....................................................P.2
Day 6 新宿→上野→香港機場............................................P.5

準備:
天書、DC、二腳萬能插頭、適量衣物、13萬yen cash
筆記(當地斻空公司及酒店電話、地址等資料、及實用緊急電話資訊等)

洗費:
國泰機票+TAX $3500
酒店東橫inn 35058 yen
其他詳情...............P.6

詳細感想:
以自由發問形式將行...唔問罷就

---------------------------------------------------------------------------------

由小學開始熱愛日本、中學為止更是白熱化階段
投身社會後、近呢兩年終於儲到錢、又有假
於是就一個女仔出發去東京啦~

知道而家好多人都一個人旅行
不過好多人覺得一個女仔又好危險咁...包括小弟娘親
之但係小弟實在唔鍾意俾旅行團鎖住對腳
同人去一定多麻煩野...第一次就簡單d一人行算啦
好彩小弟不嬲鍾意一個人多、絕不介意兼且享受做獨行俠
隨便睇下自己可以有幾獨立...同老土地講句:"為了更認識自己"

今次係我第一次去日本+第一次一人旅行+第一次自由行
所有野包括財政、機票、訂酒店、行程等等...都係自己搞掂
加上睇左咁耐呢個版...同網友d遊記...勁咪天書...
再自己上網搵料...狂睇傻婆杜如風...加埋學左一年既半桶水日文
就咁就展開左我既6d5n東京之旅....一連5晚都係住新宿同一間酒店...
無錯...係一連5晚都係新宿東橫inn..後面會講我有幾後悔呢個決擇

首先...我真係要介紹呢本天書俾大家...正文社出版
入面d地圖、路線、資料等等...都十分詳細
最緊要係多字...多圖...多解釋...多detail位...
教你由機場開始點搭車出city...點買票...等等...照顧周到
成個trip都好順利...我幾乎唔洗問人路...真係一書走天涯!!!
睇我用完返黎、封面甩哂色就知本書有幾咁掂啦!!!
旅行唔係驚唔見銀包...而係驚唔見呢本天書就真!


由於小弟唔係專業影相佬、鑑於天氣關係...
需要使用夜間mode...兼且凍到手震關係
部分既相係會影到一pet野咁既...敬請原諒!!
仲有....當中有小部分(4,5張到)小弟既相片...我懶得執相喇
奉勸忠有心臟病人士、孕婦、老人、小童不宜收看!!!
(如果抵插的話、歡迎正常人士任插)
真係唔講咁多廢話啦...去相~~~~
↓↓↓↓↓↓↓↓↓↓↓↓↓↓↓↓↓↓↓

Day 1 (18/1/09)
香港機場→新宿酒店


新既機場、都係第一次黎到
不過大鄉里驚死遲到、於是就早到2個鐘
唔係呆坐、就係周圍行黎行去無野做...


唔少得影返呢張、係人都會影既相啦~


hk既上空.....萬里有雲!


jp既上空....萬里有雲...仲天陰


落機太多野搞唔得閒影...搭nex、5點到去到酒店
到房先得閒影呢個陪左我5晚既廁所!
(第一次去的人記住睇天書買suica+nex套票=3500 yen、suica係jp既八達通、
而nex算係機場來往市區最豪、最舒適、最快、最準時既交通工具、慳好多架!
小弟落機時、傻下傻下買左剩係nex既票...好彩搵到天書講既專屬counter
有個日本姐姐工作人員...幫我換返個set套票姐...唔係就麻鬼煩啦!)


日本酒店出哂名細...不過一入到去比我想像中既大
呢個single room...絕對可以打開兩個行李箱!


7140 yen一晚...麻雀雖小...但五贓俱全!


有12個台睇...不過4,5個台係收唔到
俾我發現呢個好鬼好笑既..."不準笑系列"
之前係網上睇已經笑到我死...呢晚我係間房到笑到痴左線....


我住既東橫inn外觀..不過呢個係成個trip最後悔既事...
因為佢竟然距離jr站起碼15分鐘既路程!!!!
我自問拉住行李走、步速都唔係慢啦...都要3個字
仲要6日都係咁行...出出入入...有時d野太重返黎放低野都行到死
不過有好彩日日一定免費早餐...lobby上網+打國內電話


酒店位置比較僻...晚上9-10點到條街都已經無咩人


歌舞伎仃附近~


呢度就係jr站附近...多車多人


酒店附近小路...都真係靜到...嚇死人


呢一日係酒店放低d野...就即刻沖落街行餐飽
行到10點到...但竟然只係買到三樣野...
1.呢本地獄之書好出名...相信有玩結他既人都聽過
L'Arc~en~Ciel樂譜太重拎唔到...唯有買本地獄之書啦
2.休足時間...我有可能買錯...睇返人地果d
封面係成隻小腿的...但我呢個得腳板...而且越行越痛咁...
3.唔係平既粉底棉...買得失敗


The end of Day 1~

Day 2 (19/01/09)
新宿→吉祥寺→池袋→新宿

今日約左係jp讀書既朋友仔、帶我行池袋
所以一早行左吉祥寺先、食到呢個係人都買既牛肉波
180 yen...5個就140 yen...用有限既日文買野食
不過有時...日文唔太熟講得唔夠禮貌...我寧願扮唔識
講英文好過...起碼人知我係外國人...唔係無禮貌
始終日本人好講究禮節...我亦都唔想影衰中國人
(因為有次去便利店買煙、我口快快剩係up左d日文單字出黎、
同個jp朋友仔講返、佢都話寧願我唔講好過講、
咁樣無禮貌之餘反而講英文仲好、諗返我都覺得係)


呢日係閒日又早...好少人排隊...得小貓三四隻
不過佢地一買就買成盒成盒咁買...
好快我就買到...好惹味...多肉多葱...真係無食錯!
.

其實好多日本人都鍾意住係吉祥寺
因為佢夠靜、靜得黎又帶旺、多店舖又有公園


我行下行下都好鍾意呢個地方


d人同新宿唔到、新宿咩人都有
呢度d人感覺純dd咁、而且有唔少年青人住係度
(雖然相中已經有幾個耆英係度...大家當睇佢唔到吧~笑)


好悠閒既感覺~不過我無入去坐...驚坐低起唔返身


街燈都有味道過人~


呢日陽光譜照、勁舒服~


呢間野外表勁靚...不過又係無入去...趕時間


唔可以唔影既巴士站啦~


車站底下~


呢個日本萬中無一既郵筒、真係幾難先發現到呀


吉祥去0101大減價~
買到件tee....但係個sales哥哥英文完全dame!
我間日文有限公司又出場啦...可能佢心諗我都係dame!haha


呢區係住宅+商店區


店舖似住宅、住宅似店舖、死未






行下行下俾我發現左...井之頭恩賜公園呀~~~


好彩誤打誤撞黎到...唔係真係損失
唔黎由止可、一黎即刻愛上


由於陽光譜照、係公園都有好多人帶d小朋友黎玩


最煞食係仲要有個湖、嘩~靚到丫~
雖然唔少人...但係都好寧願...而且空間夠大...


我係度差唔多成個鐘...真係舒服到唔想走


真係靚到我忍唔住、侯左好耐等到一個似係好相遇既女仔行過
截停佢幫我影返張倩影黎嚇大家~


傻婆杜如風曾經係呢度玩過一人踩鴨仔遊戲
見佢踩到咁身水身汗....我梗係唔玩啦...咪搞我


俾我遇到一個放狗中既...清新簡樸系美少年
唔...唔錯唔錯~hahahah...忍唔住偷影佢


一場黎到無理由唔行落去...一於過埋條橋
雖然已經係我行程表以外既行程


行程以外都無辦法啦...咁靚...香港無架!!!


















過左橋既另一邊~






又黎一張自拍羅你命3000黎嚇大家~
三鷹之森美術館...唔得閒入去睇~可惜~


呢個名副其實係...倩影~




好鍾意呢張...如果夜晚影仲正!




行到咁上下、係時間又要返去






又jr去池袋lu~




呢對dr.m又愛又恨...雖然boots一定耐著、耐行唔怕爛
不過著住佢行咁多日都咪話唔辛苦


由於有朋友仔帶我玩、邊行邊傾、又點好意思拎dc出黎影相呢~
返酒店放低野、又一張自戀羅你命4000~
我成日拉埋後面度簾、睇得鬼片多
成日凝住拉開佢一望就見到隻女鬼頭浮係半空嚇鬼我!


池袋mister donut...一般般...仲以為入面再有料..都無既


小學時除左金田一、柯南就係第二至愛
估唔到做到而家都長做長有、做極唔斷氣
柯南從未長大過、亦變唔返新一
同金田一一樣年年留級...唉...


夜晚有時間再戰新宿、我唔信係新宿買唔到野


走到唔係附近既0101 young
上半棟賣lolita+punk野...我梗係買punk野啦
我特登撞岩佢裝修前感謝祭、即又係減價黎睇既




死返去酒店...一堆雜物屍橫片野




第二日終於都多返d戰利品~
無錯....我係一個Eva迷~....
圖中盒1000塊puzzle...執筆當日我已經砌左1/3


呢兩日既三餐、我都係求其食
經常去便利店買個飯團食咁
因為始終一個人選擇已經唔多、女仔又食唔多
最重要既係...太多point位要行啦...根本無時間坐低慢慢食

打到咁上下、聽晚再打落去
打左我一個通宵呀呢兩篇野...各位俾下面唔好插呀~

The end of Day 2~

追睇呀
我都有彈guitar架
但係未聽過地獄之書
請問本野有咩咁堅

又勾起我條日本癮喇﹗

唔知點解﹐我去東京既EXPERIENCE唔係最好(去北海道同埋N年前去大阪既整體感覺
仲開心)﹐但個心就成日心思思想再去東京﹐每次去都發掘到新事物+食物。唔知今
年仲可唔可以去呢﹖

thx for your share !!!!

Thanks for sharing...

支持~ thanks for sharing. 等你再upload

果然厲害...等待你的upload......

thx for your share !!!!  
追看中

多謝分享, 期待你的遊記~

哈哈~~妳同我行程禁似既XDD，我都覺得吉祥寺真係好舒服，人少少慢慢行街果種感覺好正~期待後果幾日呀~

期待中~

多謝分享,期待妳的update.

thank you for your share

waiting for the rest

追睇呀
我都有彈guitar架
但係未聽過地獄之書
請問本野有咩咁堅