大家好...係度想同大家分享下我o既愛情故事。
我o既故事冇大佬wind咁感人,亦都冇小t哥咁精彩。
我亦都唔係一個值得去愛o既男朋友。
因為我所做o既野真係唔抵去幫...

我同我現任女朋友一齊唔係好耐。
講靚佢絕對唔係,但又唔可以話係差。
算係中規中舉啦!!
其實比我感覺,我地都唔會一齊到好耐,
因為我份人不嬲要求高,
覺得佢未到我要求,就會想騎牛搵馬。
當遇到個更好o既,就可能會變心。

不過佢對我真係好好,咩都好就我。
而且我知道其實佢係尼段感情入面都付出左好多。
同埋佢比我感覺係好專一,
唔會做d對唔住我o既事,
比到我好有安全感,
所以我一直都拖到而家。

但相反我就唔識得去珍惜,
好多時都對佢忽冷忽熱,唔嗲唔吊咁。
我地兩個一齊可以叫做自由式拍拖。
佢去邊,我唔會管佢,
調轉我去邊,佢都唔會管我。
所以我地都未嘈過交。

直到尼日,
我識到第2個佢...

佢叫做阿穎，係網上面識。
初頭大家都係msn傾下計咁。
阿穎：「Nice to meet u!!」
我：「Nice to meet u 2!!」
阿穎：「你msn張相o個女仔好靚女喎,你女朋友??」
我：「哈哈!!係...就好啦!!」
阿穎：「車~姐係唔係啦!!」
我：「張相用o黎返工個陣精神下嘛!!」
阿穎：「Haha!!咁都得o既咩=.="??」
我：「如果唔係成日釣魚。」
阿穎：「咁等我又搵返張靚仔相o黎精神下先。」
我：「@@!!搵你條仔咪得囉。」
阿穎：「我條仔??我星期一至五都冇仔o架喎~」
我：「吓??星期一至五??」
阿穎：「係呀!!星期一至五o既我係單身!!」
我：「咁星期六,日呢=.="??」
阿穎：「星期六日咪有囉...」
我：「咩定理o黎架??」
阿穎：「我都唔知呢d叫咩定理~總之我星期一至五去邊都得~又唔需要搵男朋友囉...
不過有時星期六日有節目都可以唔駛~haha~尼d應該叫自由式戀愛掛!!」
我：「但去邊都得同做乜都得係兩回事黎個bor!!」
阿穎：「Nono!!尼兩樣野對我o黎講係一樣...」
聽完佢咁講...已經覺得阿穎係一個好花心o既女仔。
不過我地都只係維持住尼種網友o既關係...
直到...

                                                                                                                                                                                                                                                                                               

係尼日...
我地約左出o黎見面。
當我第一眼見到佢個陣,
覺得佢同相好似兩個人咁...
不過都算叫做ok。

初初我地見到面個陣,大家都係一句起兩句止。
其實係大家dead air期間,我不斷係咁諗緊有乜話題。
但最後都係諗唔到。
不過好彩大家坐低左食飯個陣,
都總算叫做有返d野講。

我：「你同你男朋友幾耐呀??」
阿穎：「Er...我諗年幾掛...」
我：「哇...原來都咁耐o架??」
阿穎：「差唔多啦...」
我：「咁一齊左咁耐,有冇做錯事先??」
阿穎：「哈哈!!你估下??」
我：「不過佢都可能有姐...」
阿穎：「所以尼個問題,我都唔係咁想諗...
順其自然啦...」
我：「咁你又唔搵o個個o既??」
阿穎：「好多野,唔係咁簡單...
唔係話想去做,就去做...
都要諗下後果o既。」
我：「做乜突然之間咁感性呀??
哈!!轉話題!!又話介紹d女女比我識??」
阿穎：「你夠話介紹d仔仔比我識喇!!」
就係咁大家有講有笑,
食到七七八八個陣...
阿穎：「乜你咁細食架...」
我：「唔係...唔知點解食唔落姐。」
阿穎：「搞到我好似好大食咁。」
我：「哈哈!!事實上係...」
阿穎：「死人頭!!」(打左我一下...)
其實係個飯辣得濟,我先食唔灑姐...
平時o既我一碗咁o既飯仔會難到我??
不過發現原來阿穎真係好食得辣下!!
而我地食完個飯之後,就去左飲酒。

又飲酒....出事機會好大..

VERY GOODDDDDDDDDDDD

今次飲酒,算係我係搞手。
約左10個人到,全部我都識。
而阿穎除左我之外,全部人都係唔識。
所以佢成晚都痴住我玩,
我當然義務上都要陪住佢,廢事悶親佢...

飲到咁上下,大家都好似highhigh地咁。
而係尼個時候,我發現我身邊唔見左一個人。
唔係阿穎,而係一個識左10幾年o既好兄弟 - 阿龍。
跟住我就出左門口睇下見唔見佢,
而我一轉彎入左條行仔入面,
就見到佢,一見到佢,雙眼通紅,一睇就知喊完o黎。
我：「唔知以為你飲唔到要"尼"埋係到呀!!」
阿龍：「YNT,我地識左幾耐??」
我：「哇...做乜毛啦啦做咁問??
冇廿年都有十年啦...」
阿龍：「我同我條女都差唔多十年...」
我：「我不嬲都羨慕你地尼對模範夫妻架啦!!」
阿龍：「其實我冇同你講...前幾日,我地散左...」
我：「吓??」
真係真係估唔到,
因為阿龍同龍嫂佢地都係大家o既初戀,
一齊左都差唔多十年,諗住大家都會係大家o既最後一個。
但點都估唔到...
阿龍：「佢有...佢...有第2個...」
就係尼個時候,阿龍又開始喊...
我：「安慰o既說話唔識講,希望你會快樂好返!!」
阿龍：「其實...其實...我真係冇怪過佢...
要怪,就怪我自己冇好好咁珍惜佢...」
望到而家o既阿龍,就好似一塊鏡咁。
一塊可以睇到未來o既鏡。
因為我都有一個好好o既女朋友而冇好好去珍惜...
不過感覺尼樣野真係好難講...
要o黎個陣,點阻都真係阻唔到。
陪左阿龍差唔多一個鐘,
見佢差唔多冇乜事。
我：「點嘛??冇事再去劈過啦!!」
阿龍：「好!!今晚不醉無歸!!」

返返入去,見到阿穎同我d朋友都玩得好開心,都總算放心...
而我地飲到差唔多5點幾...個個都差唔多貓灑。
最後就各有各走。
我：「送你搭車啦!!」
阿穎：「嗯...」
不過見到阿穎連行都好似行唔到咁,
就扶實佢行去車站到。
但行唔夠一半,佢就坐左係條街側邊到。
好彩個陣係5點幾,冇乜人係條街到。
如果唔係都唔知點算好...
我：「喂喂??你冇野嘛??」
阿穎：「......」
我：「喂??阿穎!!」
阿穎：「你比我抖陣先,我好暈...」
見到佢咁o既狀態,又點放心佢自己一個返屋企呀。
最後...
我：「o黎啦!!上我到啦!!」
理所當然,帶得佢上我到,我地最後就緊係發生左...
尼次亦都係我地大家o既第一次...

支持支持

到第2朝...
「多少往事甜在心頭...夜雨觸發這景致令我憂愁...」
我望一望部電話,原來係鬧鐘響。(係我先會仲用緊d咁舊o既鈴聲...)
我：「哇!!九點啦!!遲到啦!!」
阿穎：「好累呀...唔想返呀!!」
我：「遲到啦!!起身啦!!九點啦!!」
阿穎：「乜??乜話??」
我：「九點啦!!仲唔起身。」
阿穎：「打返公司先...」
都唔知點解好似我仲擔心過佢咁。
阿穎：「哎呀...個頭好癲呀...
哎呀...個樣好殘呀...
呀!!生左粒暗瘡呀!!」
睇住阿穎一起身,手忙腳亂個樣...
真係好搞笑...
我：「快d喇!!女人!!」
阿穎：「尼到有乜車返灣仔呀??」
我：「巴士囉...再唔係有小巴!!」
阿穎：「都係飛的算啦!!」
我：「你咁趕...仲諗住同你去食個早餐tin。」
阿穎：「咦??都好喎!!」
我：「=.="!!你唔係好趕時間咩??」
阿穎：「食早餐咁重要,緊係要食埋先啦!!」
我：「乜野道理黎架...」
最後同阿穎食左個早餐,
賣單個陣,阿穎仲搶住左張單去埋。
阿穎：「今次到我請返你食啦...」
其實阿穎除左花心左d之外,
覺得佢對男朋友都好好個渣...
阿穎：「你返邊呀??駛唔駛兜埋你??」
我：「哦...係銅鑼灣放低我得喇...」

究竟我同阿穎而家究竟係乜關係??
朋友...掛。
大家都知道出黎玩...就預左架啦...
更何況佢有男朋友...而我有女朋友...
算啦...YNT!!
唔好諗得太多喇...

係得既你

個次之後,我同阿穎都冇乜點再聯絡...
最多都係msn或者傾下電話咁。
而有意無意之間,比我知道左原來阿龍係個次飲酒之後。
同阿穎都有聯絡,而且都算幾密下...
而我同阿穎係msn到,
阿穎：「上次阿龍問我個次飲酒之後點...」
我：「吓??咁你點答??」
阿穎：「我咪話...上左你屋企囉...」
我：「呀~~!!(尼次大獲...)」
阿穎：「做咩呀??我講錯野呀??」
我：「冇......」
阿穎：「睇你個樣呀,幾灰!!
我講笑渣...我話你送左去搭車囉!!」
我：「=.="!!(真係比佢嚇到呢...尿都差d賴埋出o黎...)」
其實我唔係驚乜野,
只係阿龍雖然同我識左好耐,感情都好好,
但係...佢把口真係...疏到爆!!
加上佢又識我現任女友,
比佢知道左o既話,真係好危險...
阿穎：「那!!我幫你保守秘密係咪有飯食先??」
我：「有=.="!!一定有...(估唔到咁就比阿穎屈左餐飯...)」
阿穎：「係呀~!!頭先阿龍打比我...」
我：「吓??講乜呀??」
阿穎：「無...佢問我今晚去唔去飲酒囉...」
我：「咁你點答??(條友仔居然冇約我...)」
阿穎：「我話唔lu...聽日要返工嘛...」
我：「哦...」
阿穎：「做乜呀??佢冇搵你咩??」
我：「冇呀...」
阿穎：「咁不如我搵你陪我去呀!!」
我：「吓??唔好啦...放假先去威啦都係....」
阿穎：「車...咁你唔去我唔去lu...」

個日放工之後,返返屋企開左部腦,
見到阿穎online,但唔知點解唔係咁想叫佢...
可能大家始終都係保持返小小距離會好d。
而我就一路hea到11點幾差唔多12點。
見到阿穎offline...唔知點解個心就突然之間就亂諗野。
唔知阿穎會唔會去搵阿龍呢??
如果阿穎去左搵阿龍,飲完之後...
諗下諗下個心就好唔舒服,
最後決定就打比佢,點知有把男仔聲聽...
我：「唔該...er...(一時之間唔知叫咩名好...)」
男聲：「搵邊位呀??(語氣唔係咁好...)」
我：「er...阿...阿穎呀唔該!!」
男聲：「你打幾號電話呀??」
我：「吓??」
而家識親d朋友仲會專登走去記電話架既咩,
通常set左入電話就算架喇。
我就開始禁個電話簿搵...
男聲：「喂喂??(開始唔係咁耐煩...)」
我：「算啦...我諗佢飛左線...
唔好意思!!」
收左線之後,個心仲要唔舒服,
今次決定睇埋阿穎幾號電話再打去。
又係個把男聲...
男聲：「喂??」
我：「阿穎呀唔該!!」
男聲：「你打幾號電話呀??」
我：「9282 xxxx!!」
男聲：「打錯!!」
我：「哦...唔該...」
點解阿穎個電話會飛左線o既...
唔通佢真係去左搵阿龍而唔想聽我電話??
為左想証實尼個事實,最後我打左比阿龍...
阿龍：「喂??(背後傳出d好嘈既飲酒聲...)」
我：「喂??阿龍!!」
阿龍：「我飲緊酒呀,聽日打比你啦!!」
跟住就cut左我線...
真係無奈...
而我都只有返上床到訓教。
係尼晚,我訓得唔係咁好...
可能個心擔心緊阿穎究竟去左邊到...

不過點解我會咁傻??
我同佢又冇關係...
點解要諗咁多...
我諗唯一解釋到o既一個答案就係...
我鍾意左阿穎...

我諗你真係ＬＩＥ野，　你好明顯對啊ＷＩＮＧ有野啦～唔係使咩咁緊張要搵佢，　又怕龍哥會同你搶左佢，　其實一開始你已經錯左啦，　你都識講，　你唔識珍惜你女朋友，　點解而家仲唔收手，　係咪想做番你個好兄弟龍哥既影子。男人就係咁不知滿足，　當有更好既野出現就一定要得到，　女仔就得一個，　你又有女朋友，　好簡單問你一句，　你能唔能夠接受你女朋友出面做埋同樣既野，　同第２個男人搞，　背住你做好多唔見得光既事，你如果個答案係得的話，　咁你咪搵啊ＷＩＮＧ囉，　不過最好快Ｄ放棄你女朋友，　唔係就會搞成一個冇得解決既３角關係。。。。。                                                                                                                                                                                                                                                                                               

終於都到第二日起身...
好眼訓...成晚都冇乜點訓得好。
醒左搭車返公司,心情好沉重...
可能仲為緊琴晚阿穎件事唔開心。
就係我係架巴士到"中"緊個陣,
毛啦啦電話響,原來係阿龍打黎。
阿龍：「你琴晚搵我呀??」
我：「哦...係呀...去飲酒都唔搵我??」
阿龍：「知你返工實唔o黎嘛!!」
我：「一定係啦...有乜人去呀??」
阿龍：「咪又係阿x,阿xx,阿xxx...」
一路數都冇阿穎份...
我：「女呢??」
阿龍：「好多女呀!!好多都唔識...
你冇o黎真係可惜啦...」
我：「阿穎呢??聽聞你都有約佢喎...」
阿龍：「係呀...不過佢冇去呀。
打比佢琴晚仲要飛左線唔知去邊...」
我：「哦...係咩??
我到啦...唔講啦。」
阿龍：「好啦,o拜o拜!!」
聽完阿龍咁講,我反而冇放下心頭大石。
反而令我更加去懷疑究竟阿穎同阿龍有冇夾埋呢??
亦都因為尼樣野,搞到我成個朝早都冇心機做野。
做錯左,比老闆插到暈...

插完一輪,返返去個位到,開左msn,見到阿穎online。
我諗左兩諗,究竟我應唔應該震佢好呢...
心入面就好似多左隻天使同魔鬼咁...
天使：「或者係你諗多左呢...」
魔鬼：「佢地一定有野瞞你...」
天使：「鍾意一個人就要去相信佢...」
魔鬼：「但你諗下如果阿穎飲醉左,上左阿龍到。」
天使：「不過佢琴晚11點幾都仲係屋企開msn喎!!」
魔鬼：「但未到12點就off,電話仲要飛埋線...」
「YNT...YNT!!!」
我醒左一醒,原來我d同事走左過o黎問我野...
同事：「做咩呀你??咁心不在焉o既??」
我：「無...琴晚訓得唔好姐...」
同事：「做咩呀??為女呀??」
我：「吓...(咁都估中??)」
同事：「男人唔係為錢就係為女啦...
見你身光頸靚,都應該唔係為錢...」
我：「=.="!!(苦笑....)」
同事：「雖然唔知你咩事,
但我想講o既就係...凡事都要睇清睇楚...
有時你睇到o既可能只係表面,
係事實o既其實可能係假。
係假o既其實又可能係真...」
尼d說話我平時都聽唔到,
平時聽真係唔覺有乜出奇...
但可能尼一刻o既我已經係當局者迷,
今次真係比佢一言驚醒夢中人..
我：「嗯...唔該灑你...」
同事：「唔駛...我唔該你就真!!
尼d野唔該你搞掂佢先好收工!!」
我：「=.="!!」
原來咁好口係有目的...

而我就決定踏出我o既第一步。                                                                                                                                                                                                                                                                                               

我：「您剛剛已送出來電震動。」
阿穎：「阿穎剛剛已送出來電震動。」
我：「琴晚去左邊到威呀??」
阿穎：「冇呀...係屋企囉。」
我：「打比你電話飛左唔知去邊,
sms又唔覆我...」
阿穎：「電話搞左靜音=.="!!
吓??我都冇飛線...」
我：「仲要係個男人聽...
問我搵邊位...」
阿穎：「吓??我真係冇飛線喎...
阿龍都係咁講...」
我：「佢幾時講??」
阿穎：「岩岩囉...」
我：「哦...你知唔知呢...
其實我都幾鍾意亂諗野...」
阿穎：「知呀!!」
我：「我可以諗到天上有,地下冇...」
阿穎：「咁諗乜先得架??」
我：「算啦...冇野喇...」
阿穎：「玩野呀??講d又唔講d??」
我：「算啦...廢事你覺得我煩啦...」
阿穎：「你唔講我就真係覺得你煩啦!!\ ^ /"」
我：「冇...我以為你去左同阿龍去飲酒之嘛。」
阿穎：「哦...我緊係冇去啦...」
聽完尼句之後...我個心總算係鬆左一口氣...
不過個心始終都仲有保留...
同埋究竟點解會飛左線去第2到,直到而家都仲係一個迷....
到lunch食飯個陣,同阿穎繼續msn。
我：「食飯未呀??」
阿穎：「食喇...」
我：「食乜呀??」
阿穎：「今日帶飯!!」
聽到佢講尼句之後...
我內心o既保留頓然之間消失灑。
我真係諗得太多...
如果佢琴晚冇返屋企o既,又會點帶飯呢??
一齊迷底都解開啦...
終於都放下心頭大石...

                                                                                                                                                                                                                                                                                               

好好睇呀...打快d啦~hehe~

個次個單雨過天晴之後,
平時都有keep住同阿穎msn,
直到個日...
我地初頭都係傾緊d聊野...
之後阿穎無啦啦講：「講d野你知呀...」
我：「咩呀??」
阿穎：「頭先有一刻...我"有d"掛住你...
記住只係"有d"渣!!」
我：「係咩??咁我又講d野你知呀...」
阿穎：「咩呀??」
我：「其實個日我搵唔到你個日呢...」
阿穎：「做咩??」
我：「我都"有d"擔心你o架!!記住係"有d"渣...」
阿穎：「死人頭跟我風=.="!!」
我：「問你一條問題呀...」
阿穎：「請講...」
我：「你覺得我同你做朋友好d,定係男女朋友??」
阿穎：「Um.......尼條100萬o既問題...好難答...」
我：「=.="!!」
阿穎：「我諗要用錦囊先得...」
我：「=.="!!用灑冇得用啦...」
阿穎：「嗯...其實我覺得...你同我都係同一類人...」
我：「嗯嗯...」
阿穎：「大家都好易鍾意人...就算一齊左,都可能會係出面做錯事個d...」
我：「嗯嗯...」
阿穎：「咁...如果要我揀...朋友同男女朋友...我兩樣都唔會揀...
我會揀後備情人...」
我：「@@"!!」
阿穎：「咁樣大家都會開心d,至少大家唔會介意大家係出面做過d咩嘛...」
我：「我同你諗法完全一樣...」
阿穎：「同埋...就算真係係出面做左d咩,我地仲可以拎返出黎講,黎笑...」
我：「其實由頭晚開始,我一直都好想同你開口...
但又唔知你點諗...」
阿穎：「係咩??」
我：「同埋,講真架!!係個晚我搵唔到你...
其實我真係好擔心你...成晚都訓唔著。」
阿穎：「哈哈!!唔好意思,不過我真係唔知點解個電話會咁...」
我：「咁既然大家諗法一樣...」
阿穎：「???」
我：「你唔明我意思??」
阿穎：「唔明喎...」
我：「有冇咁豬丫你??」
阿穎：「我係鍾意你講呀!!」
我：「而家學串嘴喇...」
阿穎：「你唔講咁我當乜都冇聽過lu...」
我：「=.="!!講咪講!!怕你有牙麼??」
阿穎：「I  am waiting!!」
我：「I wonder if we could be a pair of reserve lover!!」
阿穎：「中文呀!!唔該...
我唔識英文喎!!」
我：「咁你頭先又打英文??」
阿穎：「講英文一d誠意都冇...」
我：「誠意呀??有黎緊!!」
阿穎：「Come on!!」
我：「我很榮幸如果我們能夠可以成為後備情人...」
阿穎：「哈哈!!唔錯唔錯...
不過好書面,唔該再改改!!」
係尼個時候...我"的"心肝,鼓起勇氣!!決定化繁為簡!!
我：「我想同你做後備情人!!」
阿穎：「哈哈!!咁我問你個問題先!!」
我：「問呀!!」
阿穎：「後備情人出街會唔會拖手??
會唔會比人知道我地拍拖??」
我：「緊係會!!
至於比唔比人知...
某d可以...某d最好唔好...」
阿穎：「咩叫某d最好唔好??」
我：「例如: 有d口疏又識我條女個d呢...」
阿穎：「哈!!你講緊阿龍??」
我：「哈哈!!醒目...」
阿穎：「咁駛唔駛叫你做老公o架??」
我：「哈哈!!你想呢??」
阿穎：「我想你想...」
我：「我就緊係想你叫啦!!」
阿穎：「Ok!!老公>3<"!!」
我：「老婆>3<"!!」
阿穎叫左我一聲老公,
我叫返阿穎一聲老婆...
就係尼日...我地就開始左...