之前打過電話去MII氣墊鑊度, 問佢個鑊係咪電磁爐啱用, 果位小姐話係, 咁我問佢可以係邊度買, 佢話永安百貨先有, 但我再問佢, 唔係上網可以訂咩? 佢竟然答: 係咩? 哦....原來可以上網訂, 咁你上網訂啦~ 我聽佢咁講, 即刻唔敢訂啦....
到今日放假, 我特登叫我老公車我出去, 山長水遠就係諗住買個鑊, 因為搬新屋~ 好啦, 去到永安, 見到MII, 但無人喺度, 我地企咗足足15分鐘, 到我老公出聲問其它人, 果位MII哥哥仔先喺人群中行出嚟, 原來企係我地隔離同人吹水 咁我問佢  叫佢介紹下, 佢話無嘢介紹喎~ 我問佢係咪唔痴鑊 無咩油煙 同用小小油就得? 佢話係~ 我當時都有D火都嚟, 跟手問佢, 咦..咁平底個款鑊係咪用得電磁爐呀? 佢話, 唔係喎  我地D鑊用唔到喎, 咁我再問佢, 咦? 咁你呢個係咩爐呀? 佢話係紅外線爐, 你唔係唔識分呀? 嘩~ 我當堂無理佢, 即刻走人~ 我覺得佢D服務態度好好囉~ 好到我唔會幫襯囉~

最後~ 去咗美亞度買~ 買咗以下兩款鑊~ 再架煮面鍋~

不锈鋼鑊  特價$5XX

炒菜鑊  大特價 老公要買 因為由$6XX 折到$2XX

都叫左妳去買個套星星牌啦 我唔信我

我開頭都想買, 但發覺電磁爐是用不到的, 一定要用紅外線爐, 而紅外線爐我搵黎搵去都只有PHILPS這牌子有, 但要成千一個, 仲要係單頭的, 所以已唔多想買, 再上網睇下其他人的口碑, 就話開頭用係唔痴鑊, 大約半年後就開始痴