睇見利物浦俾電視台咁踩法,有冇紅軍FANS覺得難受?

利物浦上過禮拜迫和曼城1比1,電視新聞既體育報導,立即勁踩佢,當利記時踢到呢場時,全季聯賽都只不過係輸過一場,我覺得成績絶對有交待.
(嗱...巴塞啱啱連輸兩場,大家睇吓佢哋會唔會用同一力度勁踩巴塞)

老實講,利物浦只算是名牌球隊,又唔係連贏十次冠軍既超級班霸,近來就算連續失分,又有咩咁出奇呢?
你電視台班友唔駛借機踩多兩腳,幸災樂禍吓話...

咁既所作所為,令人質疑:唔通你班友全部係紅魔躉!?

尤其是係NOW個講波佬"子俊"更令人火滾,雖然佢仲算係新,但呢兩場利物浦俾佢講,利記都係落後一球先,佢立即開心到飛天,跟住就彈足全場,上場對米堡加埋另一講波佬"林慶麟",利記全場踢來不順,佢兩位大爺就唱雙黃,插利記插到眉飛色舞,我就聽到想擲爛電視,唔知有冇紅軍FANS有同感呢?

老實講,你"子俊"同"林慶麟"係曼聯躉我唔怪你,香港有大把人都係,但唔該你哋下次再講利物浦嗰時收斂吓,我相信睇得利物浦場波既大部份都係捧利記,你哋講波講到咁唔客觀,會好乞好多人憎!唔知你哋知唔知呢?

唔知係咪迷信,利記D波俾親"子俊"講,失分比率特別高,相反上週歐聯講紅軍既"黃興桂",同利記好似零舍夾,特別老利,唔知大家有冇留意到呢?

631係佢地講你大可聽英文

其他人雖然都唔客觀,但係都算可以接受,但係子俊真係好難頂,個日佢講米堡場波當利記落後既時侯佢唔只踩利記,佢d語氣仲要好興奮咁

子俊絕對係曼聯躉,所以佢心裡邊興奮係好正常,
問題係佢興奮到出面就唔專業,收得皮

唉，香港大把旁述偏幫架啦....
有時都真係幾無奈。

我係利迷....覺得利記表現係應該俾人彈

曼聯都唔係連贏十次冠軍既超級班霸

我都係利迷, 我俾利記既表現蓋過哂d二打六講波老, 尤其是唔係亞丁同埋榮基講我都冇咩點聽佢地嗡野, 不過利記對米堡場波真係令人失望再失望, 眼見謝拉特傷逾後表現未回勇又傷出更加傷心, 古治又失左門前的大好機會真係眼到想喊....一換巴布出黎我直頭大叫....唔好呀! 唔好再換佢出黎啦.......最後我都未睇到完場我就熄電視訓埋, 因為我無眼睇...

好多人都睇死利記唔會拎到聯賽冠軍, 覺得利記會好似上年阿仙奴, 可能宜家好多車迷, 曼迷好開心, 但係我知道費托長期傷, 謝拉特又在關鍵時候傷埋, 好理解佢地成績會滑落, 其實上半季利記開季時踢得好成績我地都好開心! 不過我都覺得利記要執既地方真係仲有好多, 至少要換哂d後備, d後備真係個個都未夠秤, 除左班拿約...仲有唔該買多一兩個前鋒番黎啦, 仲有當然最好就換埋兩個美國班主!

十分認同樓主. 老實講, 我係曼迷, 但都覺得now班旁述真係狂踩利物浦

70多分鐘時已宣判利記死刑. 我覺得以今季利記最後階段的表現, 無人敢講佢追唔番.

係, 我都唔想利物浦追番, 但足球評述員似乎過哂火位.

掉番轉自己愛隊被人踩, 都好唔開心. 所以我鐘意聽榮基呀等人, 始終客觀d.

now這方面要改善下.

大部份講波佬都係咁架啦
睇開D

如果評述員講得唔夠中肯就唔得喇

米堡果場利記又真係打得差
由其是巴布,扭又唔得,又傳失波,爆落底又唔識出波
利記出佢真係打少個~ ~ ~

其他人雖然都唔客觀,但係都算可以接受,但係子俊真係好難頂,個日佢講米堡場波當利記落後既時侯佢唔只踩利記,佢d語氣仲要好興奮咁

子俊絕對係曼聯躉,所以佢心裡邊興奮係好正常,
問題係佢興奮到出面就唔專業,收得皮