我舊年搬左出來住，成年冇同屋企人見過面，佢地都只係打過幾次電話俾我，而家更加冇打過俾佢地...
話說舊年我同佢地吵過，跟住阿爸狂話我，叫我走，以後唔好返...我好嬲，同埋自從由大學宿舍搬返去之後就覺得好難同佢地相處，跟住我就搬走左，一次都冇返過去...過左咁多個月，我係有少許遺憾，但我發覺我真係冇乜掛住佢地，我相信佢地都一樣，反而同男友屋企人日日見，相處ok，我係咪唔正常？

唔知你乜原因和家人嘈

正唔正常呢0的野 問自己吧 每個人心中既尺度都唔一樣的

你應該都大學畢業了吧 父母關係=人際關係 也是一門學問來的

有時間或者諗下 點解和屋企人關係攪成咁囉 係乜 "原因"呢?

真係嚴重到"老死不相往來"既地步嗎? 真係值得研究 研究!

無論如何佢地始終係你親人
唔應該斷絕來往
總要有人踏出第一步去解決問題
你不妨同佢地道歉再好好傾下

其實再過多幾年  可能你有d想法  有d想見下佢地
雖然感情麻麻  但我覺得做仔女既  點都去深下人   
當係考%

大把人都係咁  無話正唔正常 有d唔止一年tim
in my case i havent visit them about 10 years
i think i may kill myself if i stay with that kind of people
they had damage my life
i dont want to meet them again

我都有咁的諗法？咁你有d時候會唔會覺得好寂寞？同你屋企人做過d咩令你咁做？

你遲早1定會有後悔既1日~
主動打個電話俾佢地喇~你個心會冇咁大壓力~

見到你依家既行為,仲講得出一Ｄ都無掛住父母,令我更加覺得我唔生細路既決定係0岩既@@

唔出奇，我老荳老母咩樣我都唔係好清楚﹗

世界上邊有父母唔掛住自己D仔女?只不過放在心,無表達出黎.
我10幾歲時,曾經都同亞爸關係惡劣而離家出走,事隔兩年先返去,
屋企人無講過一句令我難堪既說話,
媽媽只係寫咗一封信畀我,內容關於我走咗之後嘅心情.
我好內疚,真係好內疚.
邊個有問題都好,希望你可以先行出一步,主動去聯絡你嘅屋企人,
起碼畀佢地知道你嘅近況而安心.