真係好憎我老豆!
有時唔想自已仔女將來憎你
就嘗試去由當下建立
今日盆花你點樣種
他日就會有咩結果
我老豆由細到大都要將我落面, 到我懂性時仲當街 係麥記幾百人面前吊高我來打, 廿幾歲人仲成日
西住口面鬧我, 完全係冇野搵野來鬧, 但佢又唔係做到咩榜樣比我睇, 佢人蠢, 蠢到
真係冇人有, 連基本係社會上點樣做人都唔識, 幾十歲人單純到外人會覺得佢on居, 家人會
覺得收恥, 但佢就永遠都唔覺得自已有問題, 永遠都係人地錯
所以,廿幾年來佢種既因,到今日變成我好憎佢, 無論心情幾好, 見到佢, 好自然就由頭憎佢憎到去腳板底
,真係好自然,已經變到無原因..... 但其實所有原因, 都係因為呢十幾年來既因因果果, 無法計算
我做左幾十年人, 一直都相信, 子女相處真係相向, 唔好以為佢細過, 就要嚴, 就要鬧, 眼見好多香港家長
,樣樣野都逼到自已D仔女死, 永遠無佢自由發揮空間, 唔係話佢食丸仔群黑社會你都唔理佢, 但係亦都唔
駛要逼佢寫字寫到詩人咁靚, 又逼佢呢個班 果個班, 行一步管七步...現今愈來愈多後生仔有精神病, 好多
都係因為家庭自幼既逼害, 父母既錯, 但好多人只係睇到表面既野, 眼前既野, 短暫既野...而唔會將眼光
放得長遠
我呢番話係經過好多思考, 好多經歷, 得出來既結論, 我覺得一個人性格如何, 係一早生成, 你愈係逼佢, 愈係弄巧反拙
,過度管束,反而令佢失去適應社會能力,仲更加成為一個連基本生存能力都冇既人,更甚者就會形成精神病
. 好多父母唔明白同子女相處係相向, 每個子女都係口服心不服, 多年來, 我識既人都好多, 真係愈係 傻傻更
更, 曚下曚下, 有學識冇能力, 果種人永遠家庭背景都好嚴格, 我識一d人, 雖然讀書唔多, 但精到甩鞭, 依家
都撈到風山水起, 就算唔風山水起, 最少佢地都開心做人. 順帶題一題一個事實, 醫學界有一種精神病 , 叫強逼症, 發病年
齡通常係10幾至20幾歲, 發病原因大多數係童年受家庭父母過度嚴柯所造成, 呢種病會嚴重影響正常生活, 如果處理唔好
仲會有自殺傾向
最後, 我想講我係一個4歲細路既 daddy, 今時今日除左唔會拖住佢衝紅燈過馬路, 同埋唔比佢做一d危險既野, 其他佢鐘意做
乜野我都唔理佢, 只係遠遠睇住佢, 如果真係去做d 危險野, 我先會阻止, 我常常亦因為呢樣野同我老婆嘈到要離婚咁滯
因為我唔想樓曲我既下一代既身心思想
算啦,我都唔知講緊乜,不過只係奉勸各位呢個世界好多野整定,對子女緊張唔係一種好事,反而仲會弄巧反拙
