雖然冇影相，但真係太好食啦，都想响度同大家分享一下 ...

話說，離開鐵板王，順道响旺角行一轉，行吓行吓，唔驚唔覺行咗入花園街 ...

沿住花園行一直行，都有大小不同嘅食肆，要乜有乜 ...

行過櫻島，咁啱得咁橋，見有出爐酥皮蛋撻啱啱推出 ... "拍"一聲，鐵盆應聲放下，整盆蛋撻漲卜卜 ... 透明膠蓋舖滿蛋槳散出嘅熱氣 ...

出爐蛋撻可遇不可求，即時整返個 ... 盛惠 $2.5 ...

熱得燙手，唔可以大哂，即刻咬啖，半固體狀態嘅蛋槳，雖然辣口，但辣得幸福 ... 酥皮超鬆化，而且有好香嘅牛油味 ... 呢啲先叫做蛋撻呀嘛 ...

可惜，點解我唔買多件呢？

酥皮果隻麻麻地鍾意食

上水果間成日勁多人..
蛋撻只係2蚊...

最開心就係食到新鮮熱辣蛋撻

哈哈 ~~ 樓主形容到好似神上身喎

$2.5 新鮮熱辣就好