土瓜灣 - 阿頭潮食店

愛恨交戰

一星fun會員

Rank: 2

1^# 大中小發表於 2009-1-19 10:36 只看該作者

土瓜灣 - 阿頭潮食店

昨晚朋友call食飯, 話土瓜灣有檔打冷相當唔錯,
搵我同女友食飯吹水.
小弟係潮州人, 最好打冷,
一於帶埋女友, 四個人搭車落去試下係咪好食.

朋友點左蠔餅, 蠔仔粥.
我點左最喜歡既春菜, 鹵水鵝片.
最後個伙記問有冇興趣試下炸墨魚餅同炸蝦餅,
都好, 女友喜歡食香口野, 要埋佢~

過左大概五分鐘, 伙記上碟鵝片,
睇上去都有成十至十二塊度啦, 算ok, 食落都唔錯,
之後上春菜, 呢碟就失望d,
完全係好似新灼既春菜, 仲好重薑味,
之前去食打冷d春菜都係翻煲再翻煲先好味,
呢個完全係唔得.

繼續上埋炸墨魚餅同炸蝦餅, 蠔餅同蠔仔粥,
個炸墨魚餅同炸蝦餅得喎,
我平時都唔係好喜歡食d炸野,
但係呢個唔錯,夠香口又夠熱,
點埋個佢地整既甜酸醬就更開胃,
一流~
蠔餅同蠔仔粥都有水準,
雖然係話蠔仔粥,但d蠔仔都幾大隻,
我一個人都食左三碗.
至於蠔餅就不過不失,
我係嫌佢太多粉, 食落口有點"章"住個口.

食完埋單, 250蚊!
都唔係太貴, 4個人除開60-70蚊度,差唔多啦.
下次我會帶其他friend來再encore~

呢條街都幾多野食,
有糖水舖,日式居酒屋,串燒,
附近仲有間食新彊野.(下次去試先~)

報告完畢