今日同事生日, 好豪氣咁請佢食餐好野, 去左w square個間大喬食lunch, 食完我地2個都愛上左, 超正!
我食左呢個壽司烏冬餐, d 魚生全部都好新鮮, 好甜!



特別推介個海膽, 真係好好好甜!!!! 食完勁滿足!!!
好可惜甜蝦俾同事搶左......佢話都好甜, 好新鮮喎......其實我都好鍾意食甜蝦架......



個烏冬就好滑, 仲有個炸魚野菜餅 ^.^



呢個睇落去好簡單既前菜都好好食, 佢個味... 唔知點形容, 總之好味道! (註:本人係前菜怪, 最鍾意搶埋人地d前菜黎食~)



我同事就食左呢個天婦羅定食, 唔蝕底既我搶返佢一舊蝦食, 好彈牙, 唔係其他敷衍個d "林gi gi" 個d, 都係推介之一!
   


仲有柚子雪芭做個甜品, 最鍾意佢入面d粒粒柚子皮, 酸酸地, 0岩哂女仔食!
講起都好想再去探我個海謄壽司添......

死圖
搞搞佢啦

睇唔到呀

w square 即系邊度？

死圖

死圖...

d相得啦而家, w square 係集成隔離

食左幾多錢呀

海膽真係好靚喎