人性真係黑暗
我唔係一個大好人
但人不犯我,我不犯人
不過呢個香港社會,真係有好多心毒口毒既人,朋友多,知心少
我有個朋友,本來都算好朋友
佢同我差唔多大,佢做商場保安,成日都叫我都去做保安
(但又成日又勁唔想我去佢公司做, 連問佢個商場
叫咩名都唔肯講 , 我覺得係因為佢果度夠hea, 驚多人入去爭, 人地到時炒佢 )
日日游說我去做保安....
之前我話去見其他工, 佢就勁叫我唔好去見, 話見來都多餘, 不如去做保安
到我今日有offer啦, 不過唔係做保安, 係做d 都幾有壓力既
文書同行政工作,人工高佢 1000蚊, 不過壓力同要做既野肯定多過
佢既行行企企看更阿伯既工作十倍八倍啦!!! 我同佢講我找到工, 佢就一d開心都冇,
仲好似條氣好唔順咁, 又話"點解你咁好彩架,唉", 又話:"點解間公司竟然會請你架..."
,又話:"唉,依家你人工都竟然高過我"
我頂佢個肺,我人工高佢1000蚊唔夠,佢就做看更,我就做阿四,咩都要做,仲要佢f.5
冇科都合格, 我假假地都大學畢業, 都出黎做過幾份野, 我覺得如果要比較, 我應該
覺得唔抵, 多過佢覺得唔抵啦..... 呢個世界有時有d 人真係一世無發達 就係咁解
, 順帶講句, 條友d 賭波賭到依家仲差銀行果d卡數呀,循環貸款呀,夾夾埋埋十幾萬
