|
版主
 
|
1#
大 中
小 發表於 2009-2-21 20:38 只看該作者
人情味 之 嵩記牛什
話說近期因網友,朋友等推介下試了不少麵檔,元朗,荃灣已試了幾間,說實,口味的確因人而異,當中亦有其精彩之處,但食物一比較下自有自己一套,這正是飲食之道,各有各口味!!
原先今日下畫再到"長發"食撈麵,由太子辦點事後就直接行過去,小弟原籍"阿爸癲" 對九龍區認識皮毛,上次拜訪都係"伸手",所以慢慢行,沿路又睇下呢區特色 ,正當行近石硤尾邨附近,發現一間極為舊式麵檔,探頭一看"嵩記牛什",檔仔細細,最多十人己爆場,無理會繼續行,但心就不斷唸,又舊又牛什,近排還掂常吃,即管試一試吧!立即走回頭路!
今次不想用太多字描術食物,剛才提過,各人各口味!反而提一提事頭婆,食麵間聽到近門一位客人不斷鬧筲箕灣一麵檔,(其實當時小弟極想搭咀,因我就在東大街大 )但事頭婆詳細解釋當中變差因由 並沒有數落他人 更開始將話題拉扯到中環名店原來與他們有過交情 我這時己加入"八公"行列了 去片!!
"牛什伊走肺",我第一口就係試湯,湯清味道帶牛骨味,我知道與上高手了,牛什夠腍,整碗麵分量只達"$10蚊"店7成分量,亦正明了"巧物不用多",感動!!
我係慢慢地試真的,湯底無味精!
其實一路食牛什麵時已盤算試唔試埋牛腩 算啦!食完先減
湯底我無叫加"腩汁",食原味!牛腩鬆化不痴牙,麵有少量揀水味,因此較爽身,啱我!又比我幾分鐘KO埋
事頭婆,我會番嚟嫁!!
|
