昨晚在佐敦接老虎收工,等候期間已手執四件尖椒(煎釀四寶的綠色尖椒),因為小弟愛辣,加多串辣魚蛋在機鋪一路玩大細,一路食魚蛋 等到佢收工喇,原本唸住清清地食碗魚腩粥算,大人景然挑戰我話想食"阿蟲咖哩",大人,呢間我輸過兩次喇, 但佢又想食辣野,又睇緊d燒海鮮(我唔食得),突然靈機一屬 呢度有間四片細鋪,就佢啦!!"雲貴川"

點解價錢好似十年如一日 我唔食呢d米線(好懷念四川的肥腸麵) ,所以只點了小食!因為小弟食辣野連以前四川同事都驚,所以全部中辣,口水雞更大辣 ...點知 ...

鋪仔細細



先嚟"涼拌酸辣米線"中辣,米線好煙un,口感一流,色水咁淺大大啖食,但點解我d火開始升高嘅? 好辣呀 但好食!


拍黃瓜係老虎必食,呢個就一般啦!仲要切粒


"口水雞"大辣,食咁耐口水雞暫時覺得"大平伙"的最香,呢個就雞肉偏鞋,乾辣椒香稍為少了,但以$35計又值回票價有餘!good,下次中辣會更好!


最後上熱辣辣的"水煮牛肉",大家都估到結果...食唔到啦 打包!小試了幾片,就算要比"聯記"的水準還差很遠,莫論四川..完全食唔到花椒,蒜等香味,型神俱不似!




埋單連一杯飲品 $102, 超抵,即時飛過對面飲嘉仔!

呢間咁抵食ge

佢個涼伴紅薯係我至愛

碗米線都幾夠份量喎

小弟不材
雖然味道都大致估到
不過其實唔太知 Joe 兄究竟真係讚定係有弦外之音

果道d辣椒特別辣, 老闆娘成日提d人客

好耐冇食過米線喇....好想快d返香港食呀

咁就唔駛去試了

好鬼細間    得四張細檯
買外賣 都要打側身 出入

水煮牛肉...幾唔錯咁喎 ...