re樓上2位:
其實唱歌都有得自學既,不過當然唔好用錯方法,如果用得耐,慣左錯既方法既話就好難改番正
第一點:明白點樣先為之正確既發聲(唱歌),唱歌其實係用d氣去震動條聲帶黎發音,一般黎講,係會用腹式呼吸法,即係用丹田呼吸,幻想將d氣唔係吸入肺,而係吸入肚度,呼氣時係用個肚推d氣出黎,即係吸氣時脹肚,呼氣時縮肚,呢樣要慢慢練
*另外有一種方法,係控制喉內同喉外既基肉,周杰倫就係用呢種方法
第二點:清楚自己既音域,以最基本既do re mi fa so,逐個key慢慢升上去,睇下自己既最高音同最低音o係邊度,如果唱到某個高音覺得kick住,唔好夾硬扯上去,否則會好傷聲帶
第三點:清楚左自己音域,又識得用正確既呼吸方法,揀歌最好揀番d自己音域既歌去反覆練習,如果你屬中低音既,可以唱下克勤、學友果d歌手既歌
第四點:技巧呢樣野,一係就跟人學,一係就自學,不過如果自學唔得既話,保險d都係搵人教,千祈唔好自己亂試,因為一旦學錯方法,輕既會變得難改番正,重既可能會好傷條聲帶
第五點:感情問題,唱歌要唱得好聽,其中一樣好重要既就係感情既表達,就算把聲幾好,但如果唱歌冇感情既,始終都會表達唔到首歌既"精髓",可以揀d你有果種經歷既歌去練下,其實同演員差唔多,要識得運用人本身多方面既感情表達
第六點:懶音、外語發音問題,唱歌好忌懶音,而其他語言,如國語,我聽左你首《說好的幸福呢》,明顯聽得出好多錯音,呢樣要留意下
第七點:melody問題,唔好隨便去改人地首原曲既melody,首《說好的幸福呢》明顯有改過
第八點:節拍,要跟番首歌既節拍,唔好一時快一時慢
第九點:歌詞問題:搵番正確既歌詞,你xg果首《說好的幸福呢》既歌詞好多都唔岩
第十點:搵出屬於自己既風格,當然唔係叫你千祈唔好跟d歌手既風格,總之你搵種適合你嫁啦
第十一點:呼吸聲越細聲越好,同埋唱歌時唔好噴咪
第十二點:唔係高音就代表勁,呢點千祈唔好搞錯,而家好多人以為唱到高音就好勁,其實都係誤解黎,音域除左後天訓練之外,天生都係一個重要因素,唔屬於高音並唔係代表唱歌唔叻,請記住呢點
ok,仲有好多點既,講唔晒~不過如果你真係有心想學好既,好老實,去跟d聲樂(流行曲)老師學下,雖然我話香港真係好掂既冇乜幾個,但唔代表其他果d冇料,佢地唔算最好,但都唔算弱,所以你可以試下