見大家都咁想知呢部野o既性能, 今次就等我發表我o既處男 report la  

d 圖比較大, 因為咁先睇得清嘛, 所以會load 得慢少少, 請多多見諒

[開箱硬件篇]

首先梗係要睇睇個外盒先o架啦, 黎料............ show time



咦.............. 乜得 250G 咋, 無計啦, 家境唔好, 買唔起 320G 嘛, 用住先啦



等左咁耐, 係時候俾大家見見佢o既真身啦, 萬眾期待...............

(正面 - 鏡面設計, 幾型仔啵)


(背面 - 係右手面隱約見到有個風扇仔係到, 唔怪得佢一d 都唔熱啦, 但係運作o個時一d 都唔嘈, 差唔多冇聲咁)


再zoom 近少少睇清左佢有咩輸入輸出端子先得

(真係諗得出o既有齊俾你；YPbPr(分量色差), Video/L/R(複合視頻, 俗稱三色線), S-端子, 同軸數碼 ( for 音效輸出的 ), 光纖 ( 都係for 音效輸出的 ), HDMI, RJ45 ( 即俗稱lan port ), usb 都齊晒, 仲勁過成支軍隊呀)


話時話呀, 又話係內置harddisk 咁佢死左去邊 @@

唔駛咁心急, 頭先睇唔到正面相o個時左面有個蓋咩, 咪就係放入面囉, 無錯, 大家一齊開佢蓋

(咦............. 連前面都有個usb 喎, 咁更新咪唔駛下下由後插囉, 嗯, 真方便 [其實部野可以由usb 更新或網絡更新的])


只係見到個黑色野, 鬼知係咩黎, 拉出黎見下街坊先啦

(各位師兄, 要拉佢出黎o個時, 記得首先按佢一下, 佢會彈少少出黎, 再用少少力拉佢出黎, 但係唔好見佢有少少頂住頂住咁就用好大力去拉, 話晒都係電子野, 小心d 好)


拉出黎咪一樣, 咁遠, 睇鬼咩, 係啦, 整個近鏡啦, 唔該

(好清楚咁睇到係250G , 點解唔係 500G 或者 1TB 呀 [本人已經思覺失調了, 哈哈], 由於個黑色外殼係由兩粒螺絲鎖死左, 係到唔拆埋佢啦, 反正都睇到晒係個2.5" 三叔o既SATA HDD)


主機雖好, 但係都要有個remote 加持先得o架, 唔係點用, remote 以後要靠你主持大局啦, 係你出場o既時候啦



差唔多黎到硬件篇o既最後啦, 都要show 一 show d passed card 先得o既

(所有標籤都係晒機底) 由於保安關係, 都係唔公開S/N 同 MAC address   


最尾黎番個開箱大召集先, 所有盒中o既主角, 配角都要逐一亮相

(隨機附送色差線一組, 三色線一組, 公乸天線一條, 火牛一大隻, 仲有一本無無謂謂o既使用說明書)


好啦, 開箱硬件篇到呢到為止啦, 如果有興趣的話, 可以繼續留意之後o既篇章, 多謝支持

-------------------------------------------------------------------------------------------------------------------------------------------------------------------------------------------------

繼上回 [開箱硬件篇]後, 大家一定好想知部野實戰情況係點, 好啦, 就事不宜遲, 而家為大家送上 [實戰篇]

[實戰篇]

首先講下今次測試o既主要硬件係咩, 當然唔少得主角 VD-i 啦, 而配角就係 HITACHI - L37X01A

(而今次o既測試部VD-i 都係用上原廠設定)

一開始所有野都係由駁線開始o既, 咁就帶大家睇睇我屋企o既騎呢駁法先啦

(我係由有線天線入屋, 跟住用上一個有線分線器[藍圈], 跟住再用一個普通分線器[紅圈], 最尾由cheap cheap 天線入VD-i[紅圈內右面o個條], 咁駁法會唔會個訊號弱到收唔到o架 ~_~)


唔理收唔收到住, 睇埋部VD-i 有咩駁住先

(由左至右, 1.cheap cheap 入機天線一條, 2.cheap cheap 入電視天線一條[只係為左睇cctv - 唔係中國o個隻, 係大廈蔽路電視], 3.HDMI 線入電視, 4.大水牛線一大線)


好啦, d 線駁好晒, 開機試試先...............................

咦咦........... 咪住.............. 未開機之前, 個板面有少少唔妥喎, 睇真d, 原來插左大水牛未開機, 個板面會display 一個24 小時制o既鐘係到, 真係意外收獲  



好啦, 今次真係正式開機試啦, 一開機, 個鐘仔就唔見左, 部機會load 一陣, 跟住就打出當前頻道位置



開完機, 大家都會好自然咁望下個TV 會有咩show 俾我地睇, 咁咩產物都會係呢個時候賣下廣告, show 下自己o既logo 出黎, 當然VD-i 都唔例外

一路等呀等......................... 老細, 你好似慢左少少喎, 係啦, 無錯, 部VD-i o既開機程序大約要半分鐘到, 比預期中慢

唔理啦, 有野睇就得, 好啦, 大家一齊睇睇佢o既表現先  

(下圖就係完成開機程序之後o既畫面, 亦都係大家按info 制所見到o既info , 而各位師兄可以係右面條綠色bar 到睇下訊號接收能力如何, 嘩................. 大家仲有冇印象我已經用上兩個分線器, 仲要係d cheap cheap 線材, 全部都係幾蚊十幾廿蚊貨仔, 咁都可以差唔多收爆............. 利害利害, 究竟係我大廈收得勁呀, 定抑或係部VD-i 收得好呢 [我用第二部STB個時好似冇收得咁好o架啵  ])


首先同大家介簡下佢個介面先, 其實好似係同 306 一模一樣 ( 我都唔肯定, 因為我冇306 印象中係好相似)



睇睇個輸出選項有咩俾大家揀先

一黎就係HDMI 影像, 真係乜都有齊晒喎, 各位師兄部電視support d 咩就揀咩啦



再黎HDMI 音頻, 有PCM, PCM 5.1, 同埋COMPERESSED, 要有o既都有齊晒啦, 仲想點



都係音頻, 不過今次係數碼輸出(包括光纖同埋同軸), 呢到就只係得兩項俾大家揀啦, 不過亦都夠晒



而高清影像方面都有得揀YPbPr 同埋 RGB



到左一個唔知咩東東, 高清影像呢個item 我就唔太清楚係咩黎啦



圖像設定方面都同306 一樣, 有得校亮度, 對比, 色彩, 飽和, 同埋顯示比例



顯示比例入面有, 正常, 方框(BOX), 同埋放大(ZOOM) 俾你校, 適合傳統電視同埋高清電視



今次到講頻道選項啦, 入面有三樣野俾大家揀, 分別係：自動, 手動, 快速

(如果大家知道自己大廈收咩頻道就直接用手動啦, 不過我都用自動試左次, 用自動大約要十分鐘到啦, 快速就冇試過)


最尾到系統選項啦

(係本機信息入面大家可以睇到部機o既硬件同埋軟件info)



而家睇睇個界面有咩可以改o架先

(可以變o既唔多, 只係得三樣, 語言：中文、英文, 無操作停留, 同埋透明度 - 如果有得俾人自己設計下個介面你話幾好玩呢 [不過而家好似冇一部機有呢個功能])


值得一提o既係佢o既升級設定

(可以用USB 或者經網絡升級, 任君選擇)


睇埋佢o既字幕同聲道選項先

(聲道o個到大部分都係兩個一樣o既選項, 不過第二個選項係模擬5.1黎, 如果真係support 5.1 聲道的話先會出真5.1)



最尾睇埋佢個EPG 有冇問題先啦

(所有節目都能夠正常顯示, 亦都可以係到揀邊個節目黎預錄, 不過今篇就唔測驗錄影住, 所以skip 左佢)


講到呢到, 大家對VD-i o既界面都有相當o既認識啦

而家都係時候俾大家最關心o既野啦, 就係畫質問題

畫質講多無謂, 有得睇最實際, show time................................

(今次我係用晒原廠設定, 不過如果過大家o既悉心調校, VD-i o既表現一定會更好)

首先黎個HD Jade o既logo 先



                                                                                                                                                                                                                                                                                               

跟住黎兩張 HD Jade o既實拍




跟住睇睇 SD Jade 表現如何





最尾因應某位師兄要求, 特別加左張字幕近拍, 快d 埋黎睇睇啦

(字幕算係冇起角, 質素相當唔錯呀)


總括黎講, 呢部VD-i 絕對係一部正野, 但係正野都會有少少問題

缺點：開機慢
　　　搜台速度慢 ( 但係用手動就唔會慢啦, 同埋通常只係搜一次就ok )
　　　字幕有少許甩漏 ( 唔知係咪部野問題, 因為只係劇集先出現, 睇新聞o個冇甩過 )
　　　價錢未算太大眾化 ( 但係都已經好過好多廠商 )
　　　未有互動功能

優點：轉台快 ( 平均兩秒內完成, 試過一按即轉到添, 真快手 )
　　　畫質靚 ( 只係用原廠設定都已經夠睇, 經各位師兄悉心調教後一定會更上一層樓 )
　　　一d 都唔熱 ( 長開幾粒鐘唔好話熱, 連暖o既感覺都冇, 可以稱得上係冷血分子 ~_~ )
　　　雙tuner ( 可同時錄睇唔同頻道o既節目, 暫未試同時錄唔同頻道 )
　　　自由換HDD ( 可以隨時拎出黎同fd 交換分享, 壞左一分鐘都唔駛就換好 )
　　　接收能力特強 ( 睇我咁駁法都仍然可以收爆就知啦, 同埋玩到而家未試過爆格同埋lag )

-----------------------------------------------------------------------------------------------------------------------------------------------------------------

[錄影篇]

本篇所有內容由 simon1980 提供

首先vd-i 錄影功能
1.)關機預錄:能使用epg及手動時間預錄節目(ps:請注意, 由於預錄時間是電視台的訊號流拿取, 如果開機設定錄影後馬上關機, 而那段時間電視台還沒有發送時間資料的話, 有可能不會自動開機錄影 (一般在開機3-5分鐘內會取得電台的時間流)一般來說如果關機後VD-i的屏幕顯示現實的時鐘,就會自動開機錄影
2.)一按即錄(ps:只限於機身錄影按鈕)
3.)沒有同時間2台同錄及time shift功能, 但v-digi已回覆暫定8月份內會由update fw而追加此2大功能

使用方法:
epg:
這功能很易用, 首先remote上有一epg按鈕, 按一下便會出現時間表, 響你選擇嘅台號按紅制就會轉落節目表去到你想錄的節目上然後按錄影制之後該節目嘅左面會出現一圖案便成功(ps: 因現時仲未有2台同錄, 所以要留意你所選擇嘅節目時間有無重疊情況, 當然如果有此問題發生機頂盒都會出現有關提示出現)
手動時間預錄:
先按remote上嘅錄影制之後會出現錄影設定功能表, 選擇預錄錄影管理再會出現一功能表, 按下綠色制(新増後出現手動時間表, 選擇台號,日期, 開始時間然後之後呢步要留意啦大家只可以選擇錄多少時同分就無得選擇幾點鐘錄完, 而呢個問題v-digi回覆會考慮把介面改成結束時間代替錄影時長, 同時錄影時間問題同epg一樣要留意
用remote按即時錄影:
按下錄影制出現功能表響即時錄影按( > ) 便可, 如要停止錄影包括預錄緊嘅節目只需要按stop制便可

                                                                                                                                                                                                                                                                                               

有冇HDMI線送呀?

跟機乜都冇得送的 @@

MOUSE 兄, 多謝報告, 辛苦曬.
個 remote 同 306  一樣, 只係最底中間多左兩粒制.

請問幾銀?                                                                                                                                                                                                                                                                                               

我好想知部機係接收舊四台時，字幕能唔能夠正常顯示?

MHEG-5係V-Digi-I可以使用嗎?                                                                                                                                                                                                                                                                                               

師兄...
好奇問問.覺唔覺眼見到少左張lable 認證.....
係咪趕住出少左呢

唔like 個 remote     樣衰