社民連做得幾好,可惜好多港人唔明
社民連做得幾好,可惜好多港人唔明,而唔明既人主要係持以下理據:
- 三子搞事可以提早收工,返屋企訓教,人工照收
有留意議會就知,三子幾乎所有會都開,出席發表意見同批評政府,
只不過係尼D重大既政府公報,包括特首或者財政公報上,佢地先會
咁做,唔信自己去YOUTUBE SEARCH.另外佢地既人工主要係用泥
營運社民連開支同地區工作.相比起好多議員係議會訓教、做自己野
或者什至唔出席,三子係盡心盡力FULL TIME去做,好多人只係PART TIME,
本身有正職係身,但要知一點,要開晒所有會,關心好多議題,係有好多
主件要睇同分析,只係PART TIME去做,根本係冇可能既事.所以講得
出話佢地唔做野既人,只係反映出一般香港人唔留意時事政治,只係
單憑表面去批判事件.
- 三子行為過激
尼種講法係好主觀,冇話對錯.不過多係數講尼返話既人,都唔明點
解佢地會咁做,以為佢地只係做SHOW或單純搞事.其實當你了解
背後既種種你就會明白.簡單咁講,今日既體制係不公平,行政長官
唔係你同我選出泥,所以好多決策可以同人民背馳.為負責把關既立
法會,雖有直選,但同時亦有一大堆功能組別選出泥既議員,好似霍
震廷就係一個好例子,佢已經做左咁多年,點解可以做咁耐?因為一
來冇人同佢爭,二來好多業界團體同相關保皇派都有密不可分既關
係,所以係立會,保皇加上功能組別,就等如政府既投票機器,咁既體
制下,基本上個立會都係被把持住.所以你見民主派等,係議會都係
得個講字,佢有佢地講,講完就算,之後返屋企訓教.結果係乜都做唔
做.社民連過激行為雖說都唔會做到乜,但就係因為佢地咁做,先可以
引起社會既主意,等人民知道有不平事發生緊,大家其實會發現,三子
既出現,同時令到香港人對時事係關心多D,好似以前,我身邊好多人
都唔會點理,今日因為佢地先主意到某D事項原來係咁唔公平,當然
到最後改唔改變到個問題其實只有靠人民自己企出泥.所以有人話
佢地乜都做唔到,只係嘈,其實係正確既,最終係要我地自己企出泥
先得,佢地只係不斷衝擊令政府冇咁輕易 混過關,同埋仲有一點就
係幫我地出一口氣,等班高官唔係收幾十萬去打GOLF飲紅酒咁爽.
- 只識嘈,其實乜都做到
尼點同我上面講既一樣,到最後改唔改變到個問題其實只有靠人民自
己企出泥.因為立會都已經被控制.好似最近ICAC單野咁,係美國,最高
層一早要下台,香港呢?去立會講2句遊花園,之後就冇事.議員做唔到
乜,政客亦因為唔係民選,只要阿爺唔過問,佢地想點都可以.
- 唔認同三子既理念
尼點冇意見,始終係大家既觀點立場.不過都係個句,如果大家都係同
意香港要有民主,要有自己選出來既特首,只係係尼點上,其實係應該
支持佢地對普選既爭取理念.至於它好似最低工資既理念,我自己都
唔認同.
- 應用其實方式
持有尼個想法既人,係從來唔會提出有咩方法.大家諗下,民主黨係
議會入面坐係到幾多年?大家又諗下公黨自7.1開始到今日結果又係
點?佢地夠理性啦瓜?獲獲坐係到,講反對(投票時就讚成).結果今日
咪搞到有個咁既政府,一個完全唔洗問責,唔洗向選民交待,唔洗怕立
法會(因為夠票),係咁既情況下,我地仲繼續乜野尊重、乜野乖乖坐
係到同政府討論係咪多舊魚呢?
- 佢地只係做show
其實係好得意,通常話人做show,係指某個人佢原本唔係做開尼樣
野,但為左利益又好咩都好,突登去做場show,做d原本冇做既野,去
得到佢地想要既好處.例如,保皇黨平時保開皇係人都知,但當民怨
起時,好似雷曼件事咁,佢地明明係唔支持成立調查小組,結果因為
好大民怨,佢地就係苦主面前做show扮支持,但結果都係要投第三
次票佢地先支持.尼個就係明顯做show既例子.但你睇社民連,佢地跟
本係從一而終,當初佢地講既係咁,今日佢地做既都係咁,話比選民聽
佢地講得出做得到,同選舉既承諾係一樣,唔同政府妥協,唔會為左
要係政府拎到著數(咩副局長或者議會既席位)而同政府私下握手.
咁樣我地都仲可以話佢地係做show嗎?講既人真係要諗清楚做logic.
- 有人會話: "老師如果蝦我，我可唔可以向先生掟蕉呀！"
問這種問題的人,多有奴性思想
立法會同課室係兩個完全唔同既地方
立法會係民選代表監察and同政府對立既地方,課室係老師教授知識
同教訓學生既地方,將兩個地方拉埋一齊講,即係你認為政府係皇上,
或好比師長,高高在上,要我地選既議員要乖乖坐係度聽佢教訓,聽佢
指令,唔洗多講,你都知冇可能啦.
另外,希望d家長要明白,教育係佢地責任.如果要三子既做法會對佢地
子女有咁大影響,咁我諗佢地最好帶佢地子女去無人島.
- 三子掟蕉嚴重,政府搶錢有理
一般香港人,係好奇怪,對好多較為間接既事都會諗唔通.
例如今次三子係立會既行為,有D人會話好粗暴好嚴重,
但政府既事佢地係唔會覺得有問題.
打個例子,有個人,係你銀包到搶晒你D錢,咁你會點呢?肯
定會追佢九條街再報警,最尾加多佢一腳啦起碼.但好奇怪,
政府係我地香港人既錢入面(記住,政府庫房既錢係香港人
唔係政府架,政府只係管理),亂咁洗亂咁用,好似搞乜基建咁
用幾百億,副局長幾十萬,個d人又唔會覺得咁樣係一種好粗
暴好嚴重既行為.反而心水清既人會睇得出,三子其實係幫你
追既個賊九條街呀.
