~向晴朗的一天出發~戰績報告

小弟初黎步到, 先講一下琴日既戰記先:

本已停戰兩個月，現在重新出發.....琴日放工即刻出碼頭, 係上環已有人問70元星光船飛, 即刻上船去威記小試牛刀, 去到個場都幾旺,  扒仔係有, 但唔多, 玩21點, 賭得特別爽......先黎3000港兵試下手氣, 玩左半個鐘都冇咩上落...之後突然間想去MGM玩下, 去到個場唔係好多人, 行左陣搵到張百家樂枱好好赌, 長長既單跳...好有信心咁買左2000莊, 點知閒一開9點, 成枱人即刻四散, 其後玩左一陣, 仲要輸o多左四千...

心有不甘去埋星際, 睇下係咪咁黑 ....到左即係見到有枱百家樂有個都差唔多40幾接近50歲既苛官, 冇神冇氣....一於小注試下先...開頭見上上落落,冇咩斬獲...諗住今日都係咁先~之後有個後生仔落枱玩...舖舖賭欖...但舖舖輸, 運氣差到冇人有...心諗搵到明燈la. ...之後舖舖買佢對家....自己過左幾關, win左萬五蚊即刻離枱. ..諗住走個時聽d老虎機職員話前幾日有人中左Cash express二百幾萬...見好似幾好玩就試左一陣....隔離有個女仔鬼死咁多野講...又話自己日日煲都唔中...又叫我做咩唔插會員卡草双倍分...心諗都冇壞既...就吉張卡入去...果然運氣都唔錯, win左幾百即走...d積分仲用黎食埋野, 搭船返香港....不貪不留, 保住小命.....

~下期再戰~